ព័ត៌មានអន្ដរជាតិ

មិនសរសើរមិនបាន យុវតីនីហ្សេរីយ៉ាម្នាក់ជាប់អាហារូបករណ៍១៩កន្លែង តម្លៃជាង៥លានដុល្លារនៅអាមេរិក និងកាណាដា

បានផុស

៣ years មុន

នៅ

ថ្ងៃសៅរ៍ ១ ឧសភា ២០២១

ដោយ

chean virakbot

យុវតីនីហ្សេរីយ៉ាម្នាក់នេះមានអារម្មណ៍ដូចជាពិភពលោកកំពុងស្ថិតនៅក្នុងកណ្តាប់ដៃរបស់នាង បន្ទាប់ពីទទួលបានអាហារូបករណ៍ពេញចំនួន១៩កន្លែងពីសាលា ក៏ដូចជាសាកលវិទ្យាលល័យល្បីៗនៅសហរដ្ឋអាមេរិក និងកាណាដា។

យុវតីនីហ្សេរីយ៉ាម្នាក់នេះមានអារម្មណ៍ដូចជាពិភពលោកកំពុងស្ថិតនៅក្នុងកណ្តាប់ដៃរបស់នាង បន្ទាប់ពីទទួលបានអាហារូបករណ៍ពេញចំនួន១៩កន្លែងពីសាលា ក៏ដូចជាសាកលវិទ្យាលល័យល្បីៗនៅសហរដ្ឋអាមេរិក និងកាណាដា។

យោងតាមឯកសារអាហារូបករណ៍ និងការវាយតម្លៃហិរញ្ញវត្ថុ បង្ហាញថា យុវតីឈ្មោះ Victory Yinka-Banjo អាយុ១៧ឆ្នាំដែលទើបបញ្ចប់កម្រិតវិទ្យាល័យទទួលបានអាហារូបករណ៍គិតជាទឹកប្រាក់មានចំនួនជាង៥លានដុល្លារអាមេរិកសម្រាប់កម្មវិធីសិក្សានៅសកលវិទ្យាល័យ។

Victory បាននិយាយពាក់ព័ន្ធនឹងសមត្ថភាពរបស់នាងថា ៖«ខ្ញុំមានអារម្មណ៍ស្ទើរមិនគួរឲ្យ។ ខ្ញុំបានដាក់ពាក្យអាហារូបករណ៍ជាច្រើនកន្លែង ពីព្រោះខ្ញុំមិនគិតថា មានសកលវិទ្យាល័យណាមួយទទួលយកខ្ញុំទេ»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម្តាយរបស់នាងឈ្មោះ Chika Yinka-Banjo ជាសាស្ត្រាចារ្យនៅសកលវិទ្យាល័យ University of Lagos និងឪពុកឈ្មោះ Adeyinka Banjo ជាអ្នកច្បាប់ក្រុមហ៊ុនឯកជន យុវតី Victory ទទួលបានអាហារូបករណ៍ពេញពីសកលវិទ្យាល័យ និងមហាវិទ្យាល័យល្បីៗដូចជា Ivy League schools, Yale College, Princeton University, Harvard College និង Brown University។

អាហារូបករណ៍ផ្សេងទៀតនៅសហរដ្ឋអាមេរិកមានដូចជាវិទ្យាស្ថាន Massachusetts Institute of Technology (MIT) សាកលវិទ្យាល័យ Stanford University, Johns Hopkins University និងសាកលវិទ្យាល័យ University of Virginia។

ចំណែកនៅប្រទេសកាណាដាវិញ Victory ទទួលបានការផ្តល់ពីសាកលវិទ្យាល័យ University of Toronto និងសាកលវិទ្យាល័យ University of British Columbia។

