ជាប់គាំងដោយសារកូវីដ! ជាតិ សុច្ចកា ប៉ះស្នេហ៍បុរសពោះម៉ាយកូន១នៅអូស្ត្រាលី

ជាតិ សុច្ចកា ដែលជាអតីតបេក្ខភាព “X F actor Cambodia” រដូវកាលទី១ ពេលនេះមានរយ:ពេល១ឆ្នាំហើយដែលកំពុងស្នាក់នៅសោយសុខលើទឹកដីប្រទេសអូស្ត្រាលី ខណ:ដំណើរវិលត្រឡប់មកប្រទេសកំណើតត្រូវបានជាប់គាំងដោយសារកូវីដ-១៩។

ស្របពេលការខកខានដំណើរដែលមិនទាន់បានវិលត្រឡប់មកប្រទេសកម្ពុជាវិញរបស់ ជាតិ សុច្ចកា ក៏ស្រាប់តែលេចឮដំណឹងថា នាងបានជួបស្នេហ៍ជាមួយបុរសពោះម៉ាយកូន១ដែលជាអាណិកជនខ្មែររស់នៅអូស្ត្រាលី។ មិនតែប៉ុណ្ណោះសុច្ចកា ក៏បានរៀបការស្ងាត់ៗជាមួយបុរសពោះម៉ាយកូន១ ឈ្មោះ ឧត្តម បន្ទាប់ពីអ្នកទាំងពីរបានស្វែងយល់ចិត្តគ្នាជាង១ឆ្នាំមកហើយ។

បើតាមប្រភពព័ត៌មានបានបញ្ជាក់ថា សម្រាប់ពិធីមង្គលការរបស់ ជាតិ សុច្ចកា គឺធ្វើឡើងតាមបែបសាសនាគ្រឹស្តពោលគ្រាន់តែពួកគេចូលព្រះវិហារ បំពាក់ចិញ្ចៀនឲ្យគ្នាទៅវិញទៅមក​ប៉ុណ្ណោះ ព្រោះដោយសារតែបញ្ហាជំងឺកូវីដ-១៩ មិនទាន់ស្ងាត់។ ប្រភពបន្តថា សុច្ចកា ធ្លាប់បង្ហើបថាក្រោយពេលដែលកូវីដ-១៩ស្ងប់ស្ងាត់នាងនឹងដឹកដៃស្វាមីមករៀបការនៅស្រុកខ្មែរជាលើកទី២ដើម្បីបង្ហាញឲ្យគេឯងបានដឹងគ្រប់គ្នា។

គួររម្លឹកថាកាលពីថ្ងៃទី១១ ខែមីនា ឆ្នាំ២០២០ជាតិ សុច្ចកា បានដឹកដៃតារាប្រុសលោក អែនឌី ទៅច្រៀងសម្ដែងនៅអូស្រា្ដលី ដែលតាមគម្រោងនាងត្រូវច្រៀងសម្ដែងតែ១ខែគត់នឹងវិលមកកម្ពុជាវិញ។ ប៉ុន្ដែដោយសារតែកូវីដ-១៩នឹងបានប៉ះស្នេហ៍បុរសពោះម៉ាយកូន១ផងនោះ ទើបសុច្ចកាមិនអាចឡើងយន្ដហោះមកស្រុកកំណើតវិញ ដូចលោក អែនឌី បានឡើយ៕

អត្ថបទ៖ ចាន់រ៉ា

ចុចអាន៖ វិបត្តិកូវីដ-១៩! អាចារ្យ ធំ ប្រកាសលក់កេរមរតកវប្បធម៌បុរាណទាំងនេះ

ចុចអាន៖ តារា​ស្រី​ថៃ ៤ រូប មាន​ឱកាស​ក្លាយ​ជា​ទូត​សុឆន្ទៈ ប្រេន​ល្បីៗ​លំដាប់​អន្តរជាតិ ក្នុង​ឆ្នាំ ២០២១