ព័ត៌មានអន្ដរជាតិ

ពលរដ្ឋវៀតណាមនៅហាណូយ មិនពាក់ម៉ាស់ មិនអនុញ្ញាតឲ្យដើរហើរសេរីបានទៀតទេ

បានផុស

៤ years មុន

នៅ

ថ្ងៃសុក្រ ១៣ វិច្ឆិកា ២០២០

ដោយ

បើទោះជាស្ថានភាពកូវីដ ១៩ ក្នុងប្រទេសវៀតណាម ហាក់កំពុងធូរស្រាលខ្លាំង ដោយមិនមានករណីឆ្លងក្នុងសហគមន៍ប្រមាណជាង ២ខែក្តី ប៉ុន្តែរដ្ឋបាលក្រុងហាណូយ នៅតែការពារយ៉ាងតឹងរឹងដើម្បីប្រយុទ្ធប្រឆាំងជំងឺកូវិដ ១៩ ក្នុងប្រទេសខ្លួន ដោយបម្រាមនេះធ្វើឡើងពីសំណាក់ប្រធានបក្សប្រជាជនវៀតណាម ប្រចាំទីក្រុងហាណូយ លោក Ngo Van Quy។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយការដាក់ចេញនៅបម្រាមនេះដែរ អគ្គនាយក នៃនាយកដ្ឋានសុខាភិបាលក្រុងហាណូយ ប្រទេសវៀតណាម លោក Nguyen Khac Hien គ្រប់បណ្តាអ្នកគ្រប់គ្រងអាជីវកម្ម ទាំងផ្សារទំនើប ផ្សារធម្មតា កន្លែងស្នាក់នៅ ស្ថានីយរថយន្តក្រុង គឺមានតួលេខត្រួតពិនិត្យបញ្ញាត្តិនៃការពាក់ម៉ាស់នេះឲ្យបានខ្ជាប់ខ្ជួន។

ការអនុវត្តត្រូវគេចាប់ផ្តើមតាំងថ្ងៃពុធមកម្ល៉េះ ប៉ុន្តែមកទល់នឹងពេលនេះ ពលរដ្ឋវៀតណាម នៅតែមិនអនុវត្ត ដោយភាគច្រើនដើរហើរមិនពាក់ម៉ាស់នោះឡើយ ខណៈយោងតាមក្រុមត្រួតពិនិត្យការអនុវត្តបញ្ញត្តិ បាននិយាយថា អ្នកធ្វើដំណើរទាំងអស់ គឺពាក់ម៉ាស់តែពេលពួកគេឆ្លងកាត់កន្លែងត្រួតពិនិត្យប៉ុណ្ណោះ៕

ប្រែសម្រួល៖ សុភា
ប្រភព៖ Vietnam Insider

Related Topics:ប្រទេសវៀតណាម