គ្រូស្រីរំលោភសិស្សប្រុសអាយុ១៤ឆ្នាំញយដងហើយគំរាមធ្វើបាបបើហ៊ានប្រាប់គេ

ប៉ូលិសនិយាយថា អតីតគ្រូអប់រំកាយម្នាក់បានរំលោភផ្លូវភេទលើក្មេងប្រុសអាយុ១៤ឆ្នាំក្នុងរយៈពេល៧ខែដែលក្នុងអំឡុងពេលនោះ ពួកគេបានជួបគ្នាពីរដងក្នុងមួយសប្តាហ៍។

លោកស្រី Rochelle Cressman បានផ្តួចផ្តើមទំនាក់ទំនងផ្លូវភេទហើយបានប្រាប់ក្មេងប្រុសនោះកុំឲ្យប្រាប់នរណាឲ្យសោះពីទំនាក់ទំនងនេះហើយថែមទាំងគំរាមធ្វើបាបខ្លួនឯងនិងក្មេងប្រុសទៀតផងប្រសិនបើទង្វើខុសច្បាប់របស់ពួកគេត្រូវបានលេចធ្លាយ។

កាសែត Meadville Tribune បានរាយការណ៍ថា ស្រ្តីអាយុ៣៣ឆ្នាំដែលធ្លាប់បង្រៀននៅអនុវិទ្យាល័យមួយហើយក្មេងជំទង់បានប្រព្រឹត្តទង្វើនេះនៅឯអតីតផ្ទះរបស់នាងក្នុងទីក្រុង Oil Creek និងនៅផ្ទះមួយទៀតក្នុងទីក្រុង Titusville សហរដ្ឋអាមេរិក។

នាងបានសារភាពថា បានរំលោភបំពានផ្លូវភេទម្តងហើយម្តងទៀតលើក្មេងប្រុសអាយុ១៤ឆ្នាំម្នាក់ហើយបានបង្ហាញខ្លួននៅតុលាការតំបន់ Crawford ពីបទរំលោភផ្លូវភេទចំនួន៣ករណីពាក់ព័ន្ធនឹងក្មេងជំទង់។

យោងតាមកាសែតនេះបានឲ្យដឹងថា បទឧក្រិដ្ឋកម្មចំនួន៦៣ត្រូវបានលុបចោលដោយសារតែការទទួលទោសរបស់នាង។

នាងត្រូវបានចោទប្រកាន់ដំបូងកាលពីខែឧសភាឆ្នាំ២០១៩ពីបទរំលោភសេពសន្ថវៈចំនួន៤២ករណីក៏ដូចជាការរំលោភផ្លូវភេទដោយអចេតនា១០ករណីនិងបទចោទប្រកាន់ផ្សេងទៀតផងដែរ។

នាងគ្រោងនឹងត្រូវបានគេកាត់ទោសនៅខែកុម្ភៈឆ្នាំក្រោយ៕

ប្រែសម្រួលដោយ៖ Vann Vann

ប្រភព៖ Daily Star