ព័ត៌មានអន្ដរជាតិ

អាមេរិក បាញ់ប្រហារទីសាធារណៈទៀតហើយសម្លាប់មនុស្ស៨នាក់

បានផុស

៤ years មុន

នៅ

ថ្ងៃព្រហស្បតិ៍ ២៧ ឧសភា ២០២១

ដោយ

បុគ្គលិកម្នាក់នៅថ្ងៃពុធបានបើកការបាញ់រះនៅស្ថានីយ៍រថភ្លើងមួយកន្លែងក្នុងរដ្ឋកាលីហ្វញ៉ាបានសម្លាប់មនុស្ស៨នាក់ មុនពេលបាញ់សម្លាប់ខ្លួនឯង។ នេះបើតាមអាជ្ញាធរបាននិយាយ និងបានក្លាយជាការប្រហារនៅទីសាធារណៈថ្មីបំផុតមួយទៀតនៅក្នុងប្រទេសដែលកំពុងញាំញីដោយកូវីដ-១៩។

ការបាញ់រះបានកើតមានឡើងវេលាម៉ោង៦:៣០នាទីព្រឹក ថ្ងៃពុធ ទី២៦ នៅអគារពីរកន្លែងដែលជាផ្នែកនៃភ្លើងរថភ្លើងរបស់អាជ្ញាធរដឹកជញ្ជូន Valley ដែលផ្តល់សេវាកម្មរថយន្តក្រុង រថភ្លើង និងសេវាកម្មដឹកជញ្ជូនផ្សេងៗទៀតឆ្លងកាត់ Santa Clara County ដែលជាកន្លែងដែលមានមនុស្សច្រើននៅតំបន់ San Francisco Bay Area។ ទីតាំងនៅទីក្រុង San Jose ជាមជ្ឈមណ្ឌលសម្រាប់គ្រប់គ្រងការដឹកជញ្ជូន ចំណតរថភ្លើង និងកន្លែងថែទាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីនៅ Santa Clara County លោក Laurie Smith បាននិយាយថា ៖«នៅពេលក្រុមកម្លាំងយើងបានទៅដល់ទ្វារចូល ដំបូង ជនល្មើសនៅតែបន្តបាញ់។ នៅពេលកម្លាំងយើងម្នាក់បានឃើញជនដៃដល់ គាត់ក៏បានបាញ់សម្លាប់ខ្លួនឯងតែម្តង»។

លោក Joy Alexiou អ្នកនាំពាក្យបាននិយាយថា បុរសម្នាក់បានរបួសធ្ងន់ធ្ងរនៅ Santa Clara Valley Medical Center។

យោងតាមមន្ត្រីអនុវត្តច្បាស់ពីរនាក់បានឲ្យដឹងថា អ្នកបាញ់ប្រហារជាបុរសឈ្មោះ Sam Cassidy អាយុ៥៧ឆ្នាំ។ អ្នកស៊ើបអង្កេតបានកំពុងដំណើរការ ប៉ុន្តែមិនទាន់និយាយអ្វីពាក់ព័ន្ធនឹងការបាញ់ប្រហារនេះទេ។ ជនដៃដល់បានធ្វើការនៅអាជ្ញាធរដឹកជញ្ជូន Valley តាំងពីឆ្នាំ២០១២។ តួនាទីរបស់គាត់ពីឆ្នាំ២០១២ដល់២០១៤ជាមេកានិកម្នាក់។ បន្ទាប់មក គាត់ជាមើលការងារនៅអនុស្ថានីយ៍។

អ្នកនាំពាក្យរង Sheriff លោក Russell Davis បាននិយាយថា លោកមិនទាន់ដឹងពីប្រភេទនៃអាវុធដែលត្រូវបានប្រើក្នុងការបាញ់ប្រហារនេះទេ។ ក្រុមអ្នកជំនាញគ្រាប់បែកកំពុងស្វែងរកនៅបរិវេណស្ថានីយ៍រថភ្លើងនោះ បន្ទាប់ពីទទួលបានព័ត៌មានអំពីគ្រឿងផ្ទុះដែលអាចកើតមានឡើង។

ទោះបីជាយ៉ាងណា អាជ្ញាធរមិនទាន់បង្ហាញពីអត្តសញ្ញាណនៃជនរងគ្រោះណាម្នាក់ដែលរាប់ទាំងបុគ្គលិកធ្វើការនៅអាជ្ញាធរដឹកជញ្ជូន Valley ផង។

អភិបាលក្រុង San Jose លោក Sam Liccardo បានឲ្យដឹងថា សមាជិកនៃសហជីពតំណាងកម្មករដឹកជញ្ជូនបានកំពុងប្រជុំនៅពេលដែលការបាញ់ប្រហារបានផ្ទុះឡើង។ ប៉ុន្តែមិនច្បាស់ទេថា ការប្រជុំនោះពាក់ព័ន្ធនឹងករណីដែលបណ្តាលឲ្យកើតមានបាញ់ប្រហារនោះឬយ៉ាងណាទេ។

យោងតាមទិន្នន័យរបស់ USA Today and Northeastern University បានបង្ហាញថា ក្នុងរយៈពេល១៥ឆ្នាំចុងក្រោយនេះ ទីក្រុង San Jose មានការបាញ់ប្រហារទីសាធារណៈ១៥ដងគិតត្រឹមឆ្នាំ២០២១នេះដែលសុទ្ធតែជាការបាញ់សម្លាប់ទាំងអស់។ កាលពីឆ្នាំ២០២០កន្លងទៅ ទីក្រុងនេះមានមនុស្សស្លាប់១០៦នាក់ដោយការបាញ់ប្រហារបែបនេះ។

នៅសេតវិមាន លោកប្រធានាធិបតីអាមេរិក ចូ បៃដិន បានបញ្ជាឲ្យដាក់ទង់ជាតិពាក់កណ្តាលដង និងជំរុញឲ្យសភាចាត់វិធានការលើច្បាប់គ្រប់គ្រងហិង្សាដោយអាវុធ៕

ប្រែសម្រួល៖ វីរបុត្រ
ប្រភព៖ AP