ព័ត៌មានអន្ដរជាតិ

រូបថតមួយសន្លឹកនេះ ខ្លោចចិត្តអ្នកជំងឺកូវីដ-១៩នៅឥណ្ឌា

បានផុស

៤ years មុន

នៅ

ថ្ងៃសុក្រ ២៣ មេសា ២០២១

ដោយ

កាលពីថ្ងៃព្រហស្បតិ៍ម្សិលមិញ រូបភាពមួយសន្លឹកបានឲ្យមានការខ្លោចចិត្តសម្រាប់អ្នកជំងឺកូវីដ-១៩។ បុរសម្នាក់ជាមួយនឹងបំងអ៊ុកស៊ីសែនដាក់ជាប់មាត់កំពុងអង្គុយនៅក្នុងបរិវេណមន្ទីរពេទ្យ LNJP ក្នុងទីក្រុញូវដេលីដែលត្រូវបានថតដោយ Express Photo by Tashi Tobgyal 220421។

អ្នកជំងឺរូបនេះស្ថិតក្នុងចំណោមអ្នកជំងឺផ្សេងៗទៀតដែលត្រូវបានអនុញ្ញាតឲ្យចូលទៅក្នុងបរិវេណមន្ទីរពេទ្យខាងលើនេះដើម្បីរង់ចាំមានគ្រែចូលសម្រាកព្យាបាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រទេសឥណ្ឌាបានកំពុងទទួលរងការវាយប្រហារយ៉ាងធ្ងន់ធ្ងរបំផុតដោយកូវីដ-១៩ បន្ទាប់ពីរលកទី២បានផ្ទុះឡើងកាលពីដើមខែកុម្ភៈមក ហើយករណីឆ្លងបានកើនឡើងខ្ពស់ដូចទឹកបាក់ត្រនប់។

តាមទិន្នន័យរបស់ក្រសួងសុខាភិបាលបានបង្ហាញកាលថ្ងៃព្រហស្បតិ៍ ទី២២ ខែមេសា ម្សិលមិញនេះ ប្រទេសឥណ្ឌាមានករណីឆ្លងកូវីដ-១៩ចំនួន ៣១៤ ៨៣៥ នាក់ក្នុងរយៈពេលត្រឹមតែមួយថ្ងៃប៉ុណ្ណោះដែលបានបំបែកកំណត់ត្រាឆ្លងច្រើនបំផុតក្នុងមួយថ្ងៃនៅសហរដ្ឋអាមេរិកដែលមានចំនួន ២៩៧ ៤៣០នាក់កាលពីខែមករា។

ពេលនេះប្រទេសឥណ្ឌាបានកំពុងតស៊ូនឹងជំងឺដ៏កាចសាហាវនេះដោយមន្ទីរពេទ្យទូទាំងប្រទេសឥណ្ឌាខ្វះបរិក្ខាពេទ្យដូចជាគ្រែសម្រាប់ដាក់អ្នកជំងឺ អ៊ុកស៊ីសែន ថ្នាំ និងទីធ្លាដាក់អ្នកជំងឺជាដើម។ ស្របពេលជាមួយនឹងកង្វះខាតសម្ភារៈសម្រាប់ការព្យាបាល ក្រុមគ្រូពេទ្យក៏បានកំពុងនឿយហត់ អស់កម្លាំងរកពេលសម្រាកគ្មាន និងប្រឈនឹងបញ្ហាដែរ។

អ្នកជំងឺរង់ចាំបន្តបន្ទាប់គ្នាទាំងនៅខាងក្នុង និងក្រៅមន្ទីរពេទ្យ ព្រមទាំងមានរថយន្តសង្គ្រោះបន្ទាន់ក៏ចេញ-ចូលបន្តកន្ទុយគ្នាដែរ៕

ប្រែសម្រួល៖ វីរបុត្រ
ប្រភព៖ indianexpress