មេ WHO ៖ យើងប្រហែលជាធុញនឹងជំងឺកូវីដ ១៩ ប៉ុន្តែវាមិនធុញជាមួយយើងទេ – Kampuchea Thmey Daily
Connect with us

ព័ត៌មានអន្ដរជាតិ

មេ WHO ៖ យើងប្រហែលជាធុញនឹងជំងឺកូវីដ ១៩ ប៉ុន្តែវាមិនធុញជាមួយយើងទេ

Published

on

ប្រធានអង្គការសុខភាពពិភពលោក (WHO) បានអំពាវនាវកាលពីថ្ងៃចន្ទ ទី៩ ខែវិច្ឆិកា ឲ្យអ្នករាល់គ្នាប្រយុទ្ធប្រឆាំងនឹងជំងឺកូវីដ ១៩ ដោយព្រមានថា យើងអាចធុញនឹងការប្រយុទ្ធរោគរាតត្បាតនេះ ប៉ុន្តែវីរុសនេះមិនធុញទ្រាន់នឹងយើងទេ ។

ថ្លែងទៅកាន់សន្និបាតប្រចាំឆ្នាំរបស់ WHO ដែលបានចាប់ផ្តើមឡើងវិញកាលពីថ្ងៃចន្ទ បន្ទាប់ពីត្រូវបានផ្អាកនៅក្នុងខែឧសភា លោក Tedros Adhanom Ghebreyesus ក៏បានសាទរចំពោះការបោះឆ្នោតរបស់លោក Joe Biden ក្នុងនាមជាប្រធានាធិបតីអាមេរិកបន្ទាប់ ដោយសង្ឃឹមថា វាអាចជាសញ្ញានៃកិច្ចសហប្រតិបត្តិការពិភពលោកដែលកាន់តែតឹងរឹងដើម្បីបញ្ចប់ការរីករាលដាលនៃជំងឺរាតត្បាតនេះ ។

លោកនិយាយថា វាចាំបាច់ណាស់សម្រាប់ប្រជាជនដើម្បីតាមដានពីវិទ្យាសាស្ត្រ និងទប់ស្កាត់ការមិនអើពើនឹងវីរុសនេះ ។

លោកបាននិយាយថា “យើងប្រហែលជាធុញទ្រាន់នឹងជំងឺកូវីដ ១៩ ។ ប៉ុន្តែវាមិនធុញទ្រាន់នឹងយើងទេ ។ វាកើតឡើងទៅលើអ្នកដែលមានសុខភាពខ្សោយ ។ យើងមិនអាចចរចាជាមួយវាបានទេ ហើយក្តីសង្ឃឹមតែមួយគត់របស់យើងគឺតាមដានពីវិទ្យាសាស្ត្រ រកដំណោះស្រាយ និងសាមគ្គីភាព” ។

ការអត្ថាធិប្បាយរបស់លោកបានធ្វើឡើង បន្ទាប់ពីជំងឺកូវីដ ១៩ បានសម្លាប់មនុស្សជាង ១.២៥ លាននាក់ និងឆ្លងជាង ៥០ លាននាក់នៅទូទាំងពិភពលោកចាប់តាំងពីវាបានលេចមុខជាលើកដំបូងនៅក្នុងប្រទេសចិនកាលពីចុងឆ្នាំមុន ។

គួរបញ្ជាក់ថា លោក Tedros បច្ចុប្បន្នក៏កំពុងធ្វើត្តាឡីស័កដោយខ្លួនឯងផងដែរ បន្ទាប់ពីបានទាក់ទងជាមួយអ្នកដែលបានធ្វើតេស្តវិជ្ជមានសម្រាប់ជំងឺកូវីដ ១៩ ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ ស្របពេលវ៉ាក់សាំងរបស់អាមេរិកទទួលជោគជ័យ ៩០ ភាគរយ ចិនបែរជាផ្អាកការសាកល្បងនៅប្រេស៊ីល

ចុចអាន ៖ វ៉ាក់សាំងកូវីដ ១៩ របស់ក្រុមហ៊ុនចំនួនពីរបង្ហាញប្រសិទ្ធភាពការពារមនុស្សបានជាង ៩០ ភាគរយ

ចុច Like Facebook កម្ពុជាថ្មី

ព័ត៌មានជាតិ21 mins ago

ប្រធាន​ក្រុមហ៊ុន​ផលិត​ដែក​ និង​សង្សារ ត្រូវ​ឃាតក​ប្លន់​សម្លាប់​ក្នុង​ខុន​ដូ LH Residence

ព័ត៌មានជាតិ48 mins ago

ម៉ាស៊ីន​លាងដៃ​អូ​តូ​ម៉ា​ទិ​ក​ចំនួន​១០៣​គ្រឿង​ ត្រូវ​បាន​ប្រគល់​ជូន​សាលាខេត្ត​តាកែវ

ព័ត៌មានជាតិ1 hour ago

ឧកញ៉ា ឡេង ណាវ៉ាត្រា ឧបត្ថម្ភ​ថវិកា ២៥០០០ដុល្លារ ជូនដល់​ជនរងគ្រោះ​ដែល​ជួបគ្រោះថ្នាក់លោត​ឆ័ត្រយោង​

ជីវិតកម្សាន្ដ1 hour ago

ទូច ស្រី​ល័​ក្ខ និង​កូនប្រុស​ឡើង​តុលាការ​ស្អែក​នេះ​ ដើម្បី​តតាំង​ក្តី​ករណី​អតីត​ស្វាមី​ទាមទារ​កូន​

ព័ត៌មានជាតិ1 hour ago

នយោបាយ​ឈ្នះ​-​ឈ្នះ របស់​សម្តេច​តេ​ជោ បានធ្វើ​ឲ្យ​អតីត​សមរភូមិ​ក្តៅ​គគុក ក្លាយជា​តំបន់​អភិវឌ្ឍន៍

ព័ត៌មានពេញនិយម