Connect with us

ព័ត៌មានអន្ដរជាតិ

រហូត​មក​ដល់​ពេលនេះ វ៉ាក់សាំង​ការពារ​កូវីដ​ជាង ១ ពាន់​លានដូស​ត្រូវបាន​ចាក់​ដល់​ប្រជាជន​នៅ​ទូទាំង​ពិភពលោក

បានផុស

នៅ

ក្រុមអ្នកស្រាវជ្រាវនៅចក្រភពអង់គ្លេសនិយាយថា ចំនួនវ៉ាក់សាំងការពារជំងឺកូវីដ ១៩ ដែលត្រូវបានចាក់ទូទាំងពិភពលោក កើនឡើងលើសមួយពាន់លានដូសហើយ ។

ទិន្នន័យនៅលើគេហទំព័រ ” Our World in Data” គ្រប់គ្រងដោយអ្នកស្រាវជ្រាវនៅសាកលវិទ្យាល័យ Oxford និងក្រុមហផ្សេងទៀតបង្ហាញថា វ៉ាក់សាំងចំនួន ១.០១ ពាន់លានដូស ត្រូវបានចាក់ទូទាំងពិភពលោកគិតត្រឹមថ្ងៃអាទិត្យ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សហរដ្ឋអាមេរិក បានចាក់ចំនួន ២២៥.៦៤ លានដូស ហើយវាចំនួនចាក់វ៉ាក់សាំងខ្ពស់បំផុត ។ ចំណែកប្រទេសចិន ឈរនៅលំដាប់ទី ២ មានចំនួន ២២០.៣១ លានដូស ។ ប្រទេសឥណ្ឌា ឈរនៅលំដាប់ទី៣ ដោយមាន ១៣៨.៣៨ លានដូស ហើយចក្រភពអង់គ្លេស ឈរនៅលំដាប់ទី ៤ ដោយមានចំនួនអ្នកចាក់ ៤៥.៥៨ លានដូស ។

គេហទំព័រនេះក៏បង្ហាញពី ចំនួនភាគរយនៃប្រជាជនរបស់ប្រទេសនីមួយៗ ដែលបានចាក់វ៉ាក់សាំងការពារជំងឺកូវីដ ១៩ ផងដែរ ។ ភាគរយនេះតំណាងឲ្យចំនួនប្រជាជន ដែលបានទទួលការចាក់វ៉ាក់សាំងគ្រប់ចំនួនកំណត់ (២ ដូស) តាមពិធីសារនៃការចាក់វ៉ាក់សាំង ។

អ៊ីស្រាអែល មានភាគរយខ្ពស់ជាងគេគឺ ៥៧.៩ ភាគរយ ។ អារ៉ាប់រួម ស្ថិតនៅលំដាប់ទី ២ មានចំនួន ៣៨.៨ ភាគរយ និងប្រទេសឈីលី ឈរនៅលំដាប់ទី ៣ មាន ៣២.២ ភាគរយ ។ ប្រទេសបារ៉ែន បានចាក់ដល់ប្រជាជនខ្លួនចំនួន ៣០.៤ ភាគរយ ខណៈដែលសហរដ្ឋអាមេរិកបានចាក់ដល់ប្រជាជនខ្លួនចំនួន ២៧.៨ ភាគរយ ។

ថ្មីៗនេះ អ៊ីស្រាអែល បានឃើញការធ្លាក់ចុះនូវចំនួនករណីឆ្លងថ្មីនៃជំងឺកូវីដ ១៩ ។ ទិន្នន័យចងក្រងដោយសាកលវិទ្យាល័យ Johns Hopkins នៅសហរដ្ឋអាមេរិក បង្ហាញថា ចំនួនឆ្លងប្រចាំថ្ងៃថ្មីរបស់ប្រទេសនេះមានត្រឹមតែ ៨២ ករណីប៉ុណ្ណោះកាលពីថ្ងៃសៅរ៍ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ផ្ទុះ កូវីដ ខ្លាំងក្លានៅឥណ្ឌា រាលដាលដល់អ្នកការទូតអាមេរិក ស្លាប់ ២ នាក់ និងឆ្លងជាង ១០០ នាក់

ចុចអាន ៖ ក្តីសង្ឃឹមរបស់ពិភពលោក! ថ្នាំផ្តាសាយមួយប្រភេទ អាចសម្លាប់កូវីដក្នុងរយៈពេលត្រឹមប៉ុន្មានថ្ងៃ, អង់គ្លេសកំពុងពិនិត្យមើល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម