ព័ត៌មានអន្ដរជាតិ
Microsoft មានភស្តុតាងបញ្ជាក់ក្រុម Hacker រុស្ស៊ី និងកូរ៉េខាងជើង ព្យាយាមលួចទិន្នន័យវ៉ាក់សាំងកូវីដ១៩
ក្រុមហ៊ុនយក្ស Microsoft បានរកឃើញភស្តុតាងបញ្ជាក់ថា ក្រុម Hacker ជាច្រើនគាំទ្រដោយរុស្ស៊ី និងកូរ៉េខាងជើង កំពុងព្យាយាមលួចទិន្នន័យពីក្រុមហ៊ុនវេជ្ជសាស្ត្រ និងក្រុមអ្នកស្រាវជ្រាវ ដែលកំពុងធ្វើការពាក់ព័ន្ធកម្មវិធីអភិវឌ្ឍវ៉ាក់សាំង និងថ្នាំព្យាបាលជំងឺកូវីដ ១៩។
ឈ្មោះរបស់ក្រុម Hacker ទាំងនោះ ត្រូវ Microsoft អះអាងភាគច្រើនជាប់ក្នុងបញ្ជីខ្មៅរបស់រដ្ឋាភិបាលអាមេរិក ប៉ុន្តែមិនអនុញ្ញាតឲ្យប្រកាសជាសាធារណៈឡើង ដោយថែមទាំងនិយាយថា Microsoft អាចត្រឹមបញ្ចេញទិន្នន័យមួយចំនួនដែលរដ្ឋាភិបាលអនុញ្ញាតឲ្យបញ្ចេញប៉ុណ្ណោះ។
ក្រុមហ៊ុនបច្ចេកវិទ្យាយក្សនៅអាមេរិកមួយនេះ បញ្ជាក់ថា ក្រុមហ៊ុនចំនួន ៧ សុទ្ធកំពុងត្រូវគេចូលលួចទិន្នន័យ ប៉ុន្តែភាគច្រើនបរាជ័យ ហើយអ្នកឃ្លាំមើលក្រុម Hacker ទាំងនោះជឿថា មានឯកសារមួយចំនួនត្រូវគេលួច គ្រាន់តែមិនទាន់ដឹងថា ឯកសារទាំងនោះសំខាន់សម្រាប់ការស្រាវជ្រាវ ឬយ៉ាងណានៅឡើយ។
ក្រុម Hacker ធំៗគាំទ្រដោយរុស្ស៊ី និងកូរ៉េខាងជើង ត្រូវគេអះអាងមានទាំង ៧ក្រុម កំពុងសម្ងំក្នុងសហរដ្ឋអាមេរិក កាណាដា កូរ៉េខាងត្បូង បារាំង និងឥណ្ឌា។
ចាប់តាំងពីមានការផ្ទុះរាតត្បាតវិបត្តិកូវីដ ១៩ មក ទាំងក្រុម Hacker របស់ប្រទេសចិន និងរុស្ស៊ី សុទ្ធតែត្រូវអាមេរិកអះអាង បានចូលលួចទិន្នន័យក្នុងមជ្ឈមណ្ឌលស្រាវជ្រាវ និងទិន្នន័យមន្ទីរពេទ្យ ដោយ Microsoft បញ្ជាក់ច្បាស់ថា ក្រុមរបស់រុស្ស៊ី មានឈ្មោះ Strontium គេស្គាល់ថា Fancy Bear ធ្លាប់ចូលលួចទិន្នន័យរបស់គណៈកម្មាធិការជាតិប្រជាធិបតេយ្យ នៅអាមេរិក អំឡុងពេលបោះឆ្នោតប្រធានាធិបតីឆ្នាំ ២០១៦ ខណៈក្រុមរបស់កូរ៉េខាងជើង គេស្គាល់ថា Lazarus ធ្លាប់ចូលលួចទិន្នន័យរបស់ឧស្សាហកម្មកម្សាន្តយក្ស Sony និងក្រុម WannaCry ធ្លាប់ចូលបំផ្លាញទិន្នន័យរបស់ប្រព័ន្ធសុខាភិបាលអង់គ្លេស។
នៅមានក្រុម Hacker របស់កូរ៉េខាងជើងមួយទៀត កំពុងព្យាយាមលួចទិន្នន័យវ៉ាក់សាំងកូវីដ ១៩ ដោយ Microsoft បញ្ជាក់ថាឈ្មោះ Cerium៕
ប្រែសម្រួល៖ សុភា
ប្រភព៖ Vietnam Insider
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៩ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