ព័ត៌មានអន្ដរជាតិ
មេដឹកនាំអ៉ីស្រាអែលអះអាងថា ការវាយប្រហារ៩ថ្ងៃធ្វើឲ្យក្រុមហាម៉ាសបង្កើតឡើងវិញរាប់ឆ្នាំ
លោកនាយករដ្ឋមន្ត្រីអ៉ីស្រាអែល Benjamin Netanyahu បាននិយាយថា ការវាយប្រហារតាមផ្លូវអាកាសដោយទម្លាក់គ្រាប់បែករយៈពេល៩ងថ្ងៃជាប់គ្នាកន្លងទៅនេះលើតំបន់ហ្គាហ្សាធ្វើឲ្យក្រុមហាម៉ាសត្រូវបានបង្កើតឡើងវិញរាប់ឆ្នាំឯណោះ។
កម្មករកសិដ្ឋានបរទេស២នាក់ត្រូវបានសម្លាប់ដោយគ្រាប់រ៉ុក្កែតរបស់សកម្មប្រយុទ្ធប៉ាឡេស្ទីនចូលទៅតំបន់ភាគខាងត្បូងប្រទេសអ៉ីស្រាអែលកាលពីថ្ងៃអង្គារ៍។ ចំណែកអ៉ីស្រាអែលនៅតែបន្តវាយប្រហារតាមផ្លូវអាកាសលើតំបន់ហ្គាហ្សា ហើយនៅតំបន់វេសប៊ែង ហោចណាស់ជនជាតិប៉ាឡេស្ទីន៣នាក់ត្រូវបានប៉ូលិសអ៉ីស្រាអែលសម្លាប់កំឡុងពេលធ្វើការតវ៉ានៅជិត Ramallah។
កិច្ចខិតខំប្រឹងការទូតដើម្បីបញ្ឈប់ហិង្សាដំណើរការជោគជ័យតិចតួចប៉ុណ្ណោះ។ ប្រទេសបារាំងបានដាក់ចេញនូវសេចក្តីព្រាងដំណោះស្រាយជាមួយក្រុមប្រឹក្សាសន្តិសុខអង្គការសហប្រជាជាតិ ដោយមានសហសម្របសម្រួលពីប្រទេសអេហ្ស៊ីប និងហ្សក់ដានីដើម្បីអំពាវនាវឲ្យមានកិច្ចឈប់បាញ់គ្នា។
នៅព្រឹកថ្ងៃអង្គារ៍ អ៉ីស្រាអែលបានបើកច្រកព្រំដែនចូលក្នុងតំបន់ហ្គាហ្សាបានរយៈពេលខ្លីដើម្បីអនុញ្ញាតឲ្យក្បួនជំនួយចូល។ ទោះបីជាយ៉ាងណា ច្រកត្រូវបានបិទវិញ បន្ទាប់ពីមានការផ្ទុះអាវុធ និងគ្រាប់រ៉ុក្កែតប៉ាឡេស្ទីន។
តើលោក Netanyahu និយាយអ្វី?
លោកនាយករដ្ឋមន្ត្រី Netanyahu និយាយថា ហាម៉ាស ដែលជាក្រុមសកម្មប្រយុទ្ធប៉ាឡេស្ទីនដែលគ្រប់គ្រងតំបន់ហ្គាហ្សា មានឥរិយាបថហួសពីការរំពឹងទុក និងថា ប្រតិបត្តិការនៅតែបន្តបរាបណាខ្លួនមិនទាន់ស្តារភាពស្ងប់ស្ងាត់ឲ្យពលរដ្ឋអ៉ីស្រាអែលទាំងអស់។
យោងតាមក្រសួងសុខាភិបាលហ្គាហ្សាបានឲ្យដឹងថា យ៉ាងហោចណាស់ជនជាតិប៉ាឡេស្ទីន២១៥នាក់ត្រូវបានសម្លាប់ក្នុងនោះស្ត្រីនិងកុមារប្រហែល១០០នាក់នៅហ្គាហ្សា។ ចំណែកនៅអ៉ីស្រាអែលមានមនុស្ស១២នាក់បានស្លាប់ ក្នុងនោះមានកុមារ២នាក់។
នៅថ្ងៃអង្គការអ៉ីស្រាអែលបាននិយាយថា ហោចណាស់ សកម្មប្រយុទ្ធ១៥០នាក់ក្នុងចំណោមមនុស្សដែលត្រូវបានសម្លាប់នៅហ្គាហ្សា។ ចំណែកក្រុមហាម៉ាសមិនបានបង្ហាញតួលេខនៃការស្លាប់របស់ខ្លួនឡើយ។ អ៉ីស្រាអែលបានប៉ាន់ស្មានថា ការចាប់ផ្តើមជម្លោះ ក្រុមសកម្មប្រយុទ្ធប៉ាឡេស្ទីនទាំងពីរមានឃ្លាំងផ្ទុកអាវុធប្រហែលជារ៉ុក្កែត១២០០០គ្រាប់នៅហ្គាហ្សា។
តើមានអ្វីកើតឡើងនៅវេសប៊ែង?
