ព័ត៌មានអន្ដរជាតិ
ប្រេស៊ីលអនុញ្ញាតឲ្យបន្តការសាកល្បងវ៉ាក់សាំងចិនឡើងវិញ ក្រោយមានការផ្អាក
និយតករសុខភាពប្រេស៊ីលហៅកាត់ថា Anvisa កាលពីថ្ងៃពុធ ទី១១ ខែវិច្ឆិកា បានអនុញ្ញាតឲ្យវ៉ាក់សាំងកូវីដ ១៩ របស់ក្រុមហ៊ុនចិន Sinovac បន្តការសាកល្បងព្យាបាលដំណាក់កាលចុងក្រោយឡើងវិញ បន្ទាប់ពីត្រូវបានផ្អាកដោយសារការស្លាប់នៃអ្នកស្ម័គ្រចិត្តដែលចូលរួមធ្វើតេស្តក្នុងទីក្រុង Sao Paulo ប៉ុន្តែក្រោយមកត្រូវបានគេពណ៌នាថាជាការធ្វើអត្តឃាត ។
ប្រធានាធិបតីប្រេស៊ីលលោក Jair Bolsonaro ដែលបានរិះគន់វ៉ាក់សាំងរបស់ក្រុមហ៊ុន Sinovac បានអះអាងថា ការផ្អាកកាលពីថ្ងៃចន្ទគឺជាជោគជ័យមួយ ។
ការសម្រេចចិត្តផ្អាកនេះត្រូវបានរិះគន់យ៉ាងខ្លាំងពីអ្នករៀបចំការសាកល្បងដែលបាននិយាយថា ការផ្អាកនេះបានធ្វើឲ្យពួកគេភ្ញាក់ផ្អើល ហើយវាមិនចាំបាច់បញ្ឈប់ការសិក្សាទេ ព្រោះការស្លាប់មិនមានទំនាក់ទំនងជាមួយវ៉ាក់សាំងឡើយ ។
នៅក្នុងសេចក្តីថ្លែងការណ៍របស់ខ្លួនកាលពីថ្ងៃពុធ Anvisa បាននិយាយថា ព័ត៌មានដំបូងដែលខ្លួនទទួលបានអំពីករណីដែលបណ្តាលឲ្យមានការផ្អាកនេះគឺមិនពេញលេញ និងខ្វះមូលហេតុនៃឧប្បត្តិហេតុមិនល្អនេះ ។ ទន្ទឹមនោះ Anvisa ក៏បានច្រានចោលនូវការលើកឡើងដែលថា សេចក្តីសម្រេចចិត្តនេះអាចជាហេតុផលនយោបាយ ។
ទីភ្នាក់ងារនេះបាននិយាយថា “បន្ទាប់ពីវាយតម្លៃទិន្នន័យថ្មីដែលបង្ហាញដោយអ្នកស្ម័គ្រចិត្តចូលរួម Anvisa យល់ថា ខ្លួនមានហេតុផលគ្រប់គ្រាន់ដើម្បីអនុញ្ញាតឲ្យមានការបន្តការចាក់វ៉ាក់សាំងឡើងវិញ” ។
គួរបញ្ជាក់ថា ប្រេស៊ីលជាប្រទេសមួយដែលមានការរីករាលដាលអាក្រក់បំផុតលើពិភពលោកនៃករណីឆ្លងជំងឺកូវីដ ១៩ ដោយក្នុងនោះមានករណីឆ្លងជាង ៥.៧ លានករណី និងមានអ្នកស្លាប់ចំនួន ១៦៣,០០០ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ ស្របពេលវ៉ាក់សាំងរបស់អាមេរិកទទួលជោគជ័យ ៩០ ភាគរយ ចិនបែរជាផ្អាកការសាកល្បងនៅប្រេស៊ីល
ចុចអាន ៖ វ៉ាក់សាំងកូវីដ ១៩ របស់ក្រុមហ៊ុនចំនួនពីរបង្ហាញប្រសិទ្ធភាពការពារមនុស្សបានជាង ៩០ ភាគរយ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង