គីម ជុងអ៊ុន កំពុងរៀបផែនការមួយដើម្បីធ្វើតេស្តថាតើប្រធានាធិបតីថ្មីអាមេរិក ក្លាហានដែរឬក៏អត់

លោកគីមជុងអ៊ុនបានបាត់ខ្លួនជាថ្មីម្តងទៀតពីក្រសែភ្នែកសាធារណៈចំពេលមានការភ័យខ្លាចថា លោកមានគម្រោងធ្វើតេស្តភាពក្លាហានរបស់ប្រធានាធិបតីជាប់ឆ្នោតអាមេរិកតាមរយៈការបាញ់សាកល្បងកាំជ្រួចមីស៊ីល។

មេដឹកនាំកូរ៉េខាងជើងត្រូវបានគេរាយការណ៍ថា បានបាត់ខ្លួនរយៈពេល២០ថ្ងៃហើយ ខណៈគាត់អាចត្រៀមខ្លួនសម្រាប់សមាជបក្សសំខាន់ៗទាំងអស់ហើយចំពេលសហរដ្ឋអាមេរិកបានបោះឆ្នោតជ្រើសរើសប្រធានាធិបតីថ្មីដែលលោកគីមធ្លាប់ហៅថា “ឆ្កែឆ្កួត”។

វាមានអាថ៌កំបាំងខ្លាំងណាស់ថាតើហេតុអ្វីបានជាលោក គីម បាត់ខ្លួន។

ការបាត់ខ្លួនចុងក្រោយរបស់គាត់បានកើតឡើងចំពេលមានការអះអាងថា មេដឹកនាំកូរ៉េខាងជើងដែលធ្លាប់ហៅប្រធានាធិបតីអាមេរិកជាប់ឆ្នោតថា “ឆ្កែឆ្កួត” អាចនឹងរៀបចំការធ្វើតេស្តមីស៊ីលបង្កហេតុដើម្បីសាកល្បងសមត្ថភាពសត្រូវរបស់គាត់។

លោកគីមមានប្រវត្តិព្យាយាមសាកល្បងជាមួយប្រធានាធិបតីថ្មីៗនិងរបាយការណ៍ក្នុងតំបន់បាននិយាយថា គាត់មិនសប្បាយចិត្តទាល់តែសោះចំពោះការចាញ់ឆ្នោតរបស់លោក Trump ​ព្រោះអ្នកទាំងពីរបានកសាងទំនាក់ទំនងនឹងគ្នា។

អ្នកជំនាញផ្សេងទៀតក៏ជឿជាក់ផងដែរថា លោក គីម ប្រហែលជាអាចធ្វើតាមល្បិចចាស់របស់គាត់ហើយការបាត់ខ្លួនចុងក្រោយរបស់គាត់អាចបង្កឲ្យការភ័យខ្លាចកាន់តែខ្លាំងឡើងៗ៕

ប្រែសម្រួលដោយ៖ Vann Vann

ប្រភព៖ The Sun