ចំណុចផ្ទុះកូវីដនៅ វៀតណាម ក្លាយជា “ទីក្រុងខ្មោច”

ខេត្ត Bac Giang ដែលជាចំណុចផ្ទុះវីរុសកូវីដ-១៩ ត្រូវបានគេបោះបង់ចោលនិងស្ងប់ស្ងាត់ក្លាយជាទីក្រុងខ្មោចនារយៈពេលប៉ុន្មានថ្ងៃមកនេះ បន្ទាប់ពីការដាក់ចេញនូវវិធានការគម្លាតសង្គម ដើម្បីទប់ស្កាត់ការរីករាលដាល។

ទីលាន ៣កុម្ភៈ ស្ថិតនៅចំកណ្តាលទីរួមខេត្ត Bac Giang។ ខេត្តដែលស្ថិតនៅជិតទីក្រុង ហាណូយ មួយនេះ បានរួមចំណែកពាក់កណ្តាល នៃករណីកូវីដទាំងអស់ ដែលកំពុងផ្ទុះឡើងក្នុងប្រទេសវៀតណាម។

ចាប់តាំងពីថ្ងៃទី១៨ខែឧសភាមក ខេត្តនេះ បានដាក់ចេញនូវវិធានការគម្លាតសង្គមនៅក្នុងស្រុកចំនួន៦ ក្នុងចំណោមស្រុកទាំងប្រាំបួនរបស់ខ្លួន ខណៈប្រជាជននៅក្នុងស្រុកដែលនៅសេសសល់និងទីរួមខេត្ត Bac Giang មិនត្រូវបានអនុញ្ញាតឲ្យចេញទៅក្រៅទេ លើកលែងតែមានហេតុផលជាក់លាក់ប៉ុណ្ណោះ។

ខេត្តនេះ ក៏ហាមឃាត់ព្រឹត្តិការណ៍សង្គម ការប្រមូលផ្ដុំមនុស្សលើស២០នាក់នៅកន្លែងតែមួយ និងការប្រមូលផ្តុំមនុស្ស១០នាក់ឬលើសពីនេះនៅខាងក្រៅកន្លែងធ្វើការ សាលារៀននិងមន្ទីរពេទ្យ ហើយតម្រូវឲ្យមានគម្លាតអប្បបរមា២ម៉ែត្រ រវាងមនុស្សនៅតាមទីសាធារណៈផងដែរ។

ប្រែសម្រួល៖ Vann Vann

ប្រភព៖ VN Express

ចុចអាន៖ វីរុសបំប្លែងខ្លួនប្រភេទថ្មី មានប្រភពចេញពីប្រទេសក្បែរកម្ពុជា កំពុងរាលដាលនៅ អង់គ្លេស