ព័ត៌មានអន្ដរជាតិ
ម៉ាឡេស៊ីធ្ងន់ធ្ងរណាស់ ពេលនេះសម្រេចដាក់បំរាមពេញបន្ទុកទូទាំងប្រទេស
ប្រទេសម៉ាឡេស៊ីនឹងដាក់បំរាមបិទខ្ទប់ពេញបន្ទុកទូទាំងប្រទេសចាប់ពីថ្ងៃទី១ ដល់ទី១៤ ខែមិថុនា ខាងមុខនេះដើម្បីទប់ស្កាត់កូវីដ-១៩ដែលកំពុងរាតត្បាតខ្លាំង។ នេះបើតាមសេចក្តីប្រកាសព័ត៌មានដែលបានផ្សាយលើផេករបស់លោកនាយករដ្ឋមន្ត្រី Muhyiddin Yassin នៅយប់ថ្ងៃសុក្រ ទី២៨ ខែឧសភា។
សេចក្តីប្រកាសដែលចេញដោយការិយាល័យនាយករដ្ឋមន្ត្រីឲ្យដឹងថា គ្រប់ផ្នែកនៃសកម្មភាពសេដ្ឋកិច្ច និងសង្គមនឹងត្រូវបិទទាំងអស់នៅក្នុងបំរាមបិទខ្ទប់ពេញបន្ទុក។ មានតែផ្នែកសេដ្ឋកិច្ចសំខាន់ និងសេវាកម្មដែលមាននៅក្នុងបញ្ជីរបស់ក្រុមប្រឹក្សាសន្តិសុខជាតិប៉ុណ្ណោះដែលនឹងអនុញ្ញាតឲ្យដំណើរការនៅក្នុងដំណាក់កាលបំរាមបិទខ្ទប់ដំណាក់កាលទី១។
សេចក្តីប្រកាសបានឲ្យដឹងថា ៖«ការសម្រេចចិត្តនេះត្រូវបានធ្វើឡើងដើម្បីឆ្លើយតបនឹងកូវីដ-១៩ដែលកំពុងរាតត្បាតខ្លាំងនៅប្រទេសម៉ាឡេស៊ីដែលមានករណីឆ្លងប្រចាំថ្ងៃលើសពី៨០០០នាក់ និងករណីឆ្លងសកម្មលើសពី៧០ ០០០នាក់»។
ការលេចឡើងនៃវីរុសបំប្លែងខ្លួនកូវីដ-១៩ថ្មីបានជះឥទ្ធិពលដល់ការសម្រេចចិត្តរបស់ក្រុមប្រឹក្សាសន្តិសុខជាតិដើម្បីធ្វើការដាក់បំរាមបិទខ្ទប់ពេញលេញ។
សេចក្តីប្រកាសបានឲ្យដឹងថា ជាមួយនឹងការករណីឆ្លងប្រចាំថ្ងៃកំពុងហក់ឡើង សមត្ថភាពរបស់មន្ទីរពេទ្យដើម្បីព្យាបាលអ្នកជំងឺកូវីដ-១៩ទូទាំងប្រទេសក៏កាន់តែមានកម្រិត។
ប្រសិនបើបំរាមបិទខ្ទប់ពេញបន្ទុកដំណាក់កាលទី១បានជោគជ័យក្នុងការកាត់បន្ថយការឆ្លងប្រចាំថ្ងៃបាន រដ្ឋាភិបាលនឹងបន្ថយមកត្រឹមបំរាមកដំណាក់កាលទី២ដែលនឹងអនុញ្ញាតឲ្យបើកវិស័យសេដ្ឋកិច្ចមួយចំនួនឡើងវិញដែលមិនពាក់ព័ន្ធនឹងការប្រមូលផ្តុំ ឬជួបជុំមនុស្សច្រើន។
បំរាមដំណាក់កាលទី២មានរយៈពេល៤សប្តាហ៍
ការិយាល័យនាយករដ្ឋមន្ត្រីម៉ាឡេស៊ីបាននិយាយថា ៖«នៅពេលការបំរាមដំណាក់កាលទី២ចប់ ជំហានបន្ទាប់គឺដំណាក់កាលទី៣ដែលនឹងអនុវត្តបទបញ្ជាគ្រប់គ្រងចលនាមួយ (MCO)ដែលប្រហាក់ប្រហែលនឹងបទបញ្ជាបច្ចុប្បន្ន ដែលសកម្មភាពសង្គមមិនត្រូវបានអនុញ្ញាត ហើយវិស័យសេដ្ឋកិច្ចស្ទើរតែទាំងអស់ត្រូវបានអនុញ្ញាតឲ្យដំណើរការស្របតាមនីតិវិធីប្រតិបត្តិកម្រិតស្តង់ដារ និងកំណត់ចំនួនមនុស្សនៅកន្លែងធ្វើការ»។
