គ្រូពេទ្យឥណ្ឌា ខំមកចាក់វ៉ាក់សាំងដល់ភូមិ បែរជានាំគ្នាដេញវាយព្រោះជឿថា ចាក់ហើយស្លាប់

គ្រូពេទ្យមួយក្រុម ដែលកំពុងបំពេញបេសកកម្មចាក់វ៉ាក់សាំង នៅទីក្រុង Ujjain ក្នុងរដ្ឋ Madhya Pradesh ត្រូវបានអ្នកភូមិវាយនឹងដំបងនិងដែកទីប។ គ្រូពេទ្យម្នាក់បានរងរបួស និងហូរឈាមក្បាលយ៉ាងខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បច្ចុប្បន្ន វីដេអូឃ្លីបនៃឧប្បត្តិហេតុនេះ កំពុងល្បីល្បាញពាសពេញបណ្តាញសង្គម។ នៅក្នុងឃ្លីបនេះ សមាជិកក្រុមគ្រូពេទ្យ ត្រូវបានគេមើលឃើញ កំពុងព្យាយាមរត់គេច ខណៈអ្នកភូមិកាន់ដំបងនិងដែកទីប ដេញវាយពួកគេ។

ក្រុមគ្រូពេទ្យដែលស្ថិតនៅក្នុងភូមិ Malikhedi នៃទីក្រុង Ujjain កំពុង ផ្សព្វផ្សាយឲ្យមានការយល់ដឹងអំពីការចាក់វ៉ាក់សាំងការពារជំងឹកូវីដ-១៩ នៅពេលពួកគេរងការវាយប្រហារ។ ប៉ូលិសនិយាយថា “អ្នកភូមិមួយចំនួនបានប្រើពាក្យសម្តីមិនសមរម្យទៅលើពួកគេ ហើយវាយចំក្បាលប្តីរបស់ជំនួយការលេខាធិការម្នាក់។

គ្រូពេទ្យនិយាយថា ពួកយើងមកទីនេះដើម្បីផ្សព្វផ្សាយឲ្យអ្នកភូមិយល់អំពីបញ្ហាសុខភាព ដោយឲ្យពួកគេទទួលបានវ៉ាក់សាំង ប៉ុន្តែពួកគេមិនព្រមចាក់ទេ។ ពួកគេបាននាំគ្នាទាំងហ្វូងៗមកវាយពួកយើង។

គ្រូពេទ្យបន្ថែមថា អ្នកភូមិអះអាងថា ពួកគេមានសុខភាពល្អ ហើយមិនចាំបាច់ចាក់វ៉ាក់សាំងទេ។ អ្នកភូមិក៏បានអះអាងផងដែរថា មនុស្សនឹងស្លាប់ដោយសារចាក់វ៉ាក់សាំង។

ពេលនេះ ប៉ូលិសកំពុងតាមរកអ្នកដែលត្រូវបានឃើញក្នុងវីដេអូនៃហេតុការណ៍នោះ៕

សូមទស្សនាវីដេអូ៖

ប្រែសម្រួល៖​ Vann Vann

ប្រភព៖ India Today

ចុចអាន​៖ ជំងឺផ្សិតខ្មៅ បង្ខំឲ្យអ្នកជំងឺឥណ្ឌារាប់ពាន់នាក់ វះយកភ្នែកម្ខាងឬទាំងសងខាងចេញ បើចង់រស់