ព័ត៌មានអន្ដរជាតិ
Donald Trump ចាញ់ឆ្នោតភ្លាម មេទ័ពធំៗរបស់អាមេរិក និងចិន ជួបពិភាក្សាគ្នាភ្លែត
យោធាអាមេរិក ចិន កាលពីថ្ងៃពុធ បានបើកកិច្ចប្រជុំរួមគ្នារយៈពេល ៣ថ្ងៃ ពិភាក្សាលើបញ្ហាសំខាន់ៗមួយចំនួន ដូចជាកិច្ចប្រឹងប្រែងគ្រប់គ្រងស្ថានភាពរាតត្បាតជំងឺកូវីដ ១៩ ជំនួយមនុស្សធម៌ និងការពារគ្រោះមហន្តរាយធម្មជាតិជាដើម។
កិច្ចពិភាក្សានេះ គឺជាព្រឹត្តិការណ៍កម្រមួយរវាងយោធាអាមេរិក និងចិន ស្របពេលដែលភាពតានតឹងរបស់មហាអំណាចយោធាទាំងពីរ កំពុងពុះកញ្ជ្រោលខ្លាំងក្នុងរដ្ឋកាលលោក Donald Trump កាន់អំណាច។
យោងតាមសេចក្តីថ្លែងការណ៍ពីក្រសួងការពារជាតិប្រទេសចិន កិច្ចពិភាក្សា រាប់បញ្ចូលវិធីទប់ស្កាត់ ការពារកូវីដ ១៩ កិច្ចសហការឆ្លើយតបសម្រាប់គ្រោះទឹកជំនន់ និងព្យុះទីហ្វុង ក៏ដូចជាកិច្ចសហប្រតិបត្តិការណ៍ទាំងស៊ីវិល និងយោធា រវាងប្រទេសទាំងពីរ។
កិច្ចប្រជុំនេះ ធ្វើឡើងតាមរយៈវីដេអូអនឡាញ ដោយភាគីចិន នៅទីក្រុងណានជីង ខេត្តជៀនស៊ូ ខណៈភាគីអាមេរិក ចូលរួមពីកោះហាវ៉ៃ។
ក្រុមអ្នកសង្កេតកិច្ចការទូតរវាងប្រទេសទាំងពីរ លើកឡើងថា នេះជាកិច្ចប្រជុំលើកទី ១៦ រវាងយោធាចិន និងអាមេរិក ហើយត្រូវគេរំពឹងអាចជួយកាត់បន្ថយហានិភ័យប៉ះទង្គិចគ្នាដោយយោធារវាងមហាអំណាចទាំងពីរ ក្រោយការបោះឆ្នោតនៅអាមេរិក បានធ្វើឲ្យមានការប្រែប្រួលខ្លាំងនៅក្នុងរចនាសម្ព័ន្ធ និងគោលយោបាយរបស់មន្ទីរបញ្ចាកោណ ដូចជាករណីលោក Donald Trump បណ្តេញរដ្ឋមន្ត្រីការពារជាតិអាមេរិក Mark Esper ចេញពីតំណែងជាដើម។
ជាមួយគ្នានេះ មន្ត្រីជាន់ខ្ពស់នៃមន្ទីរបញ្ចាកោណ របស់អាមេរិកជាច្រើន បានសម្រេចចិត្តលាលែងចេញពីតំណែង ដោយការរង្គោះរង្គើក្នុងរចនាសម្ព័ន្ធមន្ត្រីជាន់ខ្ពស់ គឺដោយសារពួកគេបារម្ភ លោក Trump អាចនឹងពិចារណាចាត់វិធានការក្តៅប្រឆាំងប្រទេសចិន មុននឹងត្រូវចុះចេញពីតំណែងនាថ្ងៃ ២០ មករា ឆ្នាំ២០២១។
លោក Pang Zhongying អ្នកជំនាញផ្នែកទំនាក់ទំនងអន្តរជាតិ នៃ សាកលវិទ្យាល័យ Ocean University ក្នុងប្រទេសចិន បាននិយាយថា កិច្ចពិភាក្សានេះ គឺជាសញ្ញាប្រាកដប្រជាមួយដើម្បីបញ្ចៀសការប៉ះទង្គិចគ្នាដោយយោធា ចំពេលចំណងការទូតរវាងប្រជាជាតិមហាអំណាចទាំងពីរ កំពុងស្ថិតក្នុងភាពស្រពិចស្រពិល៕
ប្រែសម្រួល៖ សុភា
ប្រភព៖ SCMP
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
មកដឹងពានរង្វាន់ទាំង ៩ មានប្រាក់រង្វាន់ច្រើនបំផុតរដូវកាលនេះ ខណៈ UCL ឈរលេខ៣
តារាល្បីៗដែលគេរំពឹងថា នឹងចូលរួមពិធីមង្គលការរបស់មហាសេដ្ឋី Jeff Bezos
មន្ត្រីជាន់ខ្ពស់ ប.ស.ស ជំរុញអ្នកធ្វើការតាមផ្ទះចុះឈ្មោះចូលជាសមាជិក ប.ស.ស បន្ថែម ដើម្បីទទួលបានការគាំពារពីសង្គម
អ្នកនាំពាក្យ ៖ គិតត្រឹមម៉ោងនេះពុំទាន់មានព័ត៌មានថាពលករខ្មែររងគ្រោះ ដោយគ្រោះរញ្ជួយដីនៅថៃនៅឡើយទេ
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?