វី ឌីណែត បន្ទោសខ្លួនឯងនាំទុក្ខឲ្យគ្រួសារ រហូត​ធ្វើ​ឲ្យ​ម្តាយ​ស្លាប់

ភ្នំពេញ៖ តារាចម្រៀងស្រីកញ្ញា វី ឌីណែត បានត្រឡប់មកដល់ផ្ទះវិញ បន្ទាប់ពីជាសះស្បើយជំងឺកូវីដ-១៩និងធ្វើចត្តាឡីស័ក១៤ថ្ងៃតាមការណែនាំរបស់ក្រសួង។ ទិដ្ឋភាពនៃការវិលត្រឡប់មកដល់ផ្ទះរបស់ វី ឌីណែត នាង​បាន​អុជធុបសំពះខមាលទោសម្តាយនៅមុខរូបថត ខណ:លោក ហួរ ឡាវី ដែលជាឪពុកបានត្រឹមតែឈរមើលនិងស្រក់ទឹកភ្នែកនឹកភរិយាហើយអាណិតកូន។

អ្នកនាង គឺ វីលីដា ជា​បង​ស្រី​រៀបរាប់​ដល់​ព្រលឹង​ម្តាយ​​ថា ​” ម៉ាក់អើយណែតមកផ្ទះវិញហើយ វានៅតែបន្ទោសខ្លួនឯងថាមកពីវាបានធ្វើអោយម៉ាក់ទៅគ្មានថ្ងៃត្រឡប់ និងអោយគ្រួសារទាំងមូលពិបាក។ បើវិញ្ញាណក្ខន្ធម៉ាក់កំពុងស្ថិតនៅក្នុងផ្ទះមែន សូមម៉ាក់​ជួយ​បណ្តាចិត្តប្អូនអោយឈប់គិតរឿងនេះទៀត ហើយក្រោកឡើងតស៊ូជាថ្មី”។

បងស្រី​តារាចម្រៀងរូប​នេះ ក៏​លើក​ទឹកចិត្ត​ប្អូន​ស្រី​ឲ្យ​តស៊ូ និង​លួងលោម​ប្អូនស្រី​គ្មាននរណាអាចមើលឃើញមេរោគនឹងទេ។ ធ្វើយ៉ាងម៉េចបើវាជាពេលវេលាអូនកំពុងបំពេញការងារ។ តាមរយ:នេះមានមហាជនជាច្រើនបានលើកទឹកចិត្តតារាស្រី វី ឌីណែត ឲ្យរឹងមាំនិងតស៊ូឡើងផងដែរ៕

អត្ថបទ៖ ចាន់រ៉ា