វិបត្តិកូវីដ-១៩! អាចារ្យ ធំ ប្រកាសលក់​មរតក​មួយ​ចំនួន ដើម្បីដោះទាល់មួយ​គ្រា

អំឡុងពេលដែលជំងឺកូវីដ-១៩កំពុងតែរាតត្បាត ស្រាប់តែឌីជេអាចារ្យធំ បានប្រកាសដាក់លក់មរតកវប្បធម៌បុរាណមួយចំនួនដើម្បីដោះទាល់មួយគ្រាសិន។

អាចារ្យ ធំ បានប្រកាសនៅលើផេកផ្ទាល់ខ្លួនបែបនេះថា៖ “សាលាសិល្បៈបុរាណយេីងខ្ញុំ (ទីតាំងផ្ទះ​កាហ្វេវប្បធម៌ភ្នំពេញ)​ សូមប្រកាសលក់​កេរ​អាករ​មរតកវប្បធម៌ ដែលសល់ពីញេីសឈាមខ្លះ​ ដេីម្បីដោះទាល់មួយគ្រានេះសិន។ បេីអស់លោក​ លោកស្រីបងប្អូនទាំងឡាយណាមានបេះដូងស្រឡាញ់មរតក​វប្បធម៌ទាំងនេះសូមប្រញ៉ាប់!”។

មរតកវប្បធម៌បុរាណដែលអាចារ្យ ធំ ប្រកាសលក់នោះរួមមាន៖ ស្បែកធំ​រូបឥន្ទជិត​ (កំពស់​ ១.៥ម៉ែ ត្រ)​ ១ ផ្ទាំង​,​ រនាត១ ផ្លែសំនៀង​ឈេីនាងនួន​អាយុ​ ជិត១០០ឆ្នាំ ​(កេរគ្រូ)​ និង​ស្នែងផ្លុំ​មួយចំនួន​។ បើសិនមានបំណងចង់ទិញយកទៅរក្សាទុកអភិរក្ស​ថែរក្សាបន្ត​ សូមមេត្តាទំនាក់ទំនងមក​ចុះ​។

លោកបញ្ជាក់ថា ការសម្រេចចិត្ត​លក់ព្រោះខ្វះខាត បេីនៅតែប្រឈមចំពោះ​ស្ថានភាព​លំបាក​នេះ នឹង​បន្តលក់កេរ​មរតក​មួយ​ចំនួន​ទៀត ​តាមដែលអាចធ្វេីទៅបាន។

លោក​បញ្ជាក់​ចុងក្រោយ​​ថា “ឃ្លាតដោយស្នាមញញឹម​ ចិត្តជាអ្នកប្រយុទ្ធដួលថ្ងៃនេះ​ ក្រោកឡេីងជាថ្មីបាន​ ឱ្យ​តែ​សល់​ដង្ហេីម​”៕

អត្ថបទ៖ ចាន់រ៉ា

ចុចអាន៖ រំភើបណាស់! បវរកញ្ញាកម្ពុជា លីវ ជីលី ទទួលបានពាន Grand Pageant’s Choice Award

ចុចអាន៖ សិល្បករ​-​សិល្បការិនី​២៥​រូប​ទទួល​អំណោយ​ពី​សមាគម​