មិនធម្មតា! ថ្លៃចំណាយសម្រាប់ការព្យាបាលអ្នកជំងឺកូវីដ ១៩ ក្នុងម្នាក់នៅ អាមេរិក

បើយោងតាមទិន្នន័យវិភាគ ការចំណាយចុងក្រោយពីគេហទំព័រ FAIR Health បានឲ្យដឹងថា ថ្លៃចំណាយសម្រាប់ការព្យាបាលនៅមន្ទីរពេទ្យ សម្រាប់អ្នកជំងឺកូវីដ ១៩ ក្នុងម្នាក់សហរដ្ឋអាមេរិក គឺខុសគ្នាយ៉ាងខ្លាំង ទៅតាមអាយុ ពោល ៥១,៣៨៩ ដុល្លារ សម្រាប់អ្នកជំងឺដែលមានអាយុចន្លោះពី ២១ ទៅ ៤០ ឆ្នាំ ទៅ ៧៨,៥៦៩ ដុល្លារសម្រាប់អ្នកជំងឺដែលមានអាយុចន្លោះពី ៤១ ទៅ ៦០ ឆ្នាំ ។

ចំណែកថ្លៃព្យាបាលនៅមន្ទីរពេទ្យ សម្រាប់អ្នកជំងឺកូវីដ ១៩ អាយុក្រោម ២០ ឆ្នាំ ជាមធ្យមប្រហែល ៦៨,២៦១ ដុល្លារ ខណៈសម្រាប់មនុស្សដែលមានអាយុលើសពី ៦០ ឆ្នាំ គឺប្រហែល ៧៧,៣២៣ ដុល្លារ ។

តួលេខទាំងនេះ តំណាងឲ្យការវិភាគតម្លៃ ចាប់ពីខែកុម្ភៈដល់ខែសីហា ហើយត្រូវបានធ្វើបច្ចុប្បន្នភាពពីខែកក្កដា ឆ្នាំមុន ។

នៅក្នុងខែកក្កដា ឆ្នាំមុន របាយការណ៍បានបង្ហាញពីចំនួនគិតថ្លៃថ្នាក់ជាតិ សម្រាប់ការថែទាំសុខភាពអ្នកជំងឺដោយផ្ទាល់ សម្រាប់អ្នកដែលមិនមានការធានារ៉ាប់រង ឬអ្នកនៅក្រៅបណ្តាញថែទាំ មានចំនួន ៤៥,៦៨៣ ដុល្លារ សម្រាប់អ្នកជំងឺដែលមានអាយុពី ៥១ ទៅ ៦០ ឆ្នាំ និង ៣៤,៦៦២ ដុល្លារសម្រាប់អ្នកដែលមានអាយុពី ២៣ ទៅ ៣០ ឆ្នាំ ។

គួរបញ្ជាក់ថា គិតត្រឹមពេលនេះសហរដ្ឋអាមេរិកមានករណីឆ្លងជំងឺកូវីដ ១៩ សរុបចំនួន ៣៣,៩៤៧,១៨៩ ករណី និងមានអ្នកស្លាប់ចំនួន ៦០៥,២០៨ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Healthcare Finance

ចុចអាន ៖ សហរដ្ឋ អាមេរិក ចែកវ៉ាក់សាំងកូវីដដែលអនុម័តហើយ ចំនួន២០លានដូសទៅក្រៅប្រទេសជាលើកដំបូង

ចុចអាន ៖ ថ្មី! វិសាល សុខ បង្ហាញថ្លៃព្យាបាលខុសគ្នាក្នុងមួយថ្ងៃរវាងអ្នកជំងឺកូវីដ-១៩ ខ្មែរ និងបរទេស