ប្រធានាធិបតីអាហ្សង់ទីនផ្ដាច់ខ្លួននៅដាច់ដោយឡែក បន្ទាប់ពីទាក់ទងយ៉ាងស្និទ្ធនឹងអ្នកជំងឺកូវីដ ១៩ – Kampuchea Thmey Daily
Connect with us

ព័ត៌មានអន្ដរជាតិ

ប្រធានាធិបតីអាហ្សង់ទីនផ្ដាច់ខ្លួននៅដាច់ដោយឡែក បន្ទាប់ពីទាក់ទងយ៉ាងស្និទ្ធនឹងអ្នកជំងឺកូវីដ ១៩

Published

on

ប្រព័ន្ធផ្សព្វផ្សាយក្នុងស្រុករាយការណ៍កាលពីថ្ងៃពុធថា ប្រធានាធិបតីអាហ្សង់ទីនលោក Alberto Fernandez បានផ្ដាច់ខ្លួននៅដាច់ដោយឡែក បើទោះបីជាធ្វើតេស្តអវិជ្ជមានក៏ដោយ បន្ទាប់ពីបានទាក់ទងជាមួយអ្នកជំងឺកូវីដ ១៩ ខណៈរដ្ឋលេខាធិការកិច្ចការយុទ្ធសាស្រ្តលោក Gustavo Beliz បានធ្វើតេស្តវិជ្ជមានសម្រាប់ជំងឺនេះ ។

ក្រៅពីប្រធានាធិបតី មន្រ្តីមួយចំនួនក៏បានធ្វើចត្តាឡីស័កផងដែររួមមាន រដ្ឋមន្រ្តីក្រសួងការបរទេស រដ្ឋមន្រ្តីក្រសួងមហាផ្ទៃ រដ្ឋមន្រ្តីក្រសួងវប្បធម៌ អគ្គលេខាធិការនៃប្រធានាធិបតី និងលេខាធិការផ្នែកទំនាក់ទំនង និងសារព័ត៌មាន ។

សេចក្តីថ្លែងការណ៍បាននិយាយថា “ដោយមានទំនាក់ទំនងជិតស្និទ្ធជាមួយនឹងអ្នកជំងឺតេស្តវិជ្ជមានកូវីដ ១៩ លោកប្រធានាធិបតី Alberto Fernandez បានចាប់ផ្ដើមធ្វើចត្តាឡីស័ក ហើយនឹងផ្តាច់ខ្លួននៅក្នុងវិមានរដ្ឋាភិបាលផ្លូវការក្នុងទីក្រុង Olivos” ។

ចំណែកលោក Beliz បានអមដំណើរលោក Fernandez នៅពេលដែលអ្នកធ្វើដំណើរទៅប្រទេសបូលីវី រួមគ្នាជាមួយអតីតប្រធានាធិបតី Evo Morales កាលពីថ្ងៃចន្ទ បន្ទាប់ពីបាននិរទេសខ្លួនអស់រយៈពេល ១១ ខែ ហើយបានចូលរួមក្នុងសវនាការ និងការប្រជុំទ្វេភាគីនៅទីនោះរួមទាំងមន្រ្តីជាន់ខ្ពស់ជាច្រើនផងដែរ ។ លោក Beliz ក៏បានចូលរួមក្នុងពិធីសម្ពោធមជ្ឈមណ្ឌលស្រាវជ្រាវ Arce និងនៅក្នុងកិច្ចប្រជុំទ្វេភាគីរបស់លោក Fernandez ផងដែរ ។

គួរបញ្ជាក់ថា ប្រទេសអាហ្សង់ទីនមានករណីឆ្លងជំងឺកូវីដ ១៩ ចំនួន ១,២៥០,៤៩៩ ករណី និងមានអ្នកស្លាប់ចំនួន ៣៣,៩០៧ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុច Like Facebook កម្ពុជាថ្មី

ព័ត៌មានពេញនិយម