យុទ្ធនាការចាក់វ៉ាក់សាំង កូវីដរបស់ ចិន បង្ហាញល្បឿននៃការស្តារសេដ្ឋកិច្ចឡើងវិញនៅតំបន់អាស៊ីទាំងមូល

កាលពីពេលថ្មីៗនេះកាសែត Wall Street Journal បានសរសេរថា ប្រទេសចិនបានបង្កើនល្បឿន នៃយុទ្ធនាការចាក់វ៉ាក់សាំងរបស់ខ្លួន ចាប់តាំងពីដើមឆ្នាំនេះមកម្ល៉េះ ដែលវានឹងអាចពន្លឿននូវការស្ដារសេដ្ឋកិច្ចឡើងវិញពីជំងឺកូវីដ ១៩ នៅតំបន់អាស៊ីទាំងមូល ។

យោងតាមកាសែត Wall Street Journal បានឲ្យដឹងថា យុទ្ធនាការចាក់វ៉ាក់សាំងរបស់ប្រទេសចិន កំពុងចាប់ផ្តើមយ៉ាងខ្លាំង ពោលមានចំនួនពាក់កណ្តាល នៃចំនួនដែលត្រូវបានចាក់ជារៀងរាល់ថ្ងៃ នៅជុំវិញពិភពលោក ។

អត្ថបទនោះបាននិយាយថា “ការចាក់វ៉ាក់សាំងយ៉ាងលឿនរបស់ចិន អាចបង្កើនល្បឿននៃការវិលត្រឡប់ នៃវិស័យទេសចរណ៍ដែលត្រូវការយ៉ាងខ្លាំង ដល់សេដ្ឋកិច្ចដែលកំពុងរងគ្រោះ នៃបណ្ដាប្រទេសក្នុងតំបន់អាស៊ីអាគ្នេយ៍  ដូចជាប្រទេសថៃ ជាដើម ដែលពឹងផ្អែកភាគច្រើនទៅលើភ្ញៀវទេសចរចិន” ។

ទន្ទឹមនោះ គណៈកម្មការសុខភាពជាតិរបស់ចិន បាននិយាយថា គិតត្រឹមថ្ងៃអាទិត្យ វ៉ាក់សាំងការពារជំងឺកូវីដ ១៩ ជិត ៦២២ លានដូស ត្រូវបានចាក់ទូទាំងប្រទេសចិន ៕

ប្រែសម្រួលដោយ ៖ ជីវ័ន្ត

ប្រភព ៖ XINHUA

ចុចអាន ៖ ចិន ​ចាប់​ផ្តើម​បិទ​ផ្នែក​ខ្លះ​ក្នុង​ក្រុង​ Guangzhou​ ក្រោយ​កូវីដ​ឆ្លង​ថ្មី​កើន​ឡើង