ព័ត៌មានអន្ដរជាតិ

ត្រឹម១ថ្ងៃ ឥណ្ឌាឆ្លងកូវីដ-១៩បំបែកកំណត់ត្រាពិភពលោកជាង៣០ម៉ឺននាក់

បានផុស

៤ years មុន

នៅ

ថ្ងៃព្រហស្បតិ៍ ២២ មេសា ២០២១

ដោយ

នៅថ្ងៃព្រហស្បតិ៍ ទី២២ ខែមេសានេះ ប្រទេសឥណ្ឌាបានរាយការណ៍ថា ករណីឆ្លងកូវីដ-១៩មានចំនួនជាង៣០ម៉ឺននាក់គ្រាន់តែ២៤ម៉ោងចុងក្រោយ ដែលជាតួលេខឆ្លងច្រើនបំផុតប្រចាំថ្ងៃក្នុងពិភពលោក ខណៈតួលេខអ្នកស្លាប់ក៏ឡើងខ្ពស់ជាប់កំណត់ត្រាដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការហក់ឡើងប្រចាំថ្ងៃនៅក្នុងប្រទេសឥណ្ឌាមានចំនួន ៣១៤ ៨៣៥នាក់ក្នុងរយៈពេលត្រឹមតែមួយថ្ងៃប៉ុណ្ណោះដែលបានបំបែកកំណត់ត្រាពិភពលោកខ្ពស់បំផុតគឺនៅសហរដ្ឋអាមេរិកដែលមានចំនួន ២៩៧ ៤៣០នាក់កាលពីខែមករា។

តាមទិន្នន័យរបស់ក្រសួងសុខាភិបាលឥណ្ឌាបានបង្ហាញថា សរុបករណីឆ្លងកូវីដ-១៩នៅប្រទេសឥណ្ឌាឥឡូវនេះមានចំនួន១៥.៩៣លាននាក់។ ចំណែកករណីស្លាប់ក៏កើនឡើងខ្ពស់បំផុតគឺ២១០៤នាក់ត្រឹមតែមួយថ្ងៃដែលធ្វើឲ្យតួលេខស្លាប់សរុបឡើងដល់១៨៤ ៦៥៧នាក់។

អ្នកជំងឺកូវីដ-១៩ចំនួន២២នាក់នៅក្នុងមន្ទីរពេទ្យឥណ្ឌាមួយបានស្លាប់កាលពីថ្ងៃពុធ នៅពេលមានការផ្ទុះបំពងអ៊ុកស៊ីសែន។

សោកនាដកម្មបានកើតឡើងនៅពេលប្រទេសឥណ្ឌាកំពុងប្រយុទ្ធប្រឆាំងនឹងកង្វះបរិក្ខាពេទ្យកំឡុងពេលផ្ទុះឡើងកូវីដ-១៩លើកទី២៕