ជីវិតកម្សាន្ដ

កូនស្រី សួស វិសា ពិតជាមានសំណាងទទួលបានកាដូចំណងដៃ៥ម៉ឺនដុល្លារ

បានផុស

៤ years មុន

នៅ

ថ្ងៃចន្ទ ៩ វិច្ឆិកា ២០២០

ដោយ

ភ្នំពេញ ៖ បន្ទាប់ពីសម្រាលកូនបានរយៈពេលមួយខែតារាចម្រៀងស្រីអ្នកនាង សួស វិសា និងតារាសម្តែងលោក ថមមី នៅថ្ងៃទី១០ ខែវិច្ឆិកា ឆ្នាំ២០២០នេះ បានរៀបចំធ្វើពិធីសូត្រមន្តបង្កក់កូនស្រីរបស់ខ្លួនព្រមជាមួយគ្នានៃការជប់លៀងអបអរចំណងដៃកូនស្រីដំបូងផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលជាមួយគ្នានេះដែរ រឿងដែលធ្វើឲ្យមហាជនកាន់តែចាប់អារម្មណ៍ថែមទៀតនោះគឺបន្ទាប់ពីពិធីសូត្រមន្តបង្កក់កូនស្រីរបស់តារាចម្រៀងអ្នកនាង សួស វិសា កាលពីព្រឹកមិញនោះក៏មានការលើកសរសើរពីសំណាក់អ្នកគាំទ្រនាងថា កូនរបស់នាងពិតជាមានសំណាងខ្លាំងណាស់ដែលទទួលបានកាដូចំណងដៃរហូតដល់ទៅ៥ម៉ឺនដុល្លារឯណោះ។

ប្រភពពីលោក អ៊ឹម ជីវ៉ា បានលើកឡើងថា ពិតជាកូនសំណាងមែនកូនស្រីរបស់តារាសម្តែងនិងចម្រៀងទទួលបានចំណងដៃ៥០០០០ម៉ឺនដុល្លារ( ប្រាំម៉ឺនដុលារ )ទាំងព្រឹកបន្ទាប់ពិធីសូត្រមន្តបង្កក់កូនស្រីរបស់តារាលោក ថមមី និងអ្នកនាង សួ វិសា នៅព្រឹកនេះនិងធ្វើពិធីរៀបចំទទួលភ្ញៀវចំនួន៣០តុនៅរសៀលថ្ងៃ ច័ន្ទ ទី០៩ ខែវិច្ឆិកា ឆ្នាំ២០២០នៅប៉ីជិបម៉ុងលែនផ្លូវឯកឧត្តមជា សុផារ៉ា។

សូមជម្រាបថា អ្នកនាង សួស វិសា និងស្វាមីលោក ថមមី បានរៀបអាពាហ៍ពិពាហ៍ជាមួយគ្នាកាលពីថ្ងៃទី២៩ ខែវិច្ឆិកា ឆ្នាំ២០១៩ ហើយតាំងពីចាប់ដៃគ្នាមកគូស្នេហ៍តារាមួយគូនេះមានជីវភាពកាន់តែធូរធារជាខ្លាំងរហូតទទួលបានកាដូចំណងដៃកូនស្រីម្នាក់ កាលពីថ្ងៃទី១០ ខែតុលា ឆ្នាំ២០២០ខណៈដែលអ្នកទាំងពីរបានដាក់ឈ្មោះកូនស្រីនោះថា Jenny៕
ដោយ ៖ ចាន់រ៉ា