អ្នកជំនាញ៖ គ្រប់វ៉ាក់សាំងកូវីដ-១៩របស់ចិន សុទ្ធតែមានសមត្ថភាពការពារវីរុសបំប្លែងខ្លួន Delta

ការស្រាវជ្រាវថ្មីបង្ហាញថា វ៉ាក់សាំងផលិតនៅប្រទេសចិនទាំងអស់មានប្រសិទ្ធភាព ប្រឆាំងនឹងវីរុសបំប្លែងខ្លួន Delta ដែលរកឃើញដំបូងនៅក្នុងប្រទេសឥណ្ឌា។ នេះបើតាមការដកស្រង់សម្ដីពីលោក Shao Yiming អ្នកជំនាញមកពីមជ្ឈមណ្ឌលត្រួតពិនិត្យនិងបង្ការជំងឺឆ្លងរបស់ប្រទេសចិន។

លោក Shao Yiming ថ្លែងនៅក្នុងសន្និសីទសារព័ត៌មានមួយថា ក្រុមអ្នកស្រាវជ្រាវចិនបានចាប់ផ្តើមសិក្សានិងប្រមូលទិន្នន័យលើវីរុសបំប្លែងខ្លួនឥណ្ឌាដែលគេជឿថា វាមានផ្ទុកមេរោគច្រើនជាងវីរុសកូវីដ-១៩។

លទ្ធផលបឋមបង្ហាញថា វ៉ាក់សាំងដែលកំពុងប្រើសព្វថ្ងៃនៅតែមានប្រសិទ្ធភាពប្រឆាំងនឹងវីរុសបំប្លែងខ្លួនឥណ្ឌា ក៏ដូចជាវីរុសបំប្លែងខ្លួនផ្សេងទៀតផងដែរ។

ត្បិតតែវីរុសកូរ៉ូណាដែលបង្កឱ្យមានជំងឺកូវីដ-១៩ កំពុងកម្លាយថ្មីឥតឈប់ឈរ ហើយទោះបីជាវីរុសបំប្លែងខ្លួនទាំងនោះកំពុងលេចឡើងច្រើនក៏ដោយ ក៏វ៉ាក់សាំងប្រទេសចិនមានកម្រិតប្រសិទ្ធភាពនិងសមត្ថភាពក្នុងការឆ្លើយតបជាមួយវាយ៉ាងឆាប់រហ័ស។ លោក Shao Yiming បន្ថែមថា ដំណើរការផលិតវ៉ាក់សាំងបច្ចុប្បន្នបានបំពេញតាមស្ដង់ដារគ្រប់គ្រាន់ ដូច្នេះមិនចាំបាច់ផលិតវ៉ាក់សាំងថ្មីដើម្បីប្រឆាំងវីរុសបំប្លែងខ្លួនទេ៕

ប្រែសម្រួល៖ សន្យា

ប្រភព៖ NATION THAILAND

ចុចអាន៖ លោក​ជំទាវ ឱ វណ្ណឌីន ប្រាប់ឱ្យអ្នកចាក់វ៉ាក់សាំងរួចរក្សាទុកកាតកុំឱ្យបាត់

ចុចអាន៖ WHO បញ្ជាក់ច្បាស់ៗថា វ៉ាក់សាំងកូវីដ ដែលខ្លួនអនុម័ត មានប្រសិទ្ធិភាពប្រឆាំងនឹងវីរុសបំប្លែងខ្លួនគ្រប់ប្រភេទទាំងអស់