ព័ត៌មានអន្ដរជាតិ

ចិនចាប់ផ្តើមបិទផ្នែកខ្លះក្នុងក្រុង Guangzhou ក្រោយកូវីដឆ្លងថ្មីកើនឡើង

បានផុស

៤ years មុន

នៅ

ថ្ងៃចន្ទ ៣១ ឧសភា ២០២១

ដោយ

នៅថ្ងៃចន្ទ ទី៣១ ខែឧសភានេះ ប្រទេសចិនបានឲ្យដឹងថា មានករណីកូវីដ-១៩ឆ្លងក្នុងស្រុកថ្មី២០នាក់កាលពីថ្ងៃទី៣០ ខែឧសភា នៅភាគខាងត្បូងប្រទេសដែលជំរុញឲ្យអាជ្ញាធរដាក់បំរាមបិទតំបន់មួយចំនួននៅខេត្ត Guangdong។

អាជ្ញាធរសុខាភិបាលបានធ្វើបច្ចុប្បន្នភាពប្រចាំថ្ងៃថា ក្នុងចំណោមករណីឆ្លងកូវីដ-១៩ថ្មីចំនួន២៧នាក់ មានតែ៧នាក់ប៉ុណ្ណោះដែលឆ្លងពីដំបូងនៅខេត្ត Guangdong។

កាលពីថ្ងៃសៅរ៍ អាជ្ញាធរទីក្រុង Guangzhou បានបញ្ជាក់ឲ្យពលរដ្ឋនៅតាមផ្លូវចំនួន៥នៅខណ្ឌ Liwan ស្ថិតនៅផ្ទះ និងពន្យាពេលធ្វើសកម្មភាពដែលមិនចាំបាច់ ខណៈទីតាំងកម្សាន្ត និងផ្សារត្រូវបានបិទ។

ប្រជាជនតម្រង់ជួរចាក់វ៉ាក់សាំងនៅ Guangdong

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសេចក្តីប្រកាសរបស់ទីក្រុងកាលពីថ្ងៃអាទិត្យថា មនុស្សដែលកំពុងទៅកាន់ទីក្រុងចេញពីព្រលានយន្តហោះ ស្ថានីយ៍រថភ្លើង និងចំណតរថយន្តក្រុងត្រូវតែបង្ហាញលិខិតស្នាមធ្វើតេស្តដែលអវិជ្ជមានកូវីដ-១៩ក្នុងរយៈពេល៣ថ្ងៃ លើកលែងតែអ្នកដំណើរដែលមកដល់ទីក្រុងដើម្បីឆ្លងកាត់តែប៉ុណ្ណោះ។

យោងតាមអនុប្រធានស្នងការសុខភាពទីក្រុងលោក Chen Bin បាននិយាយក្នុងសន្និសីទកាលពីថ្ងៃអាទិត្យថា ការឆ្លងកូវីដ-១៩ថ្មីៗនេះនៅក្នុងទីក្រុងបានរាលដាលយ៉ាងឆាប់រហ័សដែលជាប្រភេទវីរុសបំប្លែងខ្លួនឥណ្ឌា។

អាជ្ញាធរសុខាភិបាលខេត្ត Guangdong បានឲ្យដឹងនៅថ្ងៃចន្ទនេះថា ក្នុងចំណោមអ្នកឆ្លងក្នុងស្រុកថ្មី២០នាក់កាលពីថ្ងៃទី៣០ ខែឧសភា មាន១៨នាក់រកឃើញនៅទីក្រុង Guangzhou និង២នាក់រកឃើញនៅទីក្រុង Foshan។

សារព័ត៌មានរដ្ឋបានផ្សាយថា ករណីឆ្លងថ្មីៗនេះបានពាក់ព័ន្ធនឹងវីរុសបំប្លែងខ្លួនថ្មីដែលត្រូវបានរកឃើញដំបូងនៅប្រទេសឥណ្ឌា។

ប្រទេសចិនបានរាយការណ៍ករណីឆ្លងថ្មីចំនួន១៩នាក់ដែលមិនត្រូវបានបញ្ជាក់ច្បាស់លាស់ជាករណីវីរុសកាលពីថ្ងៃទី៣០ ខែឧសភា បើប្រៀបធៀបធៀបនឹងការឆ្លង២២នាក់កាលពីថ្ងៃសៅរ៍។

គិតត្រឹមថ្ងៃទី៣០ ខែឧសភា ចិនមានករណីឆ្លងកូវីដ-១៩សរុបចំនួន ៩១ ០៩៩នាក់ និងករណីស្លាប់គ្មានការប្រែប្រួលទេគឺ ៤៦៣៦នាក់ដដែល៕

ប្រែសម្រួល៖ វីរបុត្រ
ប្រភព៖ Reuters