ព័ត៌មានអន្ដរជាតិ

IWPG ជំរុញការគាំទ្រ “គំនិតផ្តួចផ្តើមកសាងសន្តិភាពដល់ពលរដ្ឋសម្រាប់ការរួមរស់ និងភាពសុខដុមនីយកម្មសកលតាមរយៈបណ្តាញអន្តរជាតិ”

បានផុស

៤ years មុន

នៅ

ថ្ងៃចន្ទ ៣១ ឧសភា ២០២១

ដោយ

គណៈកម្មាធិការនារីអន្តរជាតិដើម្បីសន្តិភាព (IWPG) ដែលមានលោកស្រី Hyun Sook Yoon ជាប្រធានបានចូលរួម “ខួបលើកទី ៨ នៃសេចក្តីប្រកាសសន្តិភាពពិភពលោក” ដែលធ្វើឡើងរៀងរាល់ថ្ងៃទី ២៥ ខែឧសភា នៅទីក្រុងសេអ៊ូល ប្រទេសកូរ៉េខាងត្បូង ដើម្បីជំរុញការគាំទ្រ និងសាមគ្គីភាពនៃ “គំនិតផ្តួចផ្តើមកសាងសន្តិភាពដល់ប្រជាពលរដ្ឋសម្រាប់ការរួមរស់ជាសកល និងភាពសុខដុមនីយកម្មសកលតាមរយៈបណ្តាញអន្តរជាតិ” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រឹត្តិការណ៍នេះត្រូវបានរៀបចំរួមគ្នាដោយវប្បធម៌ឋានសួគ៌, អង្គការសន្តិភាព និងការស្ដារឡើងវិញនៃពន្លឺពិភពលោក (HWPL) ដែលមាន Man Hee Lee ជាប្រធាន និងជាអង្គការដែលស្ថិតក្នុងស្ថានភាពពិគ្រោះយោបល់ជាមួយ ECOSOC, គណៈកម្មាធិការនារីអន្តរជាតិដើម្បីសន្តិភាព (IWPG) និងក្រុមយុវជន អន្តរជាតិដើម្បីសន្តិភាព (IPYG) ។ ដោយសារជំងឺកូវីដ ១៩ ពិធីរំឭកខួបនេះត្រូវបានធ្វើឡើងជាព្រឹត្តិការណ៍តាមអនឡាញនៅប្រទេសកូរ៉េ ដែលមានមនុស្សចូលរួមជាង ៣,០០០ នាក់មកពី ១៥០ ប្រទេសជុំវិញពិភពលោក ។

សេចក្តីប្រកាសស្តីពីសន្តិភាពពិភពលោក (DPCW) ត្រូវបានប្រកាសជាលើកដំបូងនៅថ្ងៃទី ២៥ ខែឧសភា ឆ្នាំ ២០១៣ ។ នៅថ្ងៃប្រកាសសន្តិភាព ដែលធ្វើឡើងជាមួយប្រជាពលរដ្ឋចំនួន ៣០,០០០ នាក់ដែលបានផ្សព្វផ្សាយពាសពេញប្រទេស និងទ្វីបផ្សេងៗគ្នា កំពុងក្លាយជានិមិត្តរូបនៃចលនាសន្តិភាពអន្តរជាតិ ដឹកនាំដោយប្រជាពលរដ្ឋ ។ កាលពី ៨ ឆ្នាំមុន HWPL បានប្រកាស “សេចក្តីប្រកាសសន្តិភាពពិភពលោក” ដោយស្នើឲ្យមានវិធានការណ៍ប្រកបដោយប្រសិទ្ធភាព និងវិធានការដែលអាចត្រូវបានបង្កើតឡើងដោយមនុស្សគ្រប់គ្នានៅលើពិភពលោកសម្រាប់ការបញ្ចប់សង្គ្រាម និងសន្តិភាព ។

លោកស្រី Hyun Sook Yoon ប្រធាន IWPG បានថ្លែងនៅក្នុងសុន្ទរកថាពិធីរំឭកខួបនោះថា “HWPL បានបង្កើត និងអនុវត្តផែនទីបង្ហាញផ្លូវសន្តិភាពពិតប្រាកដដែលចាប់ផ្តើមដោយ “សេចក្តីប្រកាសសន្តិភាពពិភពលោក” នៅថ្ងៃទី ២៥ ខែឧសភា ឆ្នាំ ២០១៣” ។ លោកស្រីបាននិយាយថា “DPCW មានចម្លើយជាមូលដ្ឋានសម្រាប់ការធ្វើឲ្យសម្រេចបាននូវសន្តិភាពពិភពលោក” ។

ចំណែកលោក Man Hee Lee ប្រធានអង្គការ HWPL បានថ្លែងនៅក្នុងសុន្ទរកថារំឭកខួបនោះថា “យើងកំពុងប្រារព្ធខួបលើកទី ៨ នៃថ្ងៃដែលការសន្យាបានធ្វើឡើង មុនពេលពិភពលោកបញ្ចប់សង្គ្រាមពិភពលោក និងការស្វែងរកសន្តិភាពពិភពលោក ដើម្បីទុកជាមរតកសម្រាប់មនុស្សជំនាន់ក្រោយ ។ អ្វីដែលអ្នកដែលបានស្លាប់ទៅហើយរបស់យើងត្រូវការគឺ ពិភពលោកមានសន្តិភាព ។ នោះហើយជាមូលហេតុដែលចំណងជើងនៃការបញ្ឈប់សង្គ្រាម និងសន្តិភាពគឺនៅអង្គការ HWPL” ។

ទន្ទឹមនោះ លោក Peter Jung អ្នកចាត់ការទូទៅនៃក្រុមយុវជនអន្តរជាតិដើម្បីសន្តិភាព (IPYG) បានណែនាំរលកសកម្មភាពថ្មីនៃច្បាប់សន្តិភាព (LP) ជាសកម្មភាពសន្តិភាពដែលប្រជាពលរដ្ឋនៅជុំវិញពិភពលោកកំពុងចូលរួមដើម្បីដឹងអំពី DPCW តាមរយៈរបាយការណ៍ផ្តួចផ្តើមសន្តិភាព ។ សកម្មភាពទី ១ គឺការដាំដើមឈើសន្តិភាព ទី ២ គឺស្នើសុំសំណូមពរគោលនយោបាយសន្តិភាពនៅប្រទេសម៉ាលី អាហ្វ្រិក និងទី ៣ គឺអនុវត្តសកម្មភាពវិភាគទានសង្គម ។

ជាមួយគ្នានេះដែរអ្នកដែលមកពីគណៈកម្មាធិការ IWPG ពោលមានស្ត្រីជាង ៥០០ នាក់មកពី ៥០ ប្រទេសក៏បានចូលរួមក្នុងពិធីនោះផងដែរ ក្នុងនោះរួមមានលោកស្រី Pascale Isho Warda អតីតរដ្ឋមន្រ្តីក្រសួងអន្តោប្រវេសន៍ និងជនភៀសខ្លួនក្នុងរដ្ឋាភិបាលអន្តរកាលអ៊ីរ៉ាក់ និងជាប្រធានអង្គការសិទ្ធិមនុស្ស Hammurabi (HHRO) ៕