បាត់ខ្លួននាវាមុជទឹក ឥណ្ឌូនេស៊ី ជាមួយមនុស្ស ៥៣ នាក់នៅលើនាវា

នាវាមុជទឹកមួយគ្រឿងរបស់កងទ័ពជើងទឹកឥណ្ឌូនេស៊ី បានបាត់ខ្លួននៅក្នុងដែនទឹកភាគខាងជើងកោះបាលី ជាមួយនឹងមនុស្ស ៥៣ នាក់នៅលើនាវានោះ ។

កងទ័ពជើងទឹកនិយាយថា នាវាមុជទឹក KRI Nanggala-402 បានដាច់ទំនាក់ទំនងនៅក្នុងដែនទឹកប្រហែល ៩៥ គីឡូម៉ែត្រ ភាគខាងជើងកោះបាលី កាលពីព្រឹកថ្ងៃពុធ ។

យោងតាមគេហទំព័ររបស់កងកម្លាំងប្រដាប់អាវុធជាតិឥណ្ឌូនេស៊ីបាននិយាយថា មនុស្ស ៥២ នាក់ រួមទាំងមេបញ្ជាការ និងនាវិក បានស្ថិតនៅលើនាវាមុជទឹកនៅពេលនោះ ខណៈនាវាមួយគ្រឿងនេះមានសមត្ថភាពផ្ទុកមនុស្សតែ ៣៤ នាក់ប៉ុណ្ណោះ ។

នាវាមុជទឹកនេះត្រូវបានគេរាយការណ៍ថា កំពុងរៀបចំសម្រាប់សមយុទ្ធបាញ់មីស៊ីល ដែលនឹងរៀបចំសម្រាប់ថ្ងៃព្រហស្បតិ៍នេះ ។

ទន្ទឹមនោះកងទ័ពជើងទឹក និងទីភ្នាក់ងារស្វែងរក និងជួយសង្គ្រោះជាតិ ក៏បានបញ្ជូននាវាមុជទឹកចំនួន ៥ គ្រឿង និងនាវាផ្សេងទៀត ដើម្បីបន្តការស្រាវជ្រាវសម្រាប់នាវាមុជទឹកដែលបានបាត់នេះ ។

បន្ថែមពីនេះប្រទេសឥណ្ឌូនេស៊ីក៏បានស្នើសុំជំនួយពីកងទ័ពជើងទឹកអូស្ត្រាលី សិង្ហបុរី និងឥណ្ឌា ផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ឥណ្ឌូណេស៊ី ព្រមានពីហានិភ័យនៃព្យុះស៊ីក្លូនថ្មីមួយទៀត

ចុចអាន ៖ រយៈពេល ៣ ខែក្រោយធ្លាក់ ទើបឥណ្ឌូនេស៊ីរកឃើញប្រអប់ខ្មៅទី ២ នៃយន្ដហោះ Sriwijaya Air