ព័ត៌មានអន្ដរជាតិ
ប្រធានាធិបតីទួរគី ថ្កោលទោស លោក Biden ចំពោះការយល់ព្រមលក់អាវុធឲ្យ អ៊ីស្រាអែល ហើយថា អាមេរិកកំពុងសរសេរប្រវត្តិសាស្ត្រទាំងដៃហូរឈាម
ប្រធានាធិបតីទួរគីលោក Tayyip Erdogan កាលពីថ្ងៃចន្ទ បានរិះគន់ការអនុម័ត របស់លោកប្រធានាធិបតីអាមេរិក Joe Biden ក្នុងការលក់អាវុធទៅឲ្យអ៊ីស្រាអែល ដោយលោកនិយាយថា សហរដ្ឋអាមេរិកកំពុងសរសេរប្រវត្តិសាស្ត្រ ទាំងដៃហូរឈាម ដោយយោងទៅលើអំពើហិង្សារវាងអ៊ីស្រាអែល និងប៉ាឡេស្ទីន ។

ថ្លែងបន្ទាប់ពីកិច្ចប្រជុំគណៈរដ្ឋមន្រ្តី នៅរដ្ឋធានីអង់ការ៉ា លោក Erdogan បាននិយាយថា “សហរដ្ឋអាមេរិកកំពុងសរសេរប្រវត្តិសាស្ត្រ ទាំងដៃហូរឈាម នៅក្នុងព្រឹត្តិការណ៍ នៃការវាយប្រហារយ៉ាងធ្ងន់ធ្ងរ លើតំបន់ហ្គាហ្សា ដែលបានធ្វើឲ្យមនុស្សរាប់រយរាប់ពាន់នាក់កំពុងរងគ្រោះ” ។

គួររំឭកថា រដ្ឋបាលលោក Joe Biden បានអនុម័តលើការលក់អាវុធ ក្នុងទំហំទឹកប្រាក់ចំនួន ៧៣៥ លានដុល្លារ ទៅឲ្យអ៊ីស្រាអែល ចំពេលការវាយប្រហារកំពុងបន្តរបស់ទីក្រុង Tel Aviv ទៅលើតំបន់ហ្គាហ្សាស្ទ្រីប ។

ទន្ទឹមនោះ ការអនុម័តនេះក៏ត្រូវបានធ្វើឡើង ចំពេលមានការរិះគន់កាន់តែខ្លាំង ចំពោះការបណ្តេញប្រជាជនប៉ាឡេស្ទីន តាមការគ្រោងទុករបស់អ៊ីស្រាអែល ចេញពីទីក្រុង East Jerusalem និងការវាយឆ្មក់ម្តងហើយម្តងទៀត លើវិហារឥស្លាម Al-Aqsa ដែលជាទីសក្ការៈទី ៣ របស់សាសនាឥស្លាម ៕

ប្រែសម្រួលដោយ ៖ ជីវ័ន្ត
ប្រភព ៖ CGTN

-
ព័ត៌មានអន្ដរជាតិ៥ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ១៦ ម៉ោង ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ១៦ ម៉ោង ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
សន្តិសុខសង្គម៦ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៥ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ចរាចរណ៍១ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល