ព័ត៌មានអន្ដរជាតិ

មេដឹកនាំឥណ្ឌាកំពុងប្រឹងរឿងបោះឆ្នោតកំឡុងកូវីដ-១៩កំពុងធ្វើឲ្យវិនាស

បានផុស

៤ years មុន

នៅ

ថ្ងៃសៅរ៍ ២៤ មេសា ២០២១

ដោយ

រដ្ឋាភិបាលឥណ្ឌាបានកំពុងប្រឈមនឹងការរិះគន់ពីមហាជនពាក់ព័ន្ធនឹងភាពធូររលុងក្នុងការទប់ស្កាត់ជំងឺកូវីដ-១៩ដែលកំពុងវាយប្រហារ។ ស្របពេលនេះ ថ្នាក់ដឹកនាំ ក៏ដូចជាបក្សនយោបាយបានកំពុងស្វែងរកការគាំទ្រពីមហាជនសម្រាប់ការបោះឆ្នោតជ្រើសរើសសភា។

លោកនាយករដ្ឋមន្ត្រីឥណ្ឌា Narendra Modi ដែលបានឈ្នះឆ្នោតភ្លូកទឹកភ្លូកដីសម្រាប់គណបក្សរបស់លោក Bharatiya Janata Party កាលពីឆ្នាំ២០១៩ទទួលបានប្រជាប្រិយភាពយ៉ាងខ្លាំងនៅប្រទេសឥណ្ឌា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រលកផ្ទុះលើកទី២ដែលបានកើតឡើងកាលដើមខែកុម្ភៈខ្លាំងជាងកាលពីឆ្នាំមុន។ ប្រជាជនបានកំពុងភ័យតក់ស្លត់នឹងជំងឺដ៏កាចសាហាវនេះ។ អ្នកជំងឺ និងមនុស្សជាទីស្រឡាញ់របស់ពួកគេដែលមិនបានទទួលការព្យាបាលឲ្យបានគ្រប់គ្រាន់នៅមន្ទីរពេទ្យផ្ទាល់ បានងាកមកអង្វរស្វែងរកគ្រែតាមបណ្តាញទំនាក់ទំនងសង្គម។

អ្នកជំនាញដែលធ្លាប់បានព្រមាននៃការផ្ទុះធ្ងន់ធ្ងរកាលពីប៉ុន្មានខែមុនបានខកចិត្តចំពោះថ្នាក់ដឹកនាំដែលព្រងើយកន្តើយនឹងការលើកឡើងរបស់ពួកគេ ហើយធ្វេសប្រហែសក្នុងការការពារ។

សោកនាដកម្មទាំងនេះបានសាយភាយលើបណ្តាញទំនាក់ទំនងសង្គមកាលពីសប្តាហ៍មុន។ មនុស្សរាប់ពាន់នាក់បានប្រើប្រាស់ Twitter ដើម្បីធ្វើការរិះគន់ភាពដឹកនាំរបស់រដ្ឋាភិបាលដោយបានដាក់ hashtags មានដូចជា #ResignModi, #SuperSpreaderModi និង #WhoFailedIndia ជាដើម។

លោកនាយករដ្ឋមន្ត្រីឥណ្ឌា Narendra Modi និងលោកស្រី Mamata Banerjee

ឥស្សរជននយោបាយ រាប់ទាំងអាជ្ញាធរដ្ឋ ទីក្រុង និងអតីតមន្ត្រីជាន់ខ្ពស់ជាច្រើនស្ថិតក្នុងចំណោមអ្នកអំពាវនាវឲ្យរដ្ឋាភិបាលទទួលខុសត្រូវខ្ពស់ជាងបច្ចុប្បន្ន និងបានរិះគន់យ៉ាងខ្លាំងចំពោះចំណាត់ការរបស់រដ្ឋាភិបាលដើម្បីទប់ស្កាត់វិបត្តិកូវីដ-១៩។

លោក Siddaramaiah អតីតរដ្ឋមន្ត្រីនៅរដ្ឋ Karnataka បានលើកឡើងតាមបណ្តាញសង្គមថា ៖«ការតស៊ូកូវីដ-១៩នៅក្នុងប្រទេសឥណ្ឌាឆ្លុះបញ្ចាំងពីរដ្ឋាភិបាលរបស់លោ Modi»។

លោកបន្ថែមថា រដ្ឋាភិបាលប្រហែលជាគិតថាចប់ត្រឹមរលកទី១ ប៉ុន្តែឥឡូវនេះយ៉ាងមិចហើយ? ការត្រៀមប្រុងប្រយ័ត្នគ្មានសោះ»។

