ជីវិតកម្សាន្ដ

សុខ សីឡាលីន អរគុណមនុស្សម្នាក់ ដែលចូលក្នុងគ្រួសារខ្លួន

បានផុស

៤ years មុន

នៅ

ថ្ងៃអង្គារ ៦ មេសា ២០២១

ដោយ

ខណៈដែលនាង និងសមាជិកក្រុមគ្រួសារមួយចំនួនទៀត កំពុងរង់ចាំលទ្ធផលសំណាកលើកទី២នោះ តារាចម្រៀង សុខ សីឡាលីន បានបញ្ចេញអត្តសញ្ញាណបុរសម្នាក់ភ្ជាប់នឹងការបើកកកាយអត្តចរិក ព្រមទាំងប្រវត្តិជាច្រើន។

កញ្ញា សុខ សីឡាលីន បានពោលថា បុរសរូបនោះ គឺជាបុគ្គលដែលល្អបំផុតសម្រាប់គ្រួសារនាងហើយមិនតែប៉ុណ្ណោះ ក៏តែងតែជួយដោះស្រាយបញ្ហាមួយចំនួនដល់គ្រួសារនាងផងដែរ។ សុខ សីឡាលីន បានលើកឡើងថា មនុស្សប្រុសម្នាក់នេះ ល្អពេកហើយ ដែលជាបងប្រុសដ៏ល្អ ប្អូនថ្លៃដ៏ល្អ ស្វាមី និងប៉ាដ៏ល្អ កូនប្រសារដ៏ល្អ អរគុណដែលចូលមកក្នុងគ្រួសាររបស់នាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាស្រី សុខ សីឡាលីន បានបន្តថា គ្រប់ពេលគាត់តែងតែជាជំហរដោះស្រាយឲ្យកម្លាំងចិត្ត មិនថាគ្រួសារមានបញ្ហាធំ ឬរឿងរ៉ាវអ្វី គាត់មិនដែលស្តីបន្ទោស មិនខឹងសំបារ យល់យោគហើយឲ្យតម្លៃ គិតគូរពីគ្រួសារណាស់ រកដំណោះស្រាយល្អៗ ឱបក្រសោបរ៉ាប់រងតែឯង ជាជំហរកូនប្រុស (បញ្ជាក់គ្រួសារបង្កើតគាត់ទៅនៅUSAអស់ហើយ) ។

សុខ សីឡាលីន បន្ថែមទៀតថា សុំទោសដែលរឿងខ្លះ គាត់ត្រូវមកឈឺក្បាល និងរ៉ាប់រងទាំងគាត់មិនដែលរអ៊ូរទាំ មួយជីវិតនាងអស់បារម្ភពីប្អូនស្រី សុខ ស្រីល័ក្ខ ហើយ ព្រោះគាត់នៅក្បែរមនុស្សល្អដូចបងប្រុស Ruon Ouk (ស្គាល់គាត់ជិត២០ឆ្នាំតាំងពីមិនទាន់ក្លាយជាបងប្អូនគឺចរិតគាត់មិនប្រែប្រួលចិត្តល្អ អំណត់មនុស្សមានចំណេះដឹង និងជាមនុស្សមានហេតុផល )។

ក្រៅពីនេះ សុខ សីឡាលីន ក៏បានបញ្ជាក់ពីសុខភាពរបស់នាង និងក្រុមគ្រួសារល្អជាធម្មតា ខណៈដែលកំពុងរង់ចាំការយកសំណាកលើកទី២៕

អត្ថបទ ៖ ចាន់រ៉ា