ជីវិតកម្សាន្ដ

ព្យាបាលបាន៨ថ្ងៃ ! សួស វីហ្សា បញ្ជាក់ពីអាការៈ ជំងឺកូវីដ-១៩

បានផុស

៤ years មុន

នៅ

ថ្ងៃចន្ទ ២៩ មីនា ២០២១

ដោយ

ភ្នំពេញ ៖ បន្ទាប់ពីចូលសម្រាកព្យាបាលជំងឺកូវីដ-១៩ បាន៨ថ្ងៃតារាចម្រៀងហង្សមាសអ្នកនាង សួស វីហ្សា បានបញ្ជាក់ប្រាប់អំពីអាការ:ជំងឺរបស់ខ្លួន ខណ:ដែលបច្ចុប្បន្នកំពុងសម្រាកនៅសណ្ឋាគារ Th e Great Duke។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាង សួស វីហ្សា បានរៀបរាប់បែបនេះថា សូមគោរពលោកតាលោកយាយអ៊ុំពូមីងបងប្អូនទាំងអស់គ្នានាងខ្ញុំបានមកសំរាកព្យាបាលជំងឺCOVID-19 នៅសណ្ឋាគារThe Great Dukeអស់រយៈពេល ៨ថ្ងៃហើយ ហើយពេលនេះសុខភាពរាងកាយរបស់ខ្ញុំហាក់វិលមកសភាពដើមវិញស្ទើរតែ១០០ភាគ រយគឺមានកម្លាំងមាំមួនហូបបានគេងបានមិនមានក្អកស្លេស ហៀរសំបោរផ្តាសាយ ឈឺក្បាលវិលមុខអី្វនោះទេ។

តារាស្រីអ្នកនាង សួស វីហ្សា បន្តទៀតថា នេះក៏ដោយសារតែមានការយកចិត្តទុកដាក់ខ្ពស់បំផុតពីសំណាក់លោកគ្រូអ្នកគ្រូពេទ្យទេវតាឈុតសរបស់យើងនៅមើលថែរក្សាគ្រប់អ្នកជំងឺយ៉ាងយកចិត្តទុកដាក់។ នាងខ្ញុំសង្ឃឹមថា ខ្ញុំនឹងឆាប់ជាសះស្បើយហើយនាងខ្ញុំក៏សូមថ្លែងអំណរគុណដល់បងប្អូនទាំងអស់សំរាប់ពាក្យជូនពរល្អៗដល់នាងខ្ញុំក៏ដូចជាក្រុមគ្រួសារខ្ញុំទាំងមូល។

នាងខ្ញុំសូមមកសង្ខេបពីសុខទុក្ខរបស់ខ្ញុំត្រឹមតែប៉ុណ្ណេះដើម្បីឲ្យបងប្អូនបានដឹងនឹងអស់បារម្ភចំណែករឿងហេតុផ្សេងៗនឹងរឿងក្នុងចិត្តផ្សេងទៀតនាងខ្ញុំនឹងបង្ហាញអោយបងប្អូនបានដឹងនាឱកាសក្រោយ។ នេះជាសម្តីបន្ថែមរបស់ សួស វីហ្សា៕

ដោយ ៖ ចាន់រ៉ា