ជីវិតកម្សាន្ដ

ទើបសម្រាលកូនរួច Sririta ក្រោកឡើងតែងខ្លួនស្អាត ឯក្បាលពោះរាបស្មើវិញអស់មើលមិនចង់ឃើញ

បានផុស

៤ years មុន

នៅ

ថ្ងៃអាទិត្យ ២៨ មីនា ២០២១

ដោយ

Sonya

តារាថៃនាង Sririta Jensen ទើបសម្រាលកូនប្រុសរួចកាលពីពេលថ្មីៗ ប៉ុន្តែតារាស្រីរូបនេះហាក់មានសុខភាពល្អមាំមួនណាស់។ គេឃើញនាងបានក្រោកធ្វើសកម្មភាពតាំងពីថ្ងៃសម្រាលរួចហើយភ្លាម ដើម្បីថតរូបគ្រួសារ៣នាក់ឪពុកម្ដាយកូនជាច្រើនសន្លឹកទុកអនុស្សាវរីយ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងគិតមកទល់ពេលនេះ កូននាងទើបបើកភ្នែកឃើញពន្លឺថ្ងៃបាន៦ថ្ងៃប៉ុណ្ណោះ។ ចាប់អារម្មណ៍លើអ្នកម្ដាយសម័យថ្មីរបស់គេវិញ Sririta ត្រូវបានអ្នកលេងបណ្ដាញសង្គមបង្ហាញការកោតសរសើរយ៉ាងខ្លាំង ថានៅតែស្រស់ស្អាតដូចជាមិនមានអ្វីប្រែប្រួលសោះ ជាពិសេសរាងរៅដ៏ស្រឡូនស្អាតរបស់នាង។

ពិតដូចជាពាក្យគេនិយាយមែន ព្រោះបើតាមរយៈរូបភាពចុងក្រោយដែល Sririta បានបង្ហោះក្នុងពេលចាកចេញពីមន្ទីពេទ្យ ពិតជាបានធ្វើឲ្យហ្វេនលាន់មាត់មិនតិចនាក់នោះទេ។ ដែលត្រូវគេចាប់អារម្មណ៍ខ្លាំងជាងនេះ គឺផ្ទៃពោះរបស់នាងបានរាបស្មើធេងស្ទើរតែមើលលែងចង់ឃើញទៅហើយ ទាំងដែលរឿងនេះត្រូវបានស្រ្តីភាគច្រើនតែងរអ៊ូថា ត្រូវប្រើពេលយូរណាស់ទម្រាំបានស្អាតដូចដើមវិញ។ ប៉ុន្តែចំពោះតារាស្រីខាងលើពិតជាមិនគួរឲ្យជឿមែន៕