ព័ត៌មានអន្ដរជាតិ
ម្សិលមិញជាថ្ងៃថ្លុកឈាមបំផុត ៤២នាក់ស្លាប់ពីការវាយប្រហារអ៉ីស្រាអែលលើតំបន់ហ្គាហ្សា
ត្រឹមតែមួយថ្ងៃពោលគឺនៅថ្ងៃអាទិត្យ ទី១៦ ខែឧសភា ម្សិលមិញនេះ ជនជាតិប៉ាឡេស្ទីន៤២នាក់ត្រូវបានអ៉ីស្រាអែលសម្លាប់តាមរយៈការបាញ់រ៉ុក្កែត និងមីស៊ីលលើអគារបីកន្លែងនៅតំបន់ហ្គាហ្សា។
ក្នុងចំណោមជនរងគ្រោះបាត់បង់ជីវិត រូបភាពនៃសាកសពកុមារម្នាក់ត្រូវបានទាញចេញពីគំនរបាក់បែកពីការវាយប្រហារទៅលើអគាររបស់អ៉ីស្រាអែលនៅទីក្រុង ហ្គាហ្សា បានធ្វើឲ្យពិភពលោកមានរន្ធត់តក់ស្លុតយ៉ាងខ្លាំង។
តាមប្រភពសារព័ត៌មានផ្សាយថា ការវាយប្រហារតាមផ្លូវអាកាសរបស់អ៉ីស្រាអែលទៅលើទីតំបន់ហ្គាហ្សាបានបំផ្លាញអគារ៣កន្លែង និងហោចណាស់សម្លាប់មនុស្ស៤២នាក់ដែលបានក្លាយជាថ្ងៃថ្លុកឈាមបំផុតនាថ្ងៃអាទិត្យកន្លងទៅនេះ ចាប់តាំងពីការប្រយុទ្ធគ្នារវាង អ៉ីស្រាអែល និងសកម្មប្រយុទ្ធហាម៉ាសបានផ្ទុះឡើងកាលពីដើមសប្តាហ៍មុន។
ក្រសួងសុខាភិបាលហ្គាហ្សាបាននិយាយថា ស្ត្រី១៦នាក់ និងកុមារ១០នាក់ស្ថិតក្នុងចំណោមអ្នកដែលបានស្លាប់នៅថ្ងៃអាទិត្យ និងមនុស្សជាង៥០នាក់បានរបួស ហើយក្រុមជួយសង្គ្រោះនៅតែបន្តប្រតិបត្តិការស្វែងរកទៀត។
យោធាអ៉ីស្រាអែលបាននិយាយថា ខ្លួនបានបំផ្លាញលំនៅដ្ឋានរបស់មេដឹកនាំកំពូលហាម៉ាសនៅទីក្រុងហ្គាហ្សាឈ្មោះ Yahiyeh Sinwar នៅក្នុងការវាយប្រហារដាច់ដោយឡែកមួយនៅភាគខាងត្បូងទីប្រជុំជន Khan Younis។ នេះជាការវាយប្រងារទី៣ក្នុងរយៈពេល២ថ្ងៃចុងក្រោយទៅលើគេហដ្ឋានរបស់មេដឹកនាំហាម៉ាសជាន់ខ្ពស់។
អ៉ីស្រាអែលបានបង្កើនការវាយប្រហារក្នុងរយៈពេលប៉ុន្មានថ្ងៃចុងក្រោយនេះដើម្បីបង្កការខូចខាតទៅលើក្រុមហាម៉ាស ខណៈអ្នកសម្របសម្រួលអន្តរជាតិបានកំពុងព្យាយាមដើរតួនាទីកណ្តាលដើម្បីឲ្យឈប់បាញ់គ្នា។
ប៉ុន្តែការដាក់គោលដៅទៅលើមេដឹកនាំក្រុមទាំងនោះអាចរារាំងដល់កិច្ចខិតខំប្រែងទាំងនោះ។ អ្នកការទូតអាមេរិកម្នាក់ស្ថិតនៅក្នុងតំបន់កំពុងព្យាយាមកាត់បន្ថយភាពតានតឹង ហើយក្រុមប្រឹក្សាសន្តិសុខអង្គការសហប្រជាជាតិបានជួបប្រជុំនៅថ្ងៃអាទិត្យ។
ការផ្ទុះឡើងនូវហិង្សាបានចាប់ផ្តើមនៅភាគខាងកើតយេរូសាឡឹមកាលពីខែមុន នៅពេលជនជាតិប៉ាឡេស្ទីនបានតវ៉ា និងការប៉ះទង្គិចគ្នាជាមួយប៉ូលិសនៅក្នុងការឆ្លើយតបទៅនឹងប៉ូលិសអ៉ីស្រាអែលកំឡុងពេលពិធីបុណ្យរ៉ាម៉ាដន។
