ព័ត៌មានអន្ដរជាតិ

អ៊ីស្រាអែល ដាក់មីស៊ីល ២ គ្រាប់ទៀត បំផ្លាញមណ្ឌលសុខភាពនៅតំបន់ហ្គាហ្សា ខ្ទេចស្ទើរគ្មានសល់ មិនឲ្យព្យាបាលអ្នករងរបួស

បានផុស

៤ years មុន

នៅ

ថ្ងៃចន្ទ ១៧ ឧសភា ២០២១

ដោយ

សេចក្តីថ្លែងការណ៍ផ្លូវការ មួយបាននិយាយថា ប្រទេសអ៊ីស្រាអែល នៅតែបន្តការវាយតាមអាកាសរបស់ខ្លួន ដោយបានទម្លាក់មីស៊ីល ២ គ្រាប់ទៀត ទៅលើមណ្ឌលសុខភាពមួយកន្លែង នៅតំបន់ហ្គាហ្សា ប៉ុន្តែមិនទាន់មានសេចក្ដីរាយការណ៍ពីការស្លាប់ និងរងរបួសឡើយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមក្រសួងសុខាភិបាលប៉ាឡេស្ទីន នៅតំបន់ហ្គាហ្សា បានឲ្យដឹងថា មីស៊ីលទាំងនោះ បានវាយប្រហារទៅលើមណ្ឌលសុខភាព Al-Daraj Martyrs ដែលបណ្ដាលឲ្យខូចខាតយ៉ាងធ្ងន់ធ្ងរ ដល់រចនាសម្ព័ន ស្ទើរតែទាំងស្រុង ។

ទន្ទឹមនោះ សេចក្តីថ្លែងការណ៍ បានអំពាវនាវឲ្សហគមន៍អន្តរជាតិ ធ្វើអន្តរាគមន៍ដើម្បីការពារស្ថាប័នសុខាភិបាល និងបុគ្គលិកពេទ្យ និងដើម្បីទទួលខុសត្រូវចំពោះសកម្មភាពរបស់អ៊ីស្រាអែល ។

បន្ថែមពីនេះ ការវាយប្រហារតាមផ្លូវអាកាស របស់អ៊ីស្រាអែលកាលពីចុងសប្តាហ៍កន្លងទៅនេះ ក៏បានបំផ្លាញអគារខ្ពស់ត្រដែតមួយផងដែរ ដែលត្រូវបានគេដឹងថា ជាការិយាល័យទីភ្នាក់ងារសារព័ត៌មានអន្តរជាតិ AP ក៏ដូចជាការិយាល័យសារព័ត៌មាន Al-Jazeera និងការិយាល័យក្រុមហ៊ុនមួយចំនួនទៀតខ្ចេចអស់នៅតំបន់ ហ្គាហ្សា ។

គួរបញ្ជាក់ថា ភាពតានតឹង បានរាលដាលពីក្រុង East Jerusalem ទៅដល់តំបន់ហ្គាហ្សា បន្ទាប់ពីក្រុមតស៊ូរបស់ប៉ាឡេស្ទីននៅទីនោះ បានប្តេជ្ញាសងសឹកប្រឆាំងនឹង ការវាយលុករបស់អ៊ីស្រាអែល មកលើវិហារ Al-Aqsa និងសង្កាត់ Sheikh Jarrah ៕