មិនធម្មតា! ខ្យល់បក់ និងរលកបោកខ្លាំងបានកាត់ផ្ដាច់ផ្ទាំងថ្មទម្ងន់ជិត ៥ ម៉ឺនតោនលើកោះមួយនៅប្រទេសថៃ

អ្នកទេសចរកំពុងត្រូវបានគេព្រមានឲ្យនៅឆ្ងាយពីផ្ទាំងថ្មមួយនៅកោះ Talu នៃខេត្ត Krabi ប្រទេសថៃ បន្ទាប់ពីវាត្រូវបានកាត់ផ្ដាច់ជាពីរដោយតែខ្យល់បក់ និងរលកបោកខ្លាំង ។

ទន្ទឹមនោះលោក Prayoon Pongpan ប្រធានឧទ្យានជាតិ Hat Noppharat Thara-Mu Ko Phi Phi ក៏បានទៅត្រួតពិនិត្យតំបន់នោះ និងធ្វើការវិភាគពីស្ថានភាពនេះកាលពីថ្ងៃពុធផងដែរ ។

លោកបានមានប្រសាសន៍ថា “ផ្ទាំងថ្មដែលដាច់ជាពីរនោះមានទម្ងន់ពី ៣ ម៉ឺនទៅ ៥ ម៉ឺនតោន ហើយការដាច់នេះបានធ្វើឲ្យខូចខាតដល់ផ្កាថ្ម ២០ ភាគរយនៅខាងក្រោមផ្ទៃដី ។ យើងជឿថា ផ្ទាំងថ្មនេះបានដាច់ដោយសារខ្យល់បក់ និងរលកបោកខ្លាំងដែលបណ្ដាលមកពីខ្យល់ព្យុះកាលពីសប្តាហ៍មុន” ។

លោកបានបន្ថែមថា កោះនេះមានស្នាមប្រេះជាច្រើន ខណៈដែលឧទ្យានជាតិនឹងធ្វើការវិភាគដើម្បីទប់ស្កាត់បញ្ហាស្រដៀងគ្នានេះនាពេលអនាគត ។ លោកបានបន្ថែមថា “ភ្ញៀវទេសចរគួរតែនៅឆ្ងាយពីតំបន់នោះ ព្រោះវាមានគ្រោះថ្នាក់ណាស់” ៕

ប្រែសម្រួលដោយ ៖ ជីវ័ន្ត

ប្រភព ៖ The Nation Thailand

ចុចអាន ៖ FBI និយាយថា អ៊ីរ៉ង់ និងរុស្ស៊ីមានព័ត៌មានអ្នកបោះឆ្នោតអាមេរិក

ចុចអាន ៖ ក្រសួងការបរទេសអាមេរិកយល់ព្រមលក់អាវុធដល់កោះតៃវ៉ាន់ក្នុងទំហំទឹកប្រាក់ជាង ១.៨ ពាន់លានដុល្លារ