ពលរដ្ឋប៉ាឡេស្ទីនជាច្រើននៅតំបន់វេសប៊ែង និងយេរ៉ូសាឡឹមខាងកើតដែលត្រូវបានត្រួតត្រាបានផ្ទុះឡើងការតវ៉ាទ្រង់ទ្រាយធំប្រឆាំងនឹងការទម្លាក់គ្រាប់បែករបស់អ៉ីស្រាអែលលើតំបន់ហ្គាហ្សា។ តំបន់ជាច្រើននៅអ៉ីស្រាអែលដែលមានជនជាតិអារ៉ាប់ភាគច្រើនក៏ចូលរួមបាតុកម្មដែរ។
សេវាកម្មសាធារណៈ សាលារៀន និងអាជីវកម្មជាច្រើនត្រូវបានបិទ។
ការប៉ះទង្គិចគ្នាជាច្រើនកន្លែង។ នៅទីប្រជុំជន Ramallah នៃវេសប៊ែង ប៉ូលិសអ៉ីស្រាអែលនិយាយថា ពួកគេបានបង្ក្រាប និងរងការវាយប្រហារវិញកំឡុងពេលកូដកម្ម។ ក្រសួងសុខាភិបាលឲ្យដឹងថា ពលរដ្ឋប៉ាឡេស្ទីន៣នាក់ត្រូវបានសម្លាប់នៅនឹងកន្លែង និងរបួសច្រើននាក់។
តើមានអ្វីកើតឡើងនៅតំបន់ព្រំដែន?
នៅព្រឹកថ្ងៃអង្គារ៍ អ៉ីស្រាអែលបានបើកព្រំដែន Kerem Shalom ដើម្បីអនុញ្ញាតឲ្យជំនួយចូលតំបន់ហ្គាហ្សា។ អង្គការសហប្រជាជាតិបានស្វាគមន៍ចំពោះការសម្រេចចិត្តនេះ ប៉ុន្តែក៏បានជំរុញឲ្យអ៉ីស្រាអែលបើកច្រកសំខាន់ Erez ដែរ ដែលអាចផ្តល់ឲ្យបុគ្គលិកមនុស្សធម៌ ក៏ដូចជាជំនួយផ្សេងៗបានចូលទៅ។
ទោះបីជាយ៉ាងណា ក្បួនរថយន្តដឹកជំនួយចូលតំបន់ហ្គាហ្សា ក៏ស្រាប់តែសកម្មប្រយុទ្ធប៉ាឡេស្ទីនបានបាញ់គ្រាប់ត្បាល់ទៅលើតំបន់នោះ។ ជនជាតិថៃពីរនាក់ដែលធ្វើការនៅកសិដ្ឋានមួយចម្ងាយ១៤គីឡូម៉ែត្រពីព្រំដែនត្រូវបានសម្លាប់។ ជាលទ្ធផល អ៉ីស្រាអែលបានបិទច្រកនោះវិញ។
ជាមួយគ្នានេះ ច្រកព្រំដែន Rafah ជាមួយប្រទេសអេហ្ស៊ីប ដែលជាច្រកតែមួយគត់ចូលទៅតំបន់ហ្គាហ្សាមិនត្រូវបានគ្រប់គ្រងដោយអ៉ីស្រាអែលទេ។ ក្បួនរថយន្តដាច់ដោយឡែន១៥គ្រឿងបានដឹកប្រេងឥន្ទនៈ និងចំណីអាហារ ក៏ដូចជាវេជ្ជសាស្ត្រចូលទៅតំបន់ហ្គាហ្សា។
ទីភ្នាក់ងារមនុស្សធម៌អង្គការសហប្រជាជាតិ Ocha បាននិយាយថា មនុស្ស៥២០០០នាក់នៅហ្គាហ្សាត្រូវបានជម្លៀសចេញ ក្នុងនោះមាន៤៧០០០នាក់ភៀសខ្លួនទៅសាលារៀន UN៕
ប្រែសម្រួល៖ វីរបុត្រ
ប្រភព៖ BBC
រដ្ឋមន្ត្រីសុខាភិបាល និងរដ្ឋមន្ត្រីការងារ ស្នើឱ្យកម្មករ និងពលរដ្ឋឈប់ពិសាភេសជ្ជៈផ្អែមប៉ូវកម្លាំង
អ្នករងរបួសដោយអគ្គិភ័យ ឆេះក្លិបកម្សាន្ដ មីតណាយព្រីមៀរ ៥នាក់ ទទួលបានថវិកាពីអភិបាលរាជធានីភ្នំពេញ
បុរសធ្លាប់ជាប់ពន្ធនាគារព្រោះកូនឆ្កែ បានក្លាយជាម្ចាស់ហាងនំប៉័ង ព្រោះទឹកចិត្តសណ្ដោសរបស់សម្ដេចតេជោ
ពលរដ្ឋកម្ពុជាថ្កោលទោស ស៊ន តារា ដែលកំពុងវង្វេងប្រវត្តិសាស្រ្តដោយលើកឡើងថា “អាមេរិកមិនដែលទម្លាក់គ្រាប់បែកសម្លាប់ខ្មែរ”
អ្នកនាំពាក្យ ថា មានអ្នកជាប់កាតព្វកិច្ច៧រូបមិនទាន់មកប្រកាសទ្រព្យសម្បត្តិ និងបំណុល
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
ត្រាំ ស៊ីញេ ដកអាមេរិក ចេញពីក្រុមប្រឹក្សាសិទ្ធិមនុស្ស UN
បុរសធ្លាប់ជាប់ពន្ធនាគារព្រោះកូនឆ្កែ បានក្លាយជាម្ចាស់ហាងនំប៉័ង ព្រោះទឹកចិត្តសណ្ដោសរបស់សម្ដេចតេជោ
ត្រាំ ផ្ដែផ្ដាំទីប្រឹក្សាថា បើអ៊ីរ៉ង់ធ្វើឃាតលោក ត្រូវកម្ទេចអ៊ីរ៉ង់ឲ្យម៉ត់ដូចផេះ
-
សន្តិសុខសង្គម១១ ម៉ោង agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១១ ម៉ោង agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៤ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៦ ថ្ងៃ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៥ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៥ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានអន្ដរជាតិ១ សប្តាហ៍ agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ជីវិតកម្សាន្ដ៤ ថ្ងៃ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច