យន្តហោះឥណ្ឌាឆ្ពោះទៅអាមេរិក ត្រូវបង្ខំចិត្តបកក្រោយវិញ ព្រោះកើតរឿងមួយអ្នកដំណើរផ្អើលឆោឡោ (មានវីដេអូ)

ជើងហោះហើររបស់ក្រុមហ៊ុនអាកាសចរណ៍ Air India ដែលធ្វើដំណើរឆ្ពោះទៅសហរដ្ឋអាមេរិក ត្រូវបង្ខំចិត្តវិលត្រឡប់ទៅទីក្រុងញូវដែលីវិញ សម្រាប់ការចុះចតជាបន្ទាន់ បន្ទាប់ពីសត្វប្រចៀវមួយក្បាល ហើរក្នុងកាប៊ីនយន្តហោះ។

វីដេអូឃ្លីបបានបង្ហាញអ្នកដំណើរនៅលើយន្ដហោះ Boeing 737 ភ័យស្លន់ស្ លោនិងបង្ខំចិត្តចុះចត នៅពេលសត្វប្រចៀវពពួកឥណ្ឌាមួយក្បាលហើរពេញយន្តហោះ។

ជើងហោះហើររបស់ក្រុមហ៊ុន Air India ត្រូវបានគេនិយាយថា បានហោះចេញពីអាកាសយានដ្ឋានអន្តរជាតិ Indira Gandhi នៃទីក្រុង ញូវដេលី មុនពេលក្រុមបុគ្គលិករាយការណ៍ពីវត្តមានរបស់សត្វប្រចៀវទៅកាន់កាពីតែន បន្ទាប់ពីហោះហើរអស់រយៈពេលជិត៣០នាទីទៅហើយ។

ទោះបីជាយ៉ាងណាក៏ដោយ កាពីតែន បានទាក់ទងទៅផ្នែកគ្រប់គ្រងចរាចរណ៍ផ្លូវអាកាស នៅពេលខ្លួនសម្រេចចិត្ត វិលត្រឡប់មកទីក្រុងញូវដែលីវិញ។ ចុងក្រោយ យន្តហោះបានចុះចត ដោយសុវត្ថិភាព។

ស្របពេលជាមួយគ្នានោះ មន្ត្រីសត្វព្រៃ ត្រូវបានគេទាក់ទងឲ្យទៅយកសត្វប្រចៀវចេញ បន្ទាប់ពីអ្នកដំណើរចុះអស់ ក្រុមការងារក៏បានបាញ់ថ្នាំសម្លាប់មេរោគក្នុងយន្តហោះ៕

សូមទស្សនាវីដេអូ៖

ប្រែសម្រួល៖ សន្យា

ប្រភព៖ Daily Mail

ចុចអាន៖ កូរ៉េខាងជើង បញ្ជាសម្លាប់សត្វឆ្មា និងព្រាប តាមតំបន់ព្រំដែនដើម្បីការពារកុំឲ្យផ្ទុះឆ្លងកូវីដ

ចុចអាន៖ គួរបារម្ភ​ វៀតណាម​​រក​​ឃើញ​វីរុស​បំប្លែង​ខ្លួន​ឥណ្ឌា​ និង​អង់គ្លេស​ចម្រុះ​គ្នា​ ឆ្លងកាន់​តែ​លឿន​