ព័ត៌មានអន្ដរជាតិ

ថៃខ្វះគ្រែបណ្តាលឲ្យអ្នកជំងឺកូវីដ-១៩ស្លាប់នៅផ្ទះ មហាជនខឹងសម្បា

បានផុស

៤ years មុន

នៅ

ថ្ងៃសៅរ៍ ២៤ មេសា ២០២១

ដោយ

ការស្លាប់ស្ត្រីអាយុ៨៥ឆ្នាំដែលកំពុងរង់ចាំនៅផ្ទះទៅព្យាបាលជំងឺកូវីដ-១៩នៅមន្ទីរពេទ្យបានជំរុញឲ្យសាធារណជនតាមបណ្តាញទំនាក់ទំនងសង្គមកើតមានការខឹងសម្បាជុំវិញកង្វះគ្រែ។

ស្ត្រីម្នាក់ដែលបានស្លាប់ដោយកូវីដ-១៩កាលពីថ្ងៃព្រហស្បតិ៍ ស្ថិតក្នុងចំណោសមាជិកស្ត្រីវ័យចាស់៦នាក់នៃគ្រួសារមួយដែលរស់នៅក្នុងផ្ទះហាង នៅខណ្ឌ Bang Kholaem ជាយក្រុងបាងកក។

ឧបនាយករដ្ឋមន្ត្រី និងជារដ្ឋមន្ត្រីសុខាភិបាលលោក Anutin Charnvirakul បាននិយាយម្សិមិញថា លោកសុំទោសចំពោះការស្លាប់នោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះជាទទួចឲ្យក្រសួងសុខាភិបាលខិតខំធ្វើការឲ្យអស់ពីលទ្ធភាពដើម្បីសម្របសម្រួលទទួលយកអ្នកជំងឺកូវីដ-១៩ជាមួយនឹងគ្រែដែលមាន លោក Anutin បានសន្យាថា ក្រសួងនឹងធ្វើការងារកាន់តែខ្លាំងឡើងដើម្បីស្វែងរកកន្លែងទំនេរសម្រាប់អ្នកដែលត្រូវការទាំងនោះ។

នៅថ្ងៃព្រហស្បតិ៍ ផេកដ៏ល្បីមួយឈ្មោះ “Drama-addict” ដែលគ្រប់គ្រងដោយវេជ្ជបណ្ឌិតម្នាក់ត្រូវសាច់ញាតិគ្រួសារមួយរស់នៅ Soi Charoen Rat 5 បានសរសេរសារអង្វឲ្យជួយរកគ្រែនៅមន្ទីរពេទ្យ។

យោងតាមផេកនោះថា ៣នាក់ក្នុងចំណោម៦នាក់ត្រូវបានបញ្ជូនទៅកាន់មន្ទីរពេទ្យដោយរថយន្តសង្គ្រោះបន្ទាន់មួយ ខណៈ៣នាក់ទៀត ក្នុងនោះមានស្ត្រីវ័យ៨៥ឆ្នាំម្នាក់ផងដែលក្រោយមកបានស្លាប់ បន្តស្ថិតនៅផ្ទះ។

ក្រោយមក អ្នកកាន់ផេកបានសរសេរសារបញ្ជាក់ថា ស្ត្រីអាយុ៨៥ឆ្នាំបានស្លាប់ ហើយរថយន្តសង្គ្រោះបន្ទាន់បានកំពុងធ្វើដំណើរតាមផ្លូវទៅយកស្ត្រី២នាក់ទៀតដែលមានអាយុ៧០ឆ្នាំ និង៧៥ឆ្នាំ។

ករណីនេះបានធ្វើឲ្យអ្នកប្រើប្រាស់បណ្តាញទំនាក់ទំនងសង្គមខឹងសម្បាយ៉ាងខ្លាំងដែលអាជ្ញាធរខ្វះការយកចិត្តទុកដាក់ចំពោះក្រុមគ្រួសារអ្នកជំងឺបណ្តាលឲ្យកើតមានករណីស្លាប់នៅផ្ទះដូចប្រទេសមួយចំនួនដែលធ្ងន់ធ្ងរខ្លាំងបណ្តាលឲ្យស្លាប់អ្នកជំងឺកូវីដ-១៩នៅផ្ទះ៕

ប្រែសម្រួល៖ វីរបុត្រ
ប្រភព៖ bangkokpost