ព្រលឹងចុងសក់! អ្នកទេសចរកំពុងដើរកម្សាន្តលើស្ពានកញ្ចក់កម្ពស់១០០ម៉ែត្រ ស្រាប់តែជួបរឿងរន្ធត់ សឹងអស់ជីវិត

អ្នកទេសចរម្នាក់ ត្រូវបានគេឃើញស្រវេស្រវាចាប់តោងដើម្បីជីវិតរបស់ខ្លួន បន្ទាប់ពីផ្ទាំងកញ្ចក់នៃស្ពានកម្ពស់១០០ម៉ែត្រក្នុងប្រទេសចិន ត្រូវបំផ្លាញដោយសារតែខ្យល់បក់ខ្លាំង។

ស្ពានកញ្ចក់ ដែលមានទីតាំងស្ថិតនៅលើភ្នំ Piyan ក្នុងទីក្រុង Longjing ត្រូវបានខ្យល់បក់បោក បំប៉ើងផ្ទាំងកញ្ចក់កាលពីថ្ងៃសុក្រ។

រូបភាពមួយត្រូវបានគេបង្ហោះ ដោយបង្ហាញពីបុរសម្នាក់កំពុងកាន់បង្កាន់ដៃស្ពាន។

យោងតាមប្រព័ន្ធផ្សព្វផ្សាយក្នុងស្រុកបានឲ្យដឹងថា បុរសរូបនោះបានជាប់នៅលើស្ពានមួយសន្ទុះ មុនពេលត្រូវបានជួយសង្គ្រោះដោយក្រុមពន្លត់អគ្គិភ័យនិងប៉ូលិស ហើយត្រូវបញ្ជូនទៅមន្ទីរពេទ្យ។

រូបថតនេះ ត្រូវបានបង្ហោះជាលើកដំបូងនៅលើបណ្តាញទំនាក់ទំនងសង្គមចិន Weibo ហើយចាប់តាំងពីពេលនោះមក វាត្រូវបានគេមើលរាប់លានដង។

រមណីយដ្ឋានភ្នំរបស់ប្រទេសចិន បានងាកមកសាងសង់ស្ពានកញ្ចក់ដ៏ពេញនិយម ដើម្បីជាមធ្យោបាយទាក់ទាញភ្ញៀវទេសចរ។

យោងតាមទស្សនាវដ្តី Earth បានចុះផ្សាយថា យ៉ាងហោចណាស់មានស្ពានកញ្ចក់៦០ ត្រូវបានសាងសង់ឬកំពុងត្រូវបានសាងសង់នៅទូទាំងប្រទេសគិតត្រឹមចុងឆ្នាំ២០១៦៕

ប្រែសម្រួលដោយ៖ Vann Vann

ប្រភព៖ NZ Herald

ចុចអាន៖ ជួប ជុំ ជប់ លៀង កក្រើក ប្រទេស អេស្ប៉ាញ ដើម្បី អបអរ ឈប់ បំរាម កូវីដ – ១៩