ព័ត៌មានអន្ដរជាតិ

ឃាតកអាមេរិកម្នាក់ស្នើកាត់ទោសប្រហារជីវិតរបស់គាត់ដោយបាញ់កាំភ្លើង

បានផុស

៤ years មុន

នៅ

ថ្ងៃពុធ ២១ មេសា ២០២១

ដោយ

ឃាតកម្នាក់ដែលបានក្លាយជាមនុស្សដំបូងគេត្រូវបានកាត់ទោសប្រហារជីវិតនៅរដ្ឋ Nevada ក្នុងរយៈពេល១៥ឆ្នាំកន្លងទៅនេះបានស្នើសុំឲ្យប្រើកាំភ្លើងបាញ់សម្លាប់ជាជាងការចាក់ថ្នាំសម្លាប់។

ក្រុមមេធាវីរបស់ឃាតក Zane Michael Floyd ដែលបានកំពុងតស៊ូនឹងកាលបរិច្ឆេទប្រហារជីវិតដែលអាចធ្វើនៅខែមិថុនានិយាយថា កូនក្តីរបស់ពួកគាត់ស្នើសុំគឺមិនមែនវិធីសាស្ត្រចាក់ថ្នាំសម្លាប់ទេ។

ឯកសារតុលាការដែលសារព័ត៌មាន Associated Press បានឃើញគឺ ក្រុមមេធាវី បាននិយាយថា វិធីសាស្ត្រនេះគឺមិនសូវឈឺចុចចាប់។

ការប្រើកាំភ្លើងបាញ់ដើម្បីកាត់ទោសប្រហារជីវិតគឺកម្រមានណាស់នៅសហរដ្ឋអាមេរិក។

មេធាវីការពារក្តីលោក Brad Levenson បាននិយាយថា កូនក្តី Floyd ចង់ជៀសវាសការចាក់ថ្នាំប្រហារជីវិតចំនួន៣ដែលត្រូវបានស្នើឡើងដោយរដ្ឋ។

ប៉ុន្តែបញ្ហាប្រឈមណាមួយចំនួននៃដំណើរការដែលស្នើឡើងទាមទារឲ្យមានវិធីសាស្ត្រផ្សេងទៀត ហើយលោក Levenson បាននិយាយថា ការបាញ់នឹងកាំភ្លើងជា«វិធីអមនុស្សធម៌បំផុត»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រហារជីវិតដោយការបាញ់កាំភ្លើងបច្ចុប្បន្ននេះត្រូវបានអនុញ្ញាតនៅក្នុងរដ្ឋចំនួន៣ប៉ុណ្ណោះគឺរដ្ឋ Mississippi, Oklahoma និង Utah ហើយវិធីសាស្ត្រនេះមិនទាន់ត្រូវបានប្រើនៅឡើយចាប់តាំងពីឆ្នាំ២០១០មក។

ក្រុមរដ្ឋអាជ្ញាបាននិយាយថា ពួកគេនឹងអំពាវនាវឲ្យប្រហារជីវិត Floyd នៅខែក្រោយ ដែលកាលបរិច្ឆេទនៃការស្លាប់របស់គាត់អាចដើមខែមិថុនា។ វាជាលើកដំបូងហើយសម្រាប់ការកាត់ទោសប្រហារជីវិតនៅរដ្ឋ Nevada ចាប់តាំងពីឆ្នាំ២០០៦មក។

ឃាតក Floyd អាយុ៤៥ឆ្នាំត្រូវបានកាត់ទោសប្រហារពាក់ព័ន្ធនឹងឧក្រិដ្ឋកម្មបាញ់សម្លាប់មនុស្ស៤នាក់ និងរបួសធ្ងន់ម្នាក់នៅផ្សារទំនើបមួយកន្លែងក្នុងទីក្រុង Las Vegas កាលពីឆ្នាំ១៩៩៩។ គាត់ត្រូវបានកាត់ទោសប្រហារជីវិត បន្ទាប់ពីបានសារភាពនៅឆ្នាំបន្ទាប់។

Floyd បានប្តឹងឧទ្ធរណ៍ជាច្រើនលើកពីការកាត់ទោសរបស់គាត់ ហើយក្រុមមេធាវីនិយាយថា គាត់ក៏បានស្វែងរកការធានាពីក្រុមប្រឹក្សាភិបាលលើកលែងទោសរដ្ឋ Nevada នៅថ្ងៃទី២២ ខែមិថុនា។ ការស្នើសុំរបស់គាត់កាលពីឆ្នាំមុនទៅតុលាការកំពូលសហរដ្ឋអាមេរិកដើម្បីបើកសវនាការជាថ្មី ប៉ុន្តែត្រូវបានច្រានចោល។

យោងតាម មជ្ឈមណ្ឌលព័ត៌មាននៃការកាត់ទោសប្រហារជីវិតរបស់សហរដ្ឋអាមេរិកបានឲ្យដឹងថា បច្ចុប្បន្នមានមនុស្ស៧០នាក់ស្ថិតក្នុងជួរស្លាប់នៅរដ្ឋ Nevada ដែលជារដ្ឋមួយក្នុងចំណោមរដ្ឋចំនួន ២៧ ដែលមានច្បាប់កាត់ទោសប្រហារជីវិត។ រដ្ឋនេះបានផ្តល់ការធានាម្តងប៉ុណ្ណោះចាប់តាំងពីឆ្នាំ១៩៧៦៕

ប្រែសម្រួល៖ វីរបុត្រ
ប្រភព៖ bbc

Related Topics:សហរដ្ឋអាមេរិក