ព័ត៌មានអន្ដរជាតិ

WHA ផ្តោតសំខាន់លើការបញ្ចប់កូវីដ-១៩ និងការត្រៀមខ្លួនសម្រាប់ជំងឺឆ្លងបន្ទាប់

បានផុស

៤ years មុន

នៅ

ថ្ងៃអង្គារ ២៥ ឧសភា ២០២១

ដោយ

មហាសន្និបាតសុខភាពពិភពលោក (WHA) លើកទី៧៤បានចាប់ផ្តើមនៅថ្ងៃចន្ទម្សិលមិញដោយផ្តោតសំខាន់លើភាពបន្ទាន់នៃការបញ្ចប់ការរាតត្បាតកូវីដ-១៩ និងការការពារសម្រាប់វីរុសឆ្លងបន្ទាប់តាមរយៈការបង្កើតពិភពលោកដែលមានសុខភាពកាន់តែល្អ សុវត្ថិភាពជាងមុន និងត្រឹមត្រូវ។

យោងតាមស្ថិតិរបស់អង្គការសុខភាពពិភពលោក (WHO) បានបង្ហាញថា រយៈពេលជាងមួយឆ្នាំ កូវីដ-១៩បានកើនឡើងជាសកលដល់៤០ដងនៃការឆ្លងដល់មនុស្សជាង១៦០លាននាក់ និងករណីស្លាប់កើនដល់១១ដងដែលបានផ្តាច់ជីវិតមនុស្សជាង៣លាននាក់។

នៅពេល កូវីដ-១៩បន្តគំរាមកំហែងដល់សុខភាព និងសុខមាលភាពមនុស្ស មហាសន្និបាតសុខភាពពិភពលោករយៈពេល៩ថ្ងៃត្រូវបានគេរំពឹងថា ផ្តោតជាចម្បងលើការត្រៀមបង្ការ និងការឆ្លើយចំពោះការរីករាលដាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងសន្ទរកថាបើកមហាសន្និបាត WHA អគ្គនាយក WHO លោក Tedros Adhanom Ghebreyesus បានអំពាវនាវឲ្យរដ្ឋជាសមាជិកត្រូវចាក់វ៉ាក់សាំងដល់ប្រជាជនរបស់ខ្លួនហោចណាស់បាន១០%នៅត្រឹមខែកញ្ញា និងឲ្យបាន៣០%ត្រឹមបំណាច់ឆ្នាំ២០២១ ដែលមានន័យថា វ៉ាក់សាំង២៥០លានដូសដល់មនុស្សក្នុងប្រទេសចំណូលទាប និងមធ្យមត្រឹមរយៈពេល៤ខែប៉ុណ្ណោះ។

លោកបានជំរុញឲ្យបណ្តាប្រទេសចែករំលែកវ៉ាក់សាំងរបស់ខ្លួនឥឡូវនេះ និងឲ្យបានលឿនដល់កម្មវិធី COVAX ដែលជាគម្រោងអន្តរជាតិរៀបចំដោយ WHO សម្រាប់ការចែកចាយវ៉ាក់សាំងការពារកូវីដ-១៩ដល់ប្រទេសទូទាំងពិភពលោក។

លោកប្រធាន WHO ក៏បានគូសបញ្ជាក់ថា ការអនុវត្តនៃបទប្បញ្ញត្តិសុខភាពអន្តរជាតិមិនស៊ីសង្វាក់គ្នាទេ ហើយមិនបានឈានដល់កម្រិតនៃការប្តេជ្ញាចិត្ត និងសកម្មភាពត្រូវការកំឡុងពេលកូវីដ-១៩។

លោកថា ៖«កត្តាជំរុញធំបំផុតមួយនៃកូវីដ-១៩គឺកង្វះសាមគ្គី និងការចែករំលែកជាអន្តរជាតិ។ យើងអាចត្រឹមតែដោះស្រាយចំពោះបញ្ហាទន់ខ្សោយជាមូលដ្ឋានជាមួយនឹងការប្តេជ្ញាចិត្តជាប់កាតព្វកិច្ចរវាងប្រទេសដើម្បីផ្តល់គ្រឹះរឹងមាំសម្រាប់ការបង្កើនកិច្ចសហប្រតិបត្តិការ។ សន្ធិសញ្ញាស្តីពីការត្រៀមបង្ការ និងការឆ្លើយជំងឺឆ្លងដែលអាចដោះស្រាយបញ្ហាប្រឈមត្រូវបានលើកឡើង»។

មុនពេលមហាសន្និបាត WHA ធ្វើឡើង របាយការណ៍ជាច្រើននៃការត្រួតពិនិត្យ និងអនុសាន៍របស់គណៈកម្មាធិការ និងក្រុមរបស់ WHO ត្រូវបានបោះពុម្ពផ្សាយ រាប់បញ្ចូលទាំងរបាយការណ៍ចម្បងរបស់ក្រុមឯករាជ្យសម្រាប់ការត្រៀមបង្ការ និងការឆ្លើយតបជំងឺឆ្លង។

ក្រុមដែលត្រូវបានអគ្គនាយក WHO បានសន្និដ្ឋានថា កូវីដ-១៩ គឺជាគ្រោះមហន្តរាយដែលអាចការពារបាន និងថា មានចំណុចខ្សោយនៅគ្រប់ចំណុចទាំងអស់នៅក្នុងខ្សែសង្វាក់នៃការត្រៀមបង្ការ និងការឆ្លើយតប។ ក្រុមក៏បានជំរុញឲ្យមានប្រព័ន្ធអន្តរជាតិថ្មីមួយសម្រាប់ត្រៀមបង្ការ និងការឆ្លើយជំងឺឆ្លងដើម្បីនបញ្ឈប់ជំងឺឆ្លងដែលអាចផ្ទុះនាពេលអនាគត។

របាយការណ៍ផ្សេងទៀតគឺគណៈកម្មាធិការត្រួតពិនិត្យស្តីពីមុខងារនៃបទប្បញ្ញត្តិសុខភាពអន្តរជាតិ ២០០៥ (IHR)កំឡុងពេលការឆ្លើយតបកូវីដ-១៩បានលើកឡើងថា រដ្ឋជាសមាជិក WHO ខ្វះការអនុវត្តតាមកាតព្វកិច្ចជាក់លាក់ដែលស្ថិតក្រោម IHR ជាពិសេសការត្រៀមបង្ការ ដែលបានធ្វើឲ្យកូវីដ-១៩រាលដាលក្លាយជាអាសន្នសុខភាពពិភពលោក។

ទន្ទឹមជាមួយគ្នានេះ គណៈកម្មាធិការត្រួតពិនិត្យ និងពិគ្រោះយោបល់ឯករាជ្យសម្រាប់កម្មវិធីសុខភាពអាសន្នរបស់ WHO បានណែនាំនៅក្នុងរបាយការណ៍របស់ខ្លួនថា WHO ត្រូវពង្រីកកិច្ចខិតខំប្រឹងប្រែងរបស់ខ្លួនដើម្បីនាំមកនូវជំងឺឆ្លងរាតត្បាតស្ថិតក្រោមការគ្រប់គ្រងដែលវិធីសាស្ត្រពិភពលោកទាំងមូលផ្អែកលើពហុភាគីនិយមត្រូវតែយកមកប្រើ៕

ប្រែសម្រួល៖ វីរបុត្រ
ប្រភព៖ Xinhua

Related Topics:អង្គការសុខភាពពិភពលោក (WHO)កូវីដ-១៩