ព័ត៌មានអន្ដរជាតិ
វេជ្ជបណ្ឌិតព្រមានគ្រោះថ្នាក់ចំពោះស្ត្រីលេបថ្នាំពន្យារកំណើត មុនពេលចាក់វ៉ាក់សាំងកូវីដ
វេជ្ជបណ្ឌិត Siraya Kitiyodom អ្នកជំនាញផ្នែកសម្ភពនៅមន្ទីរពេទ្យ Maharat Nakhon Ratchasima ប្រទេសថៃនិយាយថា ថ្នាំពន្យារកំណើតអាចបង្កហានិភ័យនៃការកកឈាម ហើយស្ត្រីគួរពិចារណាបញ្ឈប់ការប្រើថ្នាំនេះ មុនពេលទទួលការចាក់វ៉ាក់សាំងការពារកូវីដ-១៩ ។
![Birth Control and Cancer Risk: 6 Things You Should Know | Memorial Sloan Kettering Cancer Center](https://www.mskcc.org/sites/default/files/styles/large/public/node/164392/3x2/istock-871189318_1200x800.jpg)
វេជ្ជបណ្ឌិត Siraya Kitiyodom មានប្រសាសន៍ថា ស្ត្រីដែលកំពុងលេបថ្នាំពន្យារកំណើតមានហានិភ័យខ្ពស់ក្នុងការកើតមានកំណកឈាមជាងអ្នកដែលមិនប្រើសោះ ព្រោះថ្នាំគ្រាប់នេះផ្ទុកនូវអរម៉ូនដែលអាចធ្វើឱ្យឈាមកក។
ត្បិតតែមកទល់ពេលនេះ មិនទាន់មានភ័ស្តុតាងណាមួយដែលបញ្ជាក់អំពីផលប៉ះពាល់អវិជ្ជមាននៃវ៉ាក់សាំង Covid-19 ទៅលើសុខភាពស្ត្រីដែលប្រើថ្នាំគ្រាប់នេះក៏ដោយ ក៏ប្រទេសអឺរ៉ុបមួយចំនួនបានព្រមានឱ្យពន្យារពេលទទួលការចាក់វ៉ាក់សាំងសិន រហូតឥទ្ធិពលថ្នាំបានថយចុះ យ៉ាងហោចក៏មួយខែដែរ។
លោកស្រីវេជ្ជបណ្ឌិតរូបនេះបន្ថែមថា ចំពោះអ្នកមានការព្រួយបារម្ភអំពីផលប៉ះពាល់សុខភាពអាចពិចារណាឈប់ប្រើថ្នាំមួយរយៈ ឬប្រើវិធីពន្យារកំណើតផ្សេងទៀត ដើម្បីចៀសវាងគ្រោះថ្នាក់។
![The Cost of Birth Control | Family Finance | US News](https://www.usnews.com/dims4/USNEWS/96cf08f/2147483647/thumbnail/970x647/quality/85/?url=http%3A%2F%2Fmedia.beam.usnews.com%2F65%2F5a%2F31afbcd84843ba31f6161621c20c%2F160108-contraceptivepills-stock.jpg)
ដោយឡែក លោក Thiravat Hemachudha ប្រធានមជ្ឈមណ្ឌលវិទ្យាសាស្ត្រសុខាភិបាលនៃសាកលវិទ្យាល័យ Chulalongkorn ក៏បានបញ្ជាក់នៅលើទំព័រហ្វេសប៊ុករបស់ខ្លួនអំពីថ្នាំមួយចំនួនដែលគួរចៀសវាង មុនពេលទទួលការចាក់វ៉ាក់សាំង។ ក្នុងនោះលោកសរសេរថា ពលរដ្ឋគួរតែបញ្ឈប់ការប្រើថ្នាំព្យាបាលរោគប្រកាំង ឬថ្នាំដែលមានឥទ្ធិពលស្រដៀងគ្នា ទោះបីជាមានហានិភ័យតិចតួចនៃការផលប៉ះពាល់ បន្ទាប់ពីទទួលបានវ៉ាក់សាំង Covid-19 ក៏ដោយ។
ចំណែកស្ត្រីដែលកំពុងប្រើថ្នាំពន្យាកំណើត គួរតែផ្អាកលេបថ្នាំនេះយ៉ាងហោចណាស់ ១៤ ថ្ងៃ មុនពេលចាក់វ៉ាក់សាំង៕
ប្រែសម្រួល៖ សន្យា
ប្រភព៖ Bangkok Post
ចុចអាន៖ ផលប្រយោជន៍ល្អឥតខ្ចោះ! ម្តាយចាក់វ៉ាក់សាំងកូវីដរួច អាចផ្តល់អង់ទីគ័រដល់កូន តាមរយៈការបំបៅដោះ
ចុចអាន៖ កុំព្រួយ! វ៉ាក់សាំងកូវីដ-១៩ មិនប៉ះពាល់ដល់វដ្តរដូវស្ត្រីទេ
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៦ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម៧ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៧ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៦ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?
-
ព័ត៌មានអន្ដរជាតិ៣ ថ្ងៃ ago
ត្រាំ តម្រូវឲ្យអ៊ុយក្រែន យកធនធានរ៉ែកម្រមកដោះដូរ បើចង់បានជំនួយអាមេរិក តទៀត