គោលដៅសំខាន់នៃការប៉ះទង្គិចគឺនៅទីគោរពបូជា Al-Aqsa Mosque របស់មូស្លីម និងជ្វីហ្វ។ ក្រុមសកម្មប្រយុទ្ធហាម៉ាសបានបាញ់រ៉ុក្កែតទៅលើយេរូសាឡឹមកាលពីថ្ងៃចន្ទសប្តាហ៍មុនដែលបណ្តាលឲ្យអ៉ីស្រាអែលវាយប្រហារទៅលើតំបន់ហ្គាហ្សាតែម្តង។
ការវាយប្រហារបានរាលដាលស្ទើរគ្រប់ទីកន្លែង បង្កឲ្យកើតមានការតវ៉ានៅតំបន់វេសប៊ែងដែលត្រូវបានកាន់កាប់ និងផ្ទុះហិង្សានៅអ៉ីស្រាអែលរវាងប្រជាជនជ្វីហ្វ និងអារ៉ាប់ ហើយមានការបំផ្លិចបំផ្លាញទ្រព្យសម្បត្តិថែមទៀត។
ចាប់តាំងពីការប្រយុទ្ធគ្នាជាងមួយសប្តាហ៍កន្លងទៅនេះ យ៉ាងហោចណាស់ ជនជាតិប៉ាឡេស្ទីន១៨៨នាក់ត្រូវបានសម្លាប់នៅតំបន់ហ្គាហ្សា ក្នុងនោះមានកុមារ៥៥នាក់ និងស្រី៣៣នាក់ ហើយរបួស១២៣០នាក់។ ជាមួយគ្នាមានមនុស្ស៨នាក់នៅអ៉ីស្រាអែលត្រូវបានសម្លាប់ មានទាំងកុមារអាយុ៥ឆ្នាំម្នាក់ និងទាហានម្នាក់៕
ប្រែសម្រួល៖ វីរបុត្រ
ប្រភព៖ AP
ផ្ទុះការរិះគន់ Sandara ធ្លាប់ទាក់ទងជាមួយប្រុសក្មេង មិនទាន់គ្រប់អាយុ
ការនាំចេញចេកអំបូងលឿងកម្ពុជា ថយចុះក្នុងរង្វង់ ៧ % កាលពីឆ្នាំ២០២៤
ជោគជ័យធំធេង! មិនដល់១សប្តាហ៍ផង សំបុត្រទស្សនា «ល្ខោនបាមោជ្ជទ័យ» លើកទី២ អស់គ្មានសល់
Vietjet និង OpenAirlines ចាប់ដៃគូដើម្បីបង្កើនប្រសិទ្ធភាពប្រើប្រាស់ឥន្ធនៈក្នុងការហោះហើរ ដោយប្រើបច្ចេកវិទ្យា AI
កម្ពុជា អាចជំនួសនៅពាន Asian Cup បើ FIFA ព្យួរ ប៉ាគីស្ថាន តម្កល់ទុក
ភ្លើងឆេះព្រៃលើភ្នំសំពៅ បង្ខំឲ្យព្រះសង្ឃជម្លៀសព្រះកាយចេញរកកន្លែងសុវត្ថិភាព
អ្នកនាំពាក្យ បញ្ជាក់ពីស្ថានភាពអ្នករងរបួសក្នុងហេតុការណ៍ឆេះក្លឹបកម្សាន្ដ មីតណាយព្រីមៀរ កាលពីម្សិលមិញ
មនុស្សស្និទ្ធនឹង កឹម សុខា សង្ស័យលើការសារភាពរបស់លោក សេង សារី
ផ្សារក្រមួន យូណាយ អាជីវករធ្លាប់លក់តែមួយព្រឹក ពេលនេះលក់ពេញមួយថ្ងៃ ពលរដ្ឋថា ពិបាកធ្វើដំណើរ
អភិបាលរងរាជធានី ស្នើឱ្យសមត្ថកិច្ច និងម្ចាស់ខុនដូរ អាផាតមិន សណ្ឋាគារ ផ្ទះសំណាក់ និងផ្ទះជួល សហការគ្នា គ្រប់គ្រងវត្តមានជនបរទេសឱ្យបានល្អ
-
សន្តិសុខសង្គម២ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៦ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម៧ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៧ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៦ ថ្ងៃ agoធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?
-
ព័ត៌មានអន្ដរជាតិ៣ ថ្ងៃ agoត្រាំ តម្រូវឲ្យអ៊ុយក្រែន យកធនធានរ៉ែកម្រមកដោះដូរ បើចង់បានជំនួយអាមេរិក តទៀត