Victory បានរៀបរាប់ថា ៖«ដំណើរជ្រើសរើសរបស់ពួកគេពិតជាតឹងតែងខ្លាំងណាស់។ ពួកគេរើសតែសិស្សឆ្នើមលើឆ្នើម។ ដូច្នេះ យើងអាចស្រមៃមើល យ៉ាងណា រាល់ថ្ងៃខ្ញុំតែងតែរំលឹកខ្លួនឯងថា ខ្ញុពិតជាបានចូលសាលាទាំងនោះ។ វាជាគុណសម្បត្តិពិតៗ»។

មុនពេលជាប់អាហារូបករណ៍

កំឡុងពេលការសិក្សានៅវិទ្យាល័យនាងលេចធ្លោខ្លាំងណាស់។ កាលពីចុងឆ្នាំ២០២០ Victory បានជោគជ័យក្នុងការប្រឡងថ្នាក់ជាតិ ដោយទទួលបានពិន្ទុពេញនៅក្នុងការប្រឡងសញ្ញាបត្រកម្រិតឧត្តមសិក្សានៅអាហ្វ្រិកខាងជើង (WASSCE)។

ប៉ុន្មានខែមុន យុវតីនីហ្សេរីយ៉ារូបនេះត្រូវបានវាយតម្លៃជា«លំដាប់កំពូលក្នុងពិភពលោក»សម្រាប់អ្នកនិយាយអង់គ្លេសជាភាសាទី២ដោយកម្មវិធីប្រឡងអន្តរជាតិរបស់សកលវិទ្យាល័យ University of Cambridge (CIE)។ ចំណែកការប្រឡងនៅ Cambridge IGCSE នាងទទួលបាននិទ្ទេស A គ្រប់មុខវិជ្ជាទាំងអស់៦។

Victory និយាយថា នោះជាជោគជ័យដ៏សំខាន់របស់នាងដែលកើតចេញពីការខិតខំប្រឹងប្រែង។ នាងសង្ឃឹមថា នឹងបានចូលរៀននៅសាលា Computational Biology ប៉ុន្តែកំពុងថ្លឹងថ្លែងថាតើគួរជ្រើសរើសសាកលវិទ្យាល័យមួយណា។

នាងនិយាយថា ៖«ខ្ញុំកំពុងធ្វើការស្រាវជ្រាវសាលាទាំងនោះ តើមួយណាដែលស្ថិតនៅក្នុងបញ្ជីកំពូលរបស់ខ្ញុំដូចជា Stanford, Harvard, MIT, Duke, Johns Hopkins ជាដើម ហើយព្យាយាមប្រៀបធៀបគ្នាឲ្យបានច្បាស់លាស់»។

ជាគំរូដល់យុវជននីហ្សេរីយ៉ា

ក្នុងនាមជាម្តាយ អ្នកស្រី Chika និយាយថា រឿងកូនស្រីរបស់អ្នកស្រីនឹងក្លាយជាគំរូសម្រាប់ការលើកទឹកចិត្តដល់យុវជននីហ្សេរីយ៉ាផ្សេងៗទៀត។

អ្នកស្រីមានប្រសាសន៍ថា ៖«តាមពិតទៅ កូនស្រីខ្ញុំមិនមែនជាជនជាតិនីហ្សេរីយ៉ា-អាមេរិកដែលទទួលបានអាហារូបករណ៍ពីសាលាទាំងនោះ ដោយសារតែនាងកើត និងធំដឹងក្តីអាមេរិកនោះទេ។ កូនស្រីខ្ញុំរៀបចំវិទ្យាល័យនៅនីហ្សេរីយ៉ាទាំងស្រុង។ វាពិតជាអស្ចារ្យ បើរឿងរ៉ាវកូនស្រីខ្ញុំអាចក្លាយជាកត្តាជំរុញទឹកចិត្តដល់យុវជនទូទាំងប្រទេសនីហ្សេរីយ៉ា»៕

ប្រែសម្រួល៖ វីរបុត្រ
ប្រភព៖ CNN