ប្រទេសមានអ្នកឆ្លង កូវីដ ច្រើនជាងគេទី ២ នៅអាស៊ាន រកឃើញករណីថ្មីជិត ៩ ពាន់នាក់ក្នុងរយៈពេលមួយថ្ងៃ

ចំនួនករណីឆ្លងជំងឺកូវីដ ១៩ នៅក្នុងប្រទេសហ្វីលីពីនបានកើនឡើងដល់ ៩៧១,០៤៩ ករណីហើយ បន្ទាប់ពីក្រសួងសុខាភិបាល (DOH) បានរាយការណ៍ថា មានករណីឆ្លងថ្មីចំនួន ៨,៧៦៧ ករណីនៅថ្ងៃព្រហស្បតិ៍នេះ ។

ទន្ទឹមនោះ DOH បាននិយាយថា អ្នកជំងឺ ១០៥ នាក់ទៀតបានស្លាប់ដោយសារវីរុសនេះ ដែលធ្វើឲ្យចំនួនអ្នកស្លាប់កើនឡើងសរុបដល់ ១៦,៣៧០ នាក់ ។

បន្ថែមពីនេះ ទីក្រុងម៉ានីលដែលមានប្រជាជនរស់នៅជិត ១៤ លាននាក់ នៅតែជាចំណុចកណ្តាលនៃការផ្ទុះឡើងនេះ ហើយទីក្រុងនេះសំបូរទៅដោយអ្នកជំងឺកំពុងសម្រាកព្យាបាល និងករណីឆ្លងថ្មីដែលត្រូវបានរាយការណ៍នៅក្នុងប្រទេសអាស៊ីអាគ្នេយ៍មួយនេះ ។

ប្រទេសហ្វីលីពីនដែលមានប្រជាជនប្រមាណ ១១០ លាននាក់ បានធ្វើតេស្តលើមនុស្សជាង ១០.៥ លាននាក់ ចាប់តាំងពីមានការផ្ទុះឡើងកាលពីខែមករា ឆ្នាំ ២០២០ មក ៕

ប្រែសម្រួលដោយ ៖ ជីវ័ន្ត

ប្រភព ៖ XINHUA

ចុចអាន ៖ ហ្វីលីពីន ក៏មិនថមថយដែរ ថ្ងៃនេះរកឃើញអ្នកឆ្លង កូវីដ ជាង ១២,០០០ ករណី

ចុចអាន ៖ ហ្វីលីពីន បន្តចាក់វ៉ាក់សាំង AstraZeneca ដល់ប្រជាពលរដ្ឋអាយុក្រោម ៦០ ឆ្នាំ ក្រោយផ្អាកពាក់ព័ន្ធករណីដុំកំណកឈាម