លោកស្រី Mamata Banerjee រដ្ឋមន្ត្រីនៅរដ្ឋ West Bengal និងជាសមាជិកគណបក្ស Trinamool Congress Party បានអំពាវនាវឲ្យលោកនាយករដ្ឋមន្ត្រី Modi លាលែងពីតំណេង។

«នាយករដ្ឋមន្ត្រីជាអ្នកទទួលខុសត្រូវ» លោកស្រីមានប្រសាសន៍ និងបញ្ជាក់ថា លោកនាយករដ្ឋមន្ត្រីមិនបានធ្វើអ្វីដើម្បីបញ្ឈប់កូវីដ-១៩ឡើយ តែបែរជាឲ្យអ្នកផ្សេងប្រឹងប្រែបញ្ឈប់ទៅវិញ។

អ្នកជំនាញ និងបុគ្គលិកសុខាភិបាលនិយាយថា សាធារណជនលែងខ្វល់រឿងប្រុងប្រយ័ត្ន បន្ទាប់ពីរលកទី១ ដែលជាហេតុធ្វើឲ្យផ្ទុះឡើងរលកទី២លឿនហួសពីការស្មាន។ ក្រោយចប់ផ្ទុះលើកទី១ សូម្បីថ្នាក់ដឹកនាំជាន់ខ្ពស់ដូចជាលោកនាយករដ្ឋមន្ត្រី Modi និងរដ្ឋមន្ត្រីសុខាភិបាលលោក Harsh Vardhan ក៏បានរីករាយដោយមោទនភាពដែលប្រទេសរួចផុតពីរលកទី១ដោយភ្លេចការប្រុងប្រយ័ត្ន។

មេដឹកនាំថែមទាំងសប្បាយរីករាយដែលបានឃើញការជួបជុំមនុស្សច្រើនកកកុញទាំងការជួបជុំបោះឆ្នោត ពិធីបុណ្យ និងកិច្ចការសាសនាជាដើមដែលកើតមានស្ទើរគ្រប់ទីក្រុង រដ្ឋ និងទូទាំងប្រទេសចន្លោះពីខែមីនាដល់ខែមេសាដែលជាពេលផ្ទុះខ្លាំងបំផុត។

កាលពីថ្ងៃអាទិត្យ គណបក្ស The Indian National Congress ដែលជាបក្សប្រឆាំងធំបំផុតរបស់ប្រទេសឥណ្ឌាបានប្រកាសថា ខ្លួនបានផ្អាកការជួបជុំជាសាធារណៈនៅរដ្ឋ West Bengal។ លោកស្រី Banerjee បញ្ជាក់ថា បក្សរបស់លោកស្រីក៏ឈប់ធ្វើការជួបជុំ ទោះក្នុងពេលខ្លី ឬមនុស្សតិចក៏ដោយ។

ទោះបីជាយ៉ាងណា គណៈកម្មការរៀបចំការបោះឆ្នោតឥណ្ឌា កាលពីថ្ងៃព្រហស្បតិ៍បានប្រកាសថា ការជួបជុំត្រូវបានអនុញ្ញាតឲ្យមានមនុស្សច្រើនបំផុត៥០០នាក់។

ស្របពេលឥណ្ឌាបានកំពុងខ្វះខាតសម្ភារៈសម្រាប់ទទួលព្យាបាលអ្នកជំងឺកូវីដ-១៩គ្រប់មន្ទីរពេទ្យទូទាំងទីក្រុង និងរដ្ឋធំៗ ប៉ុន្តែបែរជាមានអ្នកឆ្លៀតឱកាសលក់អ៊ុកស៊ីសែន។

និស្សិតឈ្មោ Vishwaroop Sharma អាយុ២២ឆ្នាំបានដឹកឪពុកដែលមានជំងឺកូវីដ-១៩ធ្ងន់ធ្ងទៅមន្ទីរពេទ្យមួយនៅទីក្រុងញូវដេលី ប៉ុន្តែគ្មានគ្រែ។ ពួកគេរង់ចាំនៅខាងក្រៅដែលគ្មានអ្វីជួយដល់ឪពុកសោះ ហើយឪពុកក៏បានស្លាប់នៅខាងក្រៅមន្ទីរពេទ្យ។

គាត់បានត្រឡប់ទៅផ្ទះដើម្បីរកម្តាយដែលបានឆ្លងដែរ និងកំពុងមានដង្ហើមដង្ហក់។ គាត់បានទិញអ៊ុកស៊ីសែនមួយបំពងពីក្រុមលួចលក់ដើម្បីដាក់ឲ្យម្តាយ និងដឹកទៅមន្ទីរពេទ្យជាច្រើនថ្ងៃ ទើបអាចរកគ្រែដាក់ម្តាយបានដែលមានចម្ងាយ១០០គីឡូម៉ែត្រពីផ្ទះ៕