វៀតណាម ត្រៀមខ្លួនប្រឈមមុខនឹងព្យុះទី៣ក្នុងខែនេះ

ព្យុះ Vamco បានចូលសមុទ្រចិនខាងត្បូងនៅព្រឹកថ្ងៃព្រហស្បតិ៍នេះហើយត្រូវបានគេព្យាករណ៍ថានឹងឆ្ពោះទៅកាន់ភាគកណ្តាលប្រទេសវៀតណាម។

មជ្ឈមណ្ឌលជាតិឧតុនិយមនិងព្យាករណ៍បានឲ្យដឹងថា នៅម៉ោង៧ព្រឹក ព្យុះនេះស្ថិតនៅចម្ងាយប្រហែល៨២០គីឡូម៉ែត្រភាគអាគ្នេយ៍នៃប្រជុំកោះ Paracel ក្នុងសមុទ្រចិនខាងត្បូងជាមួយនឹងល្បឿនខ្យល់រហូតដល់១៣៥គីឡូម៉ែត្រក្នុងមួយម៉ោង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងរយៈពេល២៤ម៉ោងបន្ទាប់ វានឹងធ្វើដំណើរទៅទិសខាងលិចក្នុងល្បឿន២០គីឡូម៉ែត្រក្នុងមួយម៉ោងមុនពេលផ្លាស់ប្តូរទិសដៅនិងឆ្ពោះទៅទិសពាយព្យ។

នៅព្រឹកថ្ងៃអាទិត្យ គេរំពឹងថា ព្យុះនេះនឹងទៅដល់ឆ្នេរសមុទ្រវៀតណាមចន្លោះខេត្ត Ha Tinh និង Quang Nam ដែលខេត្តទាំងពីរនេះមានមនុស្សយ៉ាងតិច២៣៥នាក់បានស្លាប់ឬបាត់ខ្លួនដោយសារតែព្យុះនិងទឹកជំនន់ចាប់តាំងពីខែមុនមក។

បណ្តាទីភ្នាក់ងារព្យាករណ៍អាកាសធាតុអន្តរជាតិបានព្យាករណ៍ថា ព្យុះ Vamco នឹងបង្កឲ្យមានការបាក់ដីក្នុងខេត្ត Ha Tinh និង Quang Binh នៅថ្ងៃចន្ទ។

គួរបញ្ជាក់ថា Vamco គឺជាព្យុះទី៣នៅក្នុងខែវិច្ឆិកានិងទី១៣ក្នុងឆ្នាំនេះដែលវាយប្រហារប្រទេសវៀតណាម៕

ប្រែសម្រួលដោយ៖ Vann Vann

ប្រភព៖ VN Express