បន្ទាប់ពីអ្នកជិតស្និទ្ធម្នាក់ឆ្លងកូវីដ! Tor និង Sky រត់ទៅធ្វើតេស្ត លទ្ធផលចេញមកស្មានមិនដល់

កូវីដ-១៩បានកំពុងវាលុកក្នុងឧស្សាហកម្មកម្សាន្តថៃសារជាថ្មី។ ពេលនេះមានតារាជាច្រើនរូប​ហើយ​បាន​នាំ​គ្នា​ទៅ​ធ្វើ​តេ​ស្ត​រក​កូវីដ-​១​៩ ​បន្ទាប់ពីពួកគេមានប្រវត្តិជាប់ពាក់ព័ន្ធជាមួយអ្នកដែលបានឆ្លងជំងឺនេះ ពេលរួមការងារជាមួយគ្នា។

ក្នុងនោះក៏មាន Nadao ជាផលិតកម្មដ៏ល្បីមួយដែរ ដែលកាលពីថ្មីៗនេះ Nadao បានចេញមកបំភ្លឺ ថាមានអ្នកចាត់ការនិងអភិវឌ្ឍន៍​តា​រា​ម្នាក់ក្នុងផលិតកម្មនេះបានឆ្លងកូវីដ-១៩ ហើយពេលនេះអ្នកដែលបានជិតស្និទ្ធជាមួយ​ទាំងអស់បានទៅធ្វើតេស្ត និ​ង​បា​ន​ដា​ក់​ឲ្យ​នៅ​ដោយឡែកហើយ។ ក្នុងនោះក៏មានតារាប្រុសវ័យក្មេងល្បីឈ្មោះ ២រូបគឺ Thanapob Lee ហៅ Tor និង Skywong Ravee ផ​ង​ដែរ​។លោក Torលោក Sky

ជារឿងល្អនៅក្នុងសំណាងអាក្រក់ ព្រោះពេលនេះលទ្ធផលបឋមរបស់អ្នកទាំង ២បានចេញមកហើយ ពិតជាមិននឹកស្មានដល់ បើ​ទោះ​បី​ជាបានជិតស្និទ្ធនិងអ្នកដែលបានឆ្លងកូវីដ-១៩ ពិតមែន ប៉ុន្តែ Tor និង Sky ទទួលបានលទ្ធផលអវិជ្ជមានជំងឺនេះ។ ទោះ​ជា​យ៉ា​ង​ណាក៏ដោយ តារាប្រុសទាំង ២ព្រមទាំងអ្នកពាក់ព័ន្ធផ្សេងទៀតក៏ត្រូវបន្តធ្វើចត្តាឡីស័ក១៤ថ្ងៃបន្ថែមដើម្បីសុវត្ថិភាព។

យ៉ាងណាក៏ដោយ ក្រុមហ៊ុនខាងលើក៏បានអរគុណចំពោះការលើកទឹកចិត្តការយោគយល់ពីដៃគូទាំងអស់ ហើយសូមអភ័យ​ទោ​ស​​ចំពោះ​ផលប៉ះពាល់ទាំងអស់ផងដែរ៕

អត្ថបទផ្ដល់ដោយ៖ Poraman

ចុចអាន៖Bright និង Win ត្រូវ​ធ្វើ​តេស្ត​និង​ចត្តាឡីស័ក​ភ្លាមៗ ក្រោយ​ចូលរួម​កម្មវិធី​មួយ​មាន​អ្នក​ឆ្លង​កូវីដ