ជីវិតកម្សាន្ដ

Angelababy ចែករំលែកបទពិសោធន៍តស៊ូស្វិតស្វាញចេញរកប្រាក់តាំងពីអាយុ ១៥ ឆ្នាំ

បានផុស

៥ years មុន

នៅ

ថ្ងៃអាទិត្យ ៨ វិច្ឆិកា ២០២០

ដោយ

Sonya

កាលពីពេលថ្មីៗនេះតារាសម្ដែង Angelababy បានចែករំលែកអំពីប្រាក់ខែរបស់នាង នៅពេលដែលនាងទើបតែចូលសិល្បៈលើកដំបូងនៅក្នុងកម្មវិធីទូរទស្សន៍ចិន “FourTry”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Angelababy បានប្រាប់ថា នាងរកប្រាក់បានដោយខ្លួនឯង តាំងពីនាងមានអាយុប្រហែលជា ១៥ ឬ ១៦ ឆ្នាំ។

នៅក្នុងបទសម្ភាសន៍ភាគថ្មីៗនៃកម្មវិធី “FourTry” កាលពីពេលថ្មីៗ Angelababy បានបង្ហើបឱ្យដឹងថា នៅពេលដែលនាងទើបតែចូលសិល្បៈលើកដំបូងក្នុងនាមជាម៉ូឌែលឲ្យទស្សនាវដ្ដីមួយ នាងរកចំណូលបានត្រឹមតែ ៧៧ ដុល្លារ ប៉ុណ្ណោះ។ មិនយូរប៉ុន្មាន ដោយការខិតខំព្យាយាមរបស់នាង បានក្លាយជាពិធីការិនីក្នុងកម្មវិធីទូរទស្សន៍អនឡាញនៅហុងកុង ដែលពេលនោះនាងចាប់ផ្ដើមទទួលបានប្រាក់ចំណូលថេរគឺ ៤០០០ ដុល្លារក្នុងមួយខែ ក្នុងរយៈពេល ២ ឆ្នាំ។

តារាសម្ដែង Kris Wu ក៏បានសួរថាតើនាងមានអាយុប៉ុន្មានហើយនៅពេលដែលឈប់ទទួលប្រាក់ពីអ្នកផ្ទះ Angelababy បានឆ្លើយថា “ប្រហែល ១៥ ឬ ១៦ ឆ្នាំ” ធ្វើឲ្យ Kris មានការសង្ស័យហើយបញ្ជាក់ចម្លើយរបស់នាងម្ដងទៀត។ នៅពេលនោះនាងក៏ឆ្លើយបញ្ជាក់ប្រាប់ Kris ម្ដងទៀត លោកក៏បានពោលពាក្យសរសើរនាងថា “Angelababy ពិតជាមានសមត្ថភាពមែន”។

បន្ទាប់មក Angelababy ក៏បាននិយាយបន្ថែមទៀតថា នាងឈប់ទទួលយកប្រាក់ឧបត្ថម្ភពីក្រុមគ្រួសាររបស់នាងទាំងស្រុង ចាប់តាំងពីនាងចាប់ផ្ដើមរកប្រាក់ចំណូលមានស្ថិរភាពនៅពេលនោះ។

ក្នុងពេលនោះដែរ នាងក៏ទទួលបានទទួលការកោតសរសើរពីសំណាក់អ្នកនិយមលេងអ៊ិនធរណិតជាច្រើនផងដែរ ៕

ប្រែសម្រួល៖ សាង ស្រីល័ក្ខ

ចុចអាន៖ មកស្គាល់កំពូលកាយវប្បកម្ម សង្ហារ ក្មេង និងស៊ិចស៊ី

ចុចអាន៖ ៩ កន្លែងនៅជុំវិញពិភពលោក សម្រាប់អ្នកស្នេហាពណ៌លឿង