រឿងសំខាន់មួយ ដែលគេភ័យខ្លាចបំផុត ចំពោះវីរុសបំប្លែងខ្លួន Delta 

យោងតាមក្រសួងសុខាភិបាលកម្ពុជា បានឲ្យយដឹង ថាគិតត្រឹមថ្ងៃទី១៦ខែកក្កដាឆ្នាំ២០២១ ប្រទេស កម្ពុជាបានរកឃើញអ្នកវិជ្ជមានវីរុសកូវីដ-១៩ ប្រភេទដែលតា (Delta) សរុបទាំងអស់ចំនួន ៧៥នាក់ ដែលជាករណីនាំចូល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងចំណោមអ្នកឆ្លងវីរុសកូវីដ១៩ បំប្លែងថ្មី B.1.617.2 (Delta) ចំនួន៧៥នាក់ ក្នុងនោះរកឃើញអំឡុងខែមេសា១នាក់ ថ្ងៃ០៤មិថុនា៤នាក់ ថ្ងៃ១៨មិថុនា៧នាក់ ថ្ងៃទី២៥មិថុនា២៥នាក់ និងថ្ងៃទី១៦កក្កដារកឃើញចំនួន៣៧នាក់។

មិនត្រឹមតែកម្ពុជាទេ វីរុសបំប្លែងខ្លួននេះ បានបង្កឲ្យមានក្តីព្រួយបារម្ភជាសកល បន្ទាប់ពីត្រូវបានគេរាយការណ៍នៅក្នុងប្រទេសជាង១០០ហើយ។

តើវីរុសបំប្លែងខ្លួន Deltaខុសពីកូវីដធម្មតា ដូចម្តេចទើបធ្វើឲ្យគេភ័យខ្លាចខ្លាំងបែបនេះ?

វីរុសបំប្លែងខ្លួន Delta មានផ្ទុកនូវកំឡាយវីរុសសំខាន់ចំនួនពីរ នោះគឺ E484Q និង L452R។

កំឡាយទាំងពីរនេះ ត្រូវបានគេរកឃើញនៅដាច់ដោយឡែកពីគ្នា ក្នុងវីរុសកូរ៉ូណាបំប្លែងខ្លួនដទៃទៀត ប៉ុន្តែនេះជាលើកដំបូងហើយដែលវា ត្រូវបានគេរកឃើញនៅជាមួយគ្នា។

អ្នកជំនាញខាងរោគសាស្ត្រលោក Shahid Jameel បានពន្យល់ថា “កំឡាយទ្វេដងនៅត្រង់ទីតាំងសំខាន់ៗនៃ សរសៃរប្រូតេអ៊ីន របស់វីរុស អាចបង្កើនហានិភ័យ និងអនុញ្ញាតឲ្យវីរុស គេចផុតពីប្រព័ន្ធភាពស៊ាំ”។

សរសៃរប្រូតេអ៊ីន គឺជាផ្នែកមួយនៃវីរុស ដែលមានសមត្ថភាពជ្រាបចូលកោសិកាមនុស្ស ធ្វើឲ្យអ្នកឆ្លងរោគកាន់តែមានគ្រោះថ្នាក់ជាទីបំផុត។

បើនិយាយពីវ៉ាក់សាំងវិញ ថ្វីបើវីរុសបំប្លែងខ្លួនឥណ្ឌាពីដំបូងត្រូវបានគេនិយាយថា មិនខ្លាចវ៉ាក់សាំងក៏ដោយ ប៉ុន្តែកាលពីពេលថ្មីៗនេះ អ្នកវិទ្យាសាស្រ្តអះអាងថា វ៉ាក់សាំង Covaxin ដែលផលិតក្នុងប្រទេសឥណ្ឌា ហាក់ដូចជាមានប្រសិទ្ធភាពលើវីរុសនេះ៕

ប្រែសម្រួលដោយ៖ Vann Vann

ប្រភព៖ ABC

ចុចអាន៖ ឃើញដុនដាបដោយកូវីដខ្លាំងពេក! ក្រុមហ៊ុន Pfizer ចរចាស្វែងរកផ្លូវអនុម័តប្រើប្រាស់វ៉ាក់សាំងរបស់ខ្លួនក្នុងប្រទេសឥណ្ឌា