ទោះបីជាយ៉ាងណា ការសម្រេចផ្លាស់ប្តូរពីដំណាក់កាលមួយទៅដំណាក់កាលមួយនឹងត្រូវឆ្លងកាត់ការវាយតម្លៃហានិភ័យរបស់ក្រសួងសុខាភិបាល និងផ្អែកតាមករណីឆ្លងប្រចាំថ្ងៃជាក់ស្តែង ក៏ដូចជាសមត្ថភាពព្យាបាលអ្នកជំងឺកូវីដ-១៩នៅមន្ទីរពេទ្យ។
ការិយាល័យនាយករដ្ឋមន្ត្រីបានលើកឡើងទៀតថា រដ្ឋាភិបាលនឹងធ្វើធានាថា ប្រព័ន្ធសុខភាពម៉ាឡេស៊ីនឹងមិនដួលរលំឡើយ ហើយការគាំទ្រ និងជំនួយនឹងផ្តល់ទៅក្រសួងសុខាភិបាលដើម្បីបង្កើនសមត្ថភាពមន្ទីរពេទ្យ។
សេចក្តីប្រកាសរបស់ការិយាល័យនាយករដ្ឋមន្ត្រីបានធ្វើឡើង នៅពេលប្រទេសម៉ាឡេស៊ីមានករណីឆ្លងកូវីដ-១៩ថ្មីខ្ពស់បំផុតបួនថ្ងៃជាប់គ្នាគឺចំនួន ៨២៩០នាក់ ដែលធ្វើឲ្យចំនួនអ្នកឆ្លងសរុបឡើងដល់ ៥៤៩ ០០០នាក់។ ករណីស្លាប់ថ្មីមានចំនួន៦១នាក់ដែលធ្វើឲ្យចំនួនអ្នកស្លាប់សរុបឡើងដល់ ២៥៥២នាក់៕
ប្រែសម្រួល៖ វីរបុត្រ
ប្រភព៖ CNA
លោក គង់ វិសាល៖ បវរកញ្ញាពិភពលោក ជាការប្រកួតដ៏ពិសេស បង្ហាញពីភាពប៉ិនប្រសប់របស់ស្ត្រី
Breaking News! អគ្គិភ័យឆាបឆេះឃ្លាំងស្តុកកង់ក្នុងតំបន់OCIC ប្រឈមខូចខាតទាំងស្រុង
បៃដិនប្រកាសផ្តល់ជំនួយយោធាតម្លៃ៨ពាន់លានដុល្លារទៀតដល់អ៊ុយក្រែន មុនចប់អាណត្តិ
អគ្គព្រះរាជអាជ្ញា ប្ដឹងឧទ្ធរណ៍លើការសម្រេចឱ្យបុរសបុកគេស្លាប់៤នាក់ ជាប់ពន្ធនាគារ៥ឆ្នាំ
កងទ័ពស៊ូដង់បើកការវាយលុកដ៏ធំដើម្បីដណ្តើមយករដ្ឋធានី Khartoum វិញ
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
Breaking News! អគ្គិភ័យឆាបឆេះឃ្លាំងស្តុកកង់ក្នុងតំបន់OCIC ប្រឈមខូចខាតទាំងស្រុង
ចាប់ពីថ្ងៃនេះដល់ថ្ងៃ២៨កញ្ញា កម្ពុជាមានភ្លៀងតិចបំផុត ខណៈទឹកទន្លេសាប និងទន្លេបាសាក់កំពុងហក់ឡើង
លោក ស៊ុនចាន់ថុល ចុះទៅក្រុមហ៊ុន SpaceX សេដ្ឋី Elon Musk ស្វែងយល់បច្ចេកវិទ្យាផ្កាយរណបអ៊ីនធឺណិត
-
ព័ត៌មានជាតិ១ សប្តាហ៍ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ១ សប្តាហ៍ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ៣ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៦ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ជីវិតកម្សាន្ដ១១ ម៉ោង agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានអន្ដរជាតិ៣ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ១៤ ម៉ោង agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ១ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan