ចិនអាចមានមីស៊ីលប្រឆាំងរ៉ាដាថ្មីសម្រាប់ការពារដែនអាកាស

រូបថតដែលបានបង្ហោះនៅលើបណ្តាញសង្គមនាពេលថ្មីៗនេះពីកងទ័ពអាកាសរំដោះប្រជាជន (PLA) ហាក់ដូចជាបង្ហាញពីមីស៊ីលប្រឆាំងរ៉ាដាថ្មីដែលបំពាក់នៅក្រោមស្លាបយន្តហោះចម្បាំង J-11BS ដែលមានន័យថាប្រទេសចិនអាចមានអាវុធថ្មីដ៏ខ្លាំងក្លាសម្រាប់ការការពារការបាញ់ប្រហារពីសត្រូវ ។

យោងតាមអ្នកជំនាញអាកាសចរណ៍អាល្លឺម៉ង់លោក Andreas Rupprecht បានឲ្យដឹងថា មីស៊ីលដែលមិនទាន់ត្រូវបានគេដឹងច្បាស់នេះទំនងជាមីស៊ីលប្រឆាំងរ៉ាដាដែលត្រូវបានប្រើដើម្បីកំណត់ប្រព័ន្ធរ៉ាដារបស់សត្រូវ ។

លោក Rupprecht ក៏បានកត់សម្គាល់ផងដែរថា រូបថតនេះគឺជារូបថតដំបូងបង្អស់ដែលបង្ហាញពីយន្តហោះចម្បាំង J-11BS ត្រូវបានអនុវត្តយឺតៗដោយកងទ័ព PLA ជាមួយនឹងការលាបថ្នាំមើលមិនសូវឃើញ ។ ដូចដែលសារព័ត៌មាន Sputnik បានរាយការណ៍ថា ថ្នាំលាបនេះមិនត្រឹមតែជួយឲ្យយន្ដហោះអាចលាក់បាំងមើលមិនឃើញប៉ុណ្ណោះទេតែថែមទាំងធ្វើឲ្យប្រព័ន្ធរ៉ាដាចាប់យន្តហោះមិនមានសមត្ថភាពគ្រប់គ្រាន់ក្នុងការតាមដាន ឬប្រម៉ាញ់យន្តហោះផងដែរ ។

មីស៊ីលប្រឆាំងរ៉ាដាថ្មីនេះអាចជាសញ្ញាបង្ហាញថា ក្រុមហ៊ុនផលិតអាវុធចិនបានធ្វើឲ្យប្រសើរឡើងនូវបច្ចេកវិទ្យា បន្ទាប់ពីបានពឹងផ្អែកជាយូរមកហើយទៅលើមីស៊ីលដែលផលិតដោយអតីតសហភាពសូវៀត និងរុស្ស៊ីដូចជាកាំជ្រួចមីស៊ីល Kh-31P ជាដើម ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik