ព័ត៌មានអន្ដរជាតិ
របកគំហើញមួយទៀត! វ៉ាក់សាំងប្រឆាំងកូវីដផលិតពីថ្នាំជក់ ដែលមានតម្លៃកាន់តែថោក
ក្រុមអ្នកស្រាវជ្រាវនៅទូទាំងប្រទេសកាណាដា កំពុងធ្វើតេស្តវ៉ាក់សាំងប្រឆាំងជំងឺកូវីដ-១៩ ដែលផលិតពីរុក្ខជាតិ។

បង្កើតឡើងដោយក្រុមហ៊ុនជីវគីមី Medicago ដែលមានមូលដ្ឋាននៅប្រទេសកាណាដា វ៉ាក់សាំងនេះគឺប្រើថ្នាំជក់ដើម្បីផលិតភាគល្អិតដែលស្រដៀងនឹងមេរោគកូរ៉ូណា។
វាជំនួយដល់រាងកាយឲ្យទទួលស្គាល់ភ្នាក់ងារបង្ករោគ ដូច្នេះវាអាចនាំឲ្យមានការឆ្លើយតបប្រព័ន្ធភាពស៊ាំ និងធ្វើការវាយប្រហារប្រសិនបើមនុស្សម្នាក់ឆ្លងជំងឺ។

ប្រសិនបើការសាកល្បងដំណាក់កាលចុងក្រោយបង្ហាញថា វ៉ាក់សាំងនេះទទួលបានជោគជ័យមែននោះ វាអាចមានល្បឿនលឿននិងតម្លៃថោកជាង ហើយកាន់តែងាយស្រួលក្នុងចែកចាយ ជាងវ៉ាក់សាំងដែលមានស្រាប់ដទៃទៀត។
អ្វីដែលកាន់តែប្រសើរនោះគឺថា វ៉ាក់សាំងនេះ មិនចាំបាច់រក្សាទុកនៅសីតុណ្ហភាពត្រជាក់ខ្លាំងដូចវ៉ាក់សាំងដទៃទៀតនោះទេ។

ទិន្នន័យដំបូងពីការសាកល្បងដំណាក់កាលទី១ បានបង្ហាញថា វ៉ាក់សាំងនេះបានផលិតអង់ទីគ័ររហូតដល់ទៅ១០ដងក្នុងខ្លួនអ្នកចូលរួមធ្វើតេស្ត បើប្រៀបធៀបទៅនឹងអ្នកដែលឆ្លងវីរុស។
បច្ចុប្បន្ន ក្រុមហ៊ុន Medicago កំពុងជ្រើសរើសអ្នកចូលរួមចំនួន៣ម៉ឺននាក់ នៅទូទាំងសហរដ្ឋអាមេរិកនិងពិភពលោក សម្រាប់ការសាកល្បងដំណាក់កាលទី៣របស់ខ្លួន។

ដើម្បីមានលក្ខណៈសម្បត្តិគ្រប់គ្រាន់ អ្នកស្ម័គ្រចិត្តត្រូវតែមានអាយុចាប់ពី១៨ឆ្នាំឡើងទៅ ហើយត្រូវតែជាមនុស្សដែលមិនមានជំងឺកូវីដ-១៩និងចាក់វ៉ាក់សាំង។
ក្រុមហ៊ុន Medicago សង្ឃឹមថា នឹងបញ្ចេញលទ្ធផលនៃការសិក្សានេះនៅរដូវស្លឹកឈើជ្រុះឆ្នាំ ២០២១ ហើយបញ្ជូនទៅនិយតករសហរដ្ឋអាមេរិកដើម្បីធ្វើការពិនិត្យ៕
ប្រែសម្រួលដោយ៖ Vann Vann
ប្រភព៖ Daily Mail
ចុចអាន៖ ចិន សាកល្បងវ៉ាក់សាំងការពារកូវីដ បាញ់ចូលតាមច្រមុះ ដែលមានប្រសិទ្ធភាពខ្លាំងជាងថ្នាំចាក់

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២៣ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