ព័ត៌មានអន្ដរជាតិ

ឡើងកម្តៅទៀតហើយ យោធាមីយ៉ាន់ម៉ាសម្លាប់មនុស្ស៧នាក់ទៀត

បានផុស

៤ years មុន

នៅ

ថ្ងៃចន្ទ ៣ ឧសភា ២០២១

ដោយ

កម្លាំងសន្តិសុខមីយ៉ាន់ម៉ាបានបើកការបាញ់ទៅលើក្រុមបាតុករដែលបានធ្វើការតវ៉ាទ្រង់ទ្រាធំប៉ុន្មានថ្ងៃចុងក្រោយនេះ ហើយហោចណាស់មនុស្ស៧នាក់ត្រូវបានសម្លាប់នៅថ្ងៃអាទិត្យ ទី២ ខែឧសភា ម្សិលមិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការតវ៉ា បន្ទាប់ពីមនុស្សច្រើនបានថយចុះ និងហាក់ដូចជាមានការអត់ធ្មត់ពីការបង្ក្រាបដោយកម្លាំងសន្តិសុខមួយរយៈពេលមក បានកើតឡើងជាថ្មីដែលលើកនេះជាបណ្តាញនៃបាតុកម្មពីសហគមន៍មីយ៉ាន់ម៉ាទូទាំងពិភពលោកដែលត្រូវបានកត់សំគាល់ឃើញថាជា «បដិវត្តនិទាឃរដូវពិភពលោករបស់មីយ៉ាន់ម៉ា»។

អ្នកធ្វើបាតុកម្មបាននិយាយក្នុងសេចក្តីថ្លែងការណ៍មួយថា ធ្វើឲ្យពិភពលោកញាប់ញ័រនឹងសំឡេងសាមគ្គីភាពរបស់ប្រជាជនមីយ៉ាន់ម៉ា។

ក្រុមបាតុករដែលដឹកនាំដោយព្រះសង្ឃពុទ្ធសាសនា បានធ្វើការដង្ហែឆ្លងកាត់ទីក្រុងធំៗ និងទីប្រជុំជនទូទាំងប្រទេសមីយ៉ាន់ម៉ា រាប់ទាំងទីក្រុងពាណិជ្ជកម្ម យ៉ាំងហ្គោន និងទីក្រុងធំលំដាប់ទី២ ម៉ាន់ដាឡាយ ដែលទីក្រុងនេះមានមនុស្ស២នាក់ត្រូវបានបាញ់សម្លាប់។

យោងតាមសារព័ត៌មានក្នុងស្រុក Myanmar Now បានផ្សាយថា មនុស្សពីរនាក់ត្រូវបានសម្លាប់នៅភាគកណ្តាលសង្កាត់ Wetlet និងមនុស្ស២នាក់ទៀតត្រូវបានម្លាប់នៅភាគខាងជើងរដ្ឋ Shan។ ម្នាក់ទៀតត្រូវបានសម្លាប់នៅភាគខាងជើងសង្កាត់ Hpakant។

ការតវ៉ាទាំងនេះគ្រាន់តែជាបញ្ហាមួយក្នុងចំណោមបញ្ហាជាច្រើនដែលក្រុមឧត្តមសេនីយ៍បានធ្វើរដ្ឋប្រហារ១កុម្ភៈដើម្បីបណ្តេញចេញមេដឹកនាំជាប់ឆ្នោតលោកស្រី អ៊ុងសាន ស៊ូជី។

សង្គ្រាមស៊ីវិលជាមួយក្រុមបះបោរជនជាតិភាគតិចនៅតំបន់ព្រំដែនដាច់ស្រយាលភាគខាងជើង និងខាងកើតប្រទេសបានកើតមានកាន់តែខ្លាំងចាប់តាំងពីរដ្ឋប្រហារ ដែលបានជំរុញឲ្យប្រជាជនរាប់ពាន់នាក់បានភៀសខ្លួន។

តំបន់មួយចំនួន ជនស៊ីវិលបានប្រើអាវុធកែច្នៃ និងសម្ភារៈផ្សេងៗដើម្បីតស៊ូជាមួយកម្លាំងសន្តិសុខ ខណៈតំបន់កណ្តាលដែលទីតាំងយោធា និងរដ្ឋាភិបាលដែលមានសន្តិសុខជាច្រើនជំនាន់មកហើយនោះត្រូវបានវាយប្រហារដោយរ៉ុក្កែត និងការផ្ទុះអាវុធផ្សេងៗ។