ព័ត៌មានអន្ដរជាតិ
ក្រោយការវាយប្រហាររបស់ អ៊ីស្រាអែល ជិត ៣០ ដងលើតំបន់ហ្គាហ្សា អ្នកស្លាប់មានការកើនឡើងជាបន្តបន្ទាប់
ការវាយប្រហាររបស់អ៊ីស្រាអែលទៅលើតំបន់ហ្គាហ្សាស្ទ្រីប បានសម្លាប់ប្រជាជនប៉ាឡេស្ទីន ៨ នាក់បន្ថែមទៀតកាលពីថ្ងៃសៅរ៍ ដោយនាំឲ្យចំនួនអ្នកស្លាប់ឡើងដល់ទៅ ១៤៥ នាក់ ក្នុងនោះមានទាំងកុមារ និងស្ត្រីផងដែរ ។ នេះបើយោងតាមក្រសួងសុខាភិបាលរបស់តំបន់ហ្គាហ្សា ។

ចំណែកអ្នកស្លាប់សរុបដែលជាកុមារ និងស្ត្រីនៅក្នុងតំបន់ហ្គាហ្សា រហូតមកដល់ពេលនេះ រួមមានកុមារ ៤១ នាក់និងស្ត្រី ២២ នាក់ ខណៈចំនួនអ្នករងរបួសមានលើសពី ៩៥០ នាក់ ខណៈអ៊ីស្រាអែលមានអ្នកស្លាប់ ៩ នាក់ គិតចាប់តាំងពីថ្ងៃចន្ទមក ។
ទន្ទឹមនោះកងកម្លាំងអ៊ីស្រាអែលបានធ្វើការវាយប្រហារតាមអាកាសជិត ៣០ លើកចន្លោះល្ងាចថ្ងៃសុក្រ និងព្រឹកថ្ងៃសៅរ៍ ដោយសំដៅទៅភាគខាងជើងតំបន់ហ្គាហ្សា ។

ក្រសួងមូលដ្ឋានគ្រឹះ និងកិច្ចការសាសនារបស់តំបន់ហ្គាហ្សា បាននិយាយនៅក្នុងសេចក្តីថ្លែងការណ៍មួយថា វិហារឥស្លាម Kuleybu ត្រូវបានបំផ្លាញទាំងស្រុងនៅក្នុងការវាយប្រហារមួយ ខណៈការស្វែងរកមនុស្សបាត់ខ្លួននៅក្រោមគំនរបាក់បែកកំពុងដំណើរការ ។
បន្ថែមពីនេះ យន្តហោះចម្បាំងអ៊ីស្រាអែល បានបន្តការវាយប្រហារតាមអាកាសកាលពីថ្ងៃសុក្រនៅលើតំបន់ហ្កាហ្សាស្ទ្រីប ដែលបណ្តាលឲ្យខូចខាតយ៉ាងដំណំដល់អគារលំនៅដ្ឋាននៅទូទាំងតំបន់ដែលព័ទ្ធជុំវិញ ។

ស្របពេលជាមួយគ្នានេះដែរ ប្រជាជនប៉ាឡេស្ទីនចំនួន ១១ នាក់ក៏ត្រូវបានសម្លាប់កាលពីថ្ងៃសុក្រ នៅពេលដែលកម្លាំងអ៊ីស្រាអែលបានប៉ះទង្គិចជាមួយក្រុមបាតុករដើម្បីបំបែកការប្រមូលផ្តុំគ្នានៅក្នុងតំបន់មួយចំនួននៃតំបន់ West Bank ។
ភាពតានតឹងបានកើនឡើងខ្ពស់នៅសង្កាត់ Sheikh Jarrah នៃក្រុង Eastern Jerusalem និងនៅវិហារ Al-Aqsa និង Damascus Gate ចាប់តាំងពីការចាប់ផ្តើមនៃខែតមអាហាររបស់ប្រជាជនមូស្លីម នៅពេលដែលកម្លាំងអ៊ីស្រាអែល និងអ្នកតាំងលំនៅបានវាយប្រហារប្រជាជនប៉ាឡេស្ទីន ។

ក្រោយមកភាពតានតឹងបានផ្លាស់ប្តូរពីក្រុង East Jerusalem ទៅតំបន់ហ្គាហ្សា បន្ទាប់ពីក្រុមតស៊ូរបស់ប៉ាឡេស្ទីននៅទីនោះបានប្តេជ្ញាសងសឹកប្រឆាំងនឹងការវាយប្រហាររបស់អ៊ីស្រាអែលទៅលើវិហារ Al-Aqsa និង Sheikh Jarrah ប្រសិនបើពួកគេមិនត្រូវបានបញ្ឈប់ ។
គួររំឭកថា អ៊ីស្រាអែលបានកាន់កាប់ទីក្រុង East Jerusalem ជាកន្លែងដែលវិហារ Al-Aqsa ស្ថិតនៅក្នុងអំឡុងសង្គ្រាម អារ៉ាប់-អ៊ីស្រាអែលឆ្នាំ ១៩៦៧ ។ ទីក្រុងនេះបានបញ្ចូលទៅជាទីក្រុងទាំងមូលក្នុងឆ្នាំ ១៩៨០ ក្នុងចលនាមួយដែលមិនដែលបានទទួលស្គាល់ដោយសហគមន៍អន្តរជាតិ ៕

ប្រែសម្រួលដោយ ៖ ជីវ័ន្ត
ចុចអាន ៖ វីដេអូស្តែងៗ អ៊ីស្រាអែល បាញ់រ៉ុកកែតកម្ទេចអគារខ្ពស់បំផុតរបស់ ហ្គាហ្សា
ចុចអាន ៖ អាសូរគ្រួសារហ្គាហ្សាភ័យខ្លាចពេកមកដេកជុំគ្នារងការទម្លាក់គ្រាប់បែកពីអ៉ីស្រាអែល